dinamalar telegram
Advertisement

சைபர் தாக்குதல் நடத்தும் திறன்பெற்றது சீனா - பிபின் ராவத்

Share
புதுடில்லி: சீனாவானது இந்தியாவை விட தொழில்நுட்பத்தில் முன்னிலையில் உள்ளது எனவும், இந்தியாவுக்கு எதிராக சைபர் தாக்குதல்களை நடத்தும் திறன் கொண்டது எனவும் முப்படைகளின் தலைமைத் தளபதி பிபின் ராவத் கூறினார்.

விவேகானந்தர் சர்வதேச அறக்கட்டளை சார்பில், தற்போதைய மற்றும் எதிர்கால சவால்களை எதிர்கொள்ளும் வகையில் ஆயுதப்படைகளை வடிவமைப்பது குறித்த கூட்டத்தில் பிபின் ராவத் பேசியதாவது: சீனா எங்கள் மீது இணைய தாக்குதல்களை நடத்தும் திறன்பெற்றது என்பதை நாங்கள் அறிவோம். அவர்கள் நமது கணினிகளை பெருமளவு சீர்குலைக்கக்கூடும். இதுபோன்ற தாக்குதல்களைச் சமாளிக்க இணைய பாதுகாப்பு அமைப்புகளை உருவாக்கி வருகிறோம். ஃபயர்வால்கள் போன்ற தடுப்பு வழிமுறைகள் மூலம் சைபர் தாக்குதல்களை நாம் முறியடிக்க முடியும். அவர்களால் ஃபயர்வால்களிலும் ஊடுருவவும் முடியும். அந்த கட்டத்தில் கணினிகளை மீட்க செயல்படும் விதம் பற்றி கவனித்து வருகிறோம்.

சீனாவுடனான இடைவெளியைக் குறைக்க இந்தியா புதிய தொழில்நுட்பங்களை உருவாக்கி வருகிறது. அதற்கு மூன்று சேவைகளின் வளங்களை ஒருங்கிணைக்க வேண்டும். அதனை செய்தால், அவர்களுடன் மல்லுக்கட்ட முடியும். அது கடற்படை, ராணுவம், விமானப் படை ஆகும். ராணுவம் மற்றும் இந்திய விமானப்படை ஆகியவற்றை விட கடற்படை மேம்பட்ட தொழில்நுட்பத்தில் முன்னணியில் உள்ளது. மூன்று சேவைகளில் ராணுவம் மிகப் பெரிய சேவையாக இருப்பதால், அதனை மையப்படுத்தி ஒருங்கிணைப்பு அமையலாம். மேலும் சில மேற்கத்திய நாடுகளுடன் உறவை மேம்படுத்தி, எப்படி சிறந்த ஆதரவை பெற முடியும் என்பதை கவனிக்க வேண்டும்.

பெண்களுக்கு ராணுவ சேவைப் பிரிவு அதிக வாய்ப்புகளை திறந்துவிட்டுள்ளது. பெண்களால் சிறப்பாக செய்யப்படும் சில பணிகள் உள்ளன. சைபர், செயற்கை நுண்ணறிவு, குவாண்டம் கம்ப்யூட்டிங் போன்ற துறைகளில் ஆண்களை விட பெண் ஊழியர்கள் சிறந்த திறன் கொண்டவர்கள் என்பதை நாங்கள் கண்டறிந்துள்ளோம். இவ்வாறு கூறினார்.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Dinamalar iPaper

Advertisement
 

Home வாசகர் கருத்து (15)

  • ஆப்பு -

    அடுத்த ஜனாதிபதி ஆனாலும் ஆச்சரியமில்லை.

  • தமிழவேல் - முகப்பேர் மேற்கு ,இந்தியா

    நாம் எதிர்பார்த்ததை செய்ய மாட்டார்கள். தற்போது, பணம்கேட்டு ஆஸ்பத்திரி, பெரிய கம்பெனிகள், டிரான்ஸ்போர்ட் ............. இவைகளை தாக்க (ஆட்களைவைத்து) ஆரம்பித்துவிட்டனர். மற்ற நாடுகள் இதை எதிர்க்க தயாராகி வருகின்றன.

  • J.V. Iyer - Singapore,சிங்கப்பூர்

    யாரை வேண்டுமானாலும் நம்பலாம், சைனா, பாக்கிஸ்தான் தவிர. சமயம் பார்த்து முதுகில் குத்துவார்கள்.

  • வெற்றிக்கொடி கட்டு - ஓட்டுக்களை விற்றவர்கள் அரசியல்வாதிகளை குறை சொல்லாதீர்கள்,இந்தியா

    "சைபர், செயற்கை நுண்ணறிவு, குவாண்டம் கம்ப்யூட்டிங் போன்ற துறைகளில் ஆண்களை விட பெண் ஊழியர்கள் சிறந்த திறன் கொண்டவர்கள்" வேடிக்கை என்னன்னா இந்த துறைகளில் இதுவரை சாதிச்சவங்க ஆண்கள்தான் ...... சரி .....

  • ரவிச்சந்திரன் முத்துவேல் (தோழர் சே பீனிக்ஸ்) - கரூர்,இந்தியா

    பிபின் ராவத் சொல்வது உண்மையென்றால் கூட, இதுபோன்ற பேச்சில் இந்திய இறையாண்மையை, திறமையை இழிவுபடுத்தும் பேச்சு வன்மையாக கண்டிக்கத்தக்கது சீனாவிலிருந்து வாங்கும் அனைத்து பொருட்களையும் கட்டுப்படுத்தும் சிப் உள்ளது, எனவே அவர்கள் கட்டுப்படுத்துவது மிக சுலபம் அப்படி இந்தியாவை பாதுகாக்க வேண்டும் என்றால் சீனா பொருட்களை மற்றும் நிறுவனங்களை இந்தியாவிற்கும் அனுமதிக்காமல் தடை செய்ய வேண்டும்

Advertisement