dinamalar telegram
Advertisement

ரூ.2000க்கு மளிகை டோக்கன்: வழக்கம்போல் அமமுக அல்வா

Share
தஞ்சாவூர்: கும்பகோணத்தில் மளிகை கடை பெயர் அச்சிட்டு 2000 ரூபாய்க்கு மளிகை பொருட்கள் வாங்கிக் கொள்ள அ.ம.மு.க. தரப்பில் வழங்கிய டோக்கன் ஏமாற்று வேலை என தெரிந்தது.

தஞ்சாவூர் மாவட்டம் கும்பகோணம் தொகுதியில் போட்டியிட்ட அ.ம.மு.க. வேட்பாளர் பாலமுருகன் தரப்பில் 2000 ரூபாய் மதிப்புள்ள டோக்கன்கள் கடந்த 5ம் தேதி காலை வாக்காளர்களுக்கு வழங்கப்பட்டது. அந்த டோக்கனில் கும்பகோணம் பெரிய கடைத் தெருவில் உள்ள பிரியம் மளிகைக் கடையில் டோக்கனை கொடுத்து மளிகைப் பொருட்கள் வாங்கிக் கொள்ள வாக்குறுதி அளிக்கப்பட்டது.

இந்த டோக்கனை பெற்றவர்கள் அந்தக் கடைக்கு நேற்று காலை சென்று மளிகைப் பொருட்கள் கேட்டுள்ளனர். டோக்கனுக்கும் தங்களுக்கும் சம்பந்தம் இல்லை என கடைக்காரர் கூற வாக்காளர்கள் தகராறில் ஈடுபட்டனர். இது குறித்து மளிகை கடை உரிமையாளர் ஷேக் முகமது தேர்தல் நடத்தும் அலுவலருக்கும் போலீசாருக்கும் தகவல் கொடுத்தார். அவர்கள் விசாரிக்கின்றனர்.
ஷேக்முகமது கூறியதாவது: கடந்த 5ம் தேதி இரவில் இருந்து என் கடை முகவரி அச்சிட்ட டோக்கனை பலரும் கொண்டு வந்து இலவசமாக மளிகை பொருட்களை கேட்டனர். 5ம் தேதி இரவு மட்டுமே 200 பேர் வரை வந்தனர். தேர்தல் விடுமுறைக்கு பின் நேற்று கடையை திறந்ததும் பலர் டோக்கனோடு வந்தனர். என் கடையின் பெயரை பயன்படுத்தி இந்த டோக்கன்களை யார் கொடுத்தது என தெரியவில்லை. இவ்வாறு அவர் கூறினார்.

சென்னை ஆர்.கே.நகர் இடைத்தேர்தலில் தினகரன் போட்டியிட்டபோது 20 ரூபாய் நோட்டை டோக்கனாக கொடுத்து வெற்றி பெற்றார். அதன்பின் அந்த 20 ரூபாயோடு அந்த தொகுதி மக்கள் திருப்திபட வேண்டியதாயிற்று. 'கட்சித் தலைவர் எவ்வழி; தொண்டர் அவ்வழி என்பதை நிரூபிப்பது போல் அ.ம.மு.க. வேட்பாளரும் வாக்காளர்களுக்கு மளிகை பொருள் டோக்கன் கொடுத்து ஏமாற்றி உள்ளார்' என வாக்காளர்கள் அதிருப்தி தெரிவித்தனர்.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Dinamalar iPaper

Advertisement
 

Home வாசகர் கருத்து (24)

  • unmaimani - chennai,இந்தியா

    கடையின் பெயர் பிரியம். அதன் சொந்தக்காரர் ஒரு அமைதி மார்க்கத்தினர். எப்படியெல்லாம் மக்களை ஏமாத்துறானுங்க

  • nagendirank - Letlhakane,போஸ்ட்வானா

    டோக்கனை மட்டும் அச்சடித்துவிட்டு பணத்தை அச்சடிக்காம விட்டார்களே நல்ல கட்சிதான் அ.ம.மு.க. இது செக் மோசடி யின் கீழ் வராதா? ஏமாற்றியவர்கள் , ஏமாறியவர்கள் இந்த இருவரும் தண்டிக்க பட வேண்டும் . கட்சியும் கலைக்க பட வேண்டும் .

    • வெற்றிக்கொடி கட்டு - ஓட்டுக்களை விற்றவர்கள் அரசியல்வாதிகளை குறை சொல்லாதீர்கள்,இந்தியா

      டோக்கனை இன்னொருக்க பாருங்க தெளிவா ரெண்டாயிரம்ன்னு எழுதியிருக்கு அது சரி இது என்ன செக்கா ? செக் மோசடியில் கீழ் வருவதற்கு லாஜிக்கை கழட்டி வெச்சுட்டுதான் கருத்தே போடுவீங்களோ ?

  • J.V. Iyer - Singapore,சிங்கப்பூர்

    ஹா..ஹா.. ஏமாற்றுக்காரர்களை ஏமாற்றும் வேலை. நன்றாக செய்கிறார்கள். ஏமாந்த மக்கள். இலவசம் இல்லை என்றால் தமிழ் கலாசாரம் என்னாவது?

  • Karthik - Doha,கத்தார்

    நம் மக்கள் திருந்தவே மாட்டார்கள் என்பதற்கு மேலும் ஒரு உதாரணம். நம் மக்களின் அறியாமையை எண்ணி வருந்துகிறேன்.

  • வெற்றிக்கொடி கட்டு - ஓட்டுக்களை விற்றவர்கள் அரசியல்வாதிகளை குறை சொல்லாதீர்கள்,இந்தியா

    தமிழர்கள் புத்திசாலிகள் என்பது மீண்டும் மீண்டும் நிரூபிக்கப்படுகின்றது

Advertisement