dinamalar telegram
Advertisement

ரூ.2500 வாங்க ஆர்வம்; ஓட்டளிக்காத அவலம்

Share
சென்னை : ரேஷன் கடைகளில், பொங்கல் பரிசாக, 2500 ரூபாய் வழங்கியதை, பெரும்பாலான கார்டுதாரர்கள் வாங்கிய நிலையில், பலர் ஓட்டளிக்க ஆர்வம் காட்டவில்லை.

தமிழக அரசு, பொங்கலை முன்னிட்டு ஜனவரியில், அரிசி ரேஷன் கார்டுதாரருக்கு, தலா, 2,500 ரூபாய் ரொக்கம், பச்சரிசி, சர்க்கரை, முந்திரி, திராட்சை, ஏலம், கரும்பு, துணி பை போன்றவை அடங்கிய பரிசு தொகுப்பை அறிவித்தது. கொரோனா பரவல் மற்றும் கொட்டிய மழையையும் பொருட்படுத்தாமல், கார்டுதாரர்கள், அதிகாலை முதல் ரேஷன் கடைகள் முன் வந்து, பல மணி நேரம், நீண்ட வரிசையில் காத்திருந்து, பொங்கல் பரிசு தொகுப்பு வாங்கினர்.

குறிப்பாக, ரேஷன் பொருட்கள் வாங்காத வசதி படைத்தவர்கள் கூட, 2500 ரூபாயுடன் கூடிய பரிசு தொகுப்பை வாங்கினர். அனைத்து மாவட்டங்களிலும், 98.86 சதவீத கார்டுதாரர்கள், பரிசு தொகுப்பை வாங்கினர். இதையடுத்து, பொங்கல் பரிசு தொகுப்பு வாங்க தகுதியான, 2.07 கோடி கார்டுதாரர்களில், 1.54 லட்சம் கார்டுதாரர்கள் மட்டுமே வாங்கவில்லை.
சட்டசபை தேர்தல் ஓட்டுப்பதிவு, நேற்று முன்தினம் நடந்தது. மொத்த வாக்காளர்களில், 72.78 சதவீத ஓட்டுக்களே பதிவாகி இருந்தன.மற்ற தொகுதிகளை எல்லாம் விட மிகவும் குறைவாக, படித்தவர்கள் அதிகம் உள்ள சென்னையில் தான், 59.06 சதவீத ஒட்டுக்கள் மட்டுமே பதிவாகின. இதன் வாயிலாக, இலவசமாக வழங்கிய, 2,500 ரூபாய் ரொக்கம் அடங்கிய, பொங்கல் பரிசு தொகுப்பு வாங்க காட்டிய அதீத ஆர்வத்தை, மக்கள் ஓட்டளிக்க காட்டவில்லை என்பது, நிரூபணமாகி உள்ளது.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Dinamalar iPaper

Advertisement
 

Home வாசகர் கருத்து (29)

  • R Ravikumar - chennai ,இந்தியா

    மக்கள் ஒட்டு அளிக்க வரவில்லை என்பதை ஏற்று கொள்ள முடியாது . பெரும்பாலான மக்கள் தமிழ் நாட்டை விட்டு வெளியில் வசிக்கிறார்கள். அவர்கள் எப்படி ஒட்டு அளிப்பார்கள் ? எனது அலுவலகத்தில் பலர் ஒட்டு அளிக்க வில்லை டெல்லி யில் இருந்து கொண்டு ஒரு நாளில் எப்படி ஒட்டு அளிக்க முடியும் ? அது போல மும்பை, பெங்களூரு, ஹைட்ரபாத் , பரோடா , மற்ற பெரு நகரங்கள், வெளி நாடு சென்ற மக்கள் ? எப்படி வாக்கு அளிப்பார்கள்? இவர்கள் வாக்கு அளித்தால் இன்னும் ஒரு இருபது சதவீதம் கூட வாய்ப்பு இருக்கிறது . பான் கார்டு ஆதார் உடன் இணைக்க வேண்டும் மாம் , வாக்காளர் அட்டையையை இணைத்தால் நலம் மற்றும் ஒட்டு அளிக்க அவ்வாறு அனுமதித்தால் மிக்க நன்று .

  • J.V. Iyer - Singapore,சிங்கப்பூர்

    வோட்டளித்தால் மட்டுமே இலவச சலுகை என்று இருக்கவேண்டும். வோட்டு அளிக்காதவரை மீண்டும் அடுத்த தேர்தலில் வாக்களிக்க அனுமதிக்க கூடாது.

  • Naagarazan Ramaswamy - Chennai,இந்தியா

    சென்னை நகரத்தில் வோட்டு போட்டவர்கள் எண்ணிக்கை குறைவாக இருப்பதற்கு ஒரு முக்கிய காரணம், பலர் இங்கு நகரத்திலும், சொந்த கிராமத்திலும் ஆக இரண்டுங்களிலும் பதிவு செயதிருப்பார்கள் என்று படுகிறது. ஆதார் கார்டையும் வோட்டர் லிஸ்ட்டியும் இணைத்தால் இந்த உண்மை தெரிய வரும். தேர்தல் கமிஷன்/அரசு செய்யுமா?

  • Rengaraj - Madurai,இந்தியா

    ஆதார், வாக்காளர் அடையாள அட்டை , பாண் கார்டு , மொபைல் நம்பர், வங்கி கணக்கு, அவர்களின் ஈ -மெயில் இவை அனைத்தும் ஒன்றுடன் ஒன்று இணைக்கப்பட வேண்டும். அப்படி இணைந்திருந்தால் எங்கு வேண்டுமானாலும் வோட்டளிக்கலாம் , எந்த வாக்கு சாவடியிலும் வாக்கு பதிவு செய்யலாம் என்று ஒரு சலுகை வழங்கலாம். அப்படி வாக்களிப்பதற்கு தேர்தல் கமிஷன் கடவு சொல்லோடு கூடிய வேறு ஒரு படிவம் வழங்கலாம் . அப்படி இணைக்கப்பட்ட வாக்காளர் அடையாள எண்ணுக்கு தேர்தல் கமிஷன் வழங்கும் கடவு சொல் மூலம் வங்கியின் ஏ.டீ எம் மூலம் கூட வாக்களிக்கலாம் என்ற வசதி இருந்தால் வாக்கு சதவீதம் அதிகரிக்கலாம். எப்படி தபால் ஒட்டு செல்லும் என்று சொல்லப்படுகிறதோ அதே போன்று வங்கியின் ஏ.டீ.எம்.மூலம் அளிக்கும் ஓட்டும் செல்லும் என்று சொல்ல வேண்டும். ஏ.டீ.எம்.மூலம் அளிக்கும் ஓட்டுக்கு அவர்களின் ஈமெயில் முகவரிக்கு ஒரு தேர்தல் கமிஷன் அனுப்பும் ஒப்புகை ஆதாரம் என்று கணக்கில் எடுத்துக்கொள்ளலாம். அதை அந்த அந்த வாக்கு சாவடிக்கு வாக்கு பதிவு நடந்த அன்றைக்கே பதிவு கணக்கை தேர்தல் கமிஷன் தர வேண்டும். தேர்தல் முடிவு நாளன்று தபால் வோட்டு எண்ணப்படுவதை போன்று இந்த வோட்டுக்களையும் கட்சிகளின் முகவர்கள் முன்னிலையில் எண்ணலாம். இனி வரும் நாட்களில் தேர்தல் கமிஷன் தொழில் நுட்ப உதவியோடு வாக்குப்பதிவு நடத்த வேண்டும்.

  • Guna - Chennai,இந்தியா

    அரசாங்க உணவுப்பொருள் அட்டைதாரர்கள் பெரும்பாலும் வாக்களித்திருப்பார்கள். சென்னையில் அதுவும் தெற்கு பாராளுமன்ற தொகுதியில் எப்போதுமே வாக்களிப்பவர்கள் குறைவுதான். பெரும் தொழிலதிபர்கள், மற்ற பெரிய மனிதர்களும் இதில் அடக்கம். சினிமா பிரபலங்களின் பின் ஓடும் பத்திரிகைகள், தொலைக்காட்சிகள் இதