dinamalar telegram
Advertisement

பணம் ஆறாக பாய்ந்தும் என்ன பயன்? அரசியல் கட்சியினர் அப்செட்

Share
கோவை: கோவை மாவட்டத்தில் நேற்று முன்தினம் நடந்த தேர்தலில் பதிவான ஓட்டுக்கள், அரசியல் கட்சியினர் மத்தியில் அதிர்ச்சியை ஏற்படுத்தியுள்ளன.

கோவை மாவட்டத்தில் நேற்று முன்தினம் நடந்த சட்டசபை தேர்தலில், அனைத்து தொகுதிகளிலுமே, பணம் ஆறாக பாய்ந்ததாக பரஸ்பரம் புகார் எழுந்தது. முந்தைய தேர்தல்களில் எல்லாம், ஓட்டுக்கு பணம் கொடுப்பது பற்றி ரகசியமாக பேசிக்கொண்டிருந்த அரசியல் கட்சியினர், இந்த தேர்தலில் வெளிப்படையாகவே பேச ஆரம்பித்து விட்டனர்.

ஒரு கட்சியினர் ஆயிரம் ரூபாயில் ஆரம்பிக்க, இன்னொரு கட்சியினர், 500 ரூபாயில் ஆரம்பித்தனர். 'வீட்டுக்கு வீடு அவர்கள் கொடுத்தால், குறிப்பிட்ட சில காலனிக்காவது தர வேண்டாமா' என்று கேட்டு, பிரதான வேட்பாளர்கள் பணம் கொடுக்க ஆரம்பித்தனர். இதில், பூத் கமிட்டி, ஓட்டு சேகரிப்பவர்களுக்கு கொடுக்கும் பணம், வீட்டுக்கு வீடு பணம் வினியோகிப்பவர்களுக்கு கொடுத்தது எல்லாம் தனிக்கணக்கு.
இப்படி பணம் ஆறாக தொகுதிக்குள் பாய்வதால், அதற்கு தகுந்தபடி ஓட்டுப்பதிவும் தாறுமாறாக அதிகரிக்கும் என்று பலரும் எதிர்பார்த்தனர். ஆனால், அப்படியொன்றும் பிரமாதமாக ஓட்டுப்பதிவு அதிகரிக்கவில்லை. தொண்டாமுத்துார் தொகுதியில் கடந்த 2016ல் 66.96 சதவீதமாக இருந்த ஓட்டுப்பதிவு, இந்த தேர்தலில் 71.04 சதவீதமாக அதிகரித்துள்ளது.

கோவை வடக்கில், முந்தைய தேர்தலில் 61.72 சதவீதமாக இருந்த ஓட்டுப்பதிவு, இந்த தேர்தலில் 59.08 ஆக சரிந்துள்ளது. வால்பாறையில் கடந்த தேர்தலை காட்டிலும், இந்த தேர்தலில் இரண்டு சதவீதம் ஓட்டுப்பதிவு குறைந்துள்ளது. மற்ற தொகுதிகளில், ஒரு சதவீதத்துக்கும் குறைவான வித்தியாசமே உள்ளது.'வழக்கமாக ஒவ்வொரு தேர்தலுக்கும் ஓட்டுப்போடுவோர் தான் இந்த முறையும் ஓட்டளித்துள்ளனர்.

பணம் ஆறாக பாய்ந்தும் பயன் ஒன்றும் இல்லை' என்கின்றனர், அரசியல் கட்சியினர். 'பணத்தால் ஓட்டுப்பதிவிலோ, தேர்தல் முடிவிலோ எந்த வித்தியாசமும் ஏற்படுத்த முடியாது என்ற நிலை ஏற்பட்டால் தான், ஓட்டுக்கு பணம் கொடுக்கும் அரசியல்வாதிகளுக்கு புத்தி வரும். பணம் கொடுக்காத வேட்பாளர்களுக்கும் மரியாதை வரும்' என்கின்றனர், நடுநிலை வாக்காளர்கள்.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Dinamalar iPaper

Advertisement
 

Home வாசகர் கருத்து (35)

  • J.V. Iyer - Singapore,சிங்கப்பூர்

    எல்லோரும் பணம் வாங்கிக்கொண்டு அரசியல்வாதிகளுக்கு டாட்டா காட்டுகின்றனர். பலே

  • Raj - Namakkal,சவுதி அரேபியா

    தேர்தல் கமிஷன், பறக்கும் படை, அமலாக்க துறை எல்லாம் எதிர் கட்சியினரை கண்காணிக்க மட்டும் தான்... இந்த அளவிற்கு பணப்பட்டுவாடா செய்து ஒட்டு வாங்கபடுகிறதென்றால் ஒட்டுமொத்த மத்திய, மநீல அரசின் சட்டம் ஒழுங்கு கிட்டு போனதை தெரிவிக்கிறது

  • r.sundaram - tirunelveli,இந்தியா

    அடுத்த தேர்தலில் பணம் கொடுக்க ஆலோசிப்பார்களா இல்லையா?

  • Rengaraj - Madurai,இந்தியா

    இன்னும் சிறப்பாக சொல்ல வேண்டும் என்றால் பணம் பட்டுவாடா ஆகியிருக்கிறது என்று யார் வீடியோ ஆதாரத்துடன் புகார் தந்தாலும் அல்லது பரிசு பொருள், இனாம், வெகுமதி இப்படி ஏதாவது தரப்பட்டிருப்பது ஆதாரத்துடன் தெரிய வந்தாலும் அந்த தொகுதிக்கு தேர்தல் இல்லை. மறுதேர்தலும் இல்லை. இடைத்தேர்தலும் இல்லை அடுத்த பொது தேர்தலுடன் மட்டுமே அந்த தொகுதிக்கு தேர்தல் நடத்தப்படும், அந்த தொகுதிக்கு மக்கள் பிரதிநிதி கிடையாது என்று தேர்தல் கமிஷன் அறிவிப்பு செய்தால் பணப்பட்டுவாடா இருக்காது அல்லது மிக மிக சொற்ப அளவில் அங்கொன்று இங்கொன்று என்ற அளவில் இருக்கும். அது வெற்றி அல்லது தோல்வி அடைவதில் தாக்கத்தை ஏற்படுத்தாது. அதேபோன்று எந்த கட்சியினர் தருகிறார்களோ அந்த கட்சியின் அந்த தொகுதி வேட்பாளர் அடுத்த மூன்று தேர்தல்களுக்கு தேர்தலில் போட்டியிட தடை என்ற உத்தரவும் தேர்தல் கமிஷன் தரவேண்டும். அப்போதுதான் இந்த பணப்பட்டுவாடா நடைமுறை ஒழியும்.

    • Dr. Suriya - Adis Ababa,எத்தியோப்பியா

      அட நீங்க வேற வாக்கு சாவடிக்கு பக்கத்திலையே... ரெண்டு கலர் துன்டு போட்ட குண்டர்கள் பணம் கொடுத்ததை மக்களே பிடித்து கொடுத்தார்கள்... போட்டோ எல்லாம் வந்தது செய்திகளில்... மாட்டினால் இந்த அரசியல் வாதிகள் என்ன சொல்ல்வார்கள் ... அவர்கள் கழக உறுப்பினரே கிடையாது... கட்சிக்கும் அவர்களுக்கும் எந்த சம்பந்தமும் கிடையாது.... இது எங்களின் வெற்றியை பாதிக்க செய்யும் எதிர் கட்சியினரின் சதி என்று கூறி ....எப்படி இனிஷியலோட உள்ள துறை வேறு ஆள இனிஷியல் இல்லாத துறை வேறு ஆளுன்னு சொன்னது போல சொல்லிவிடுவார்கள்....

  • Hari - chennai,சவுதி அரேபியா

    தலைப்பு கொடுத்து எழுதியவருக்கு ஒரு நன்னாரி ஜூஸ் பிரீ .

Advertisement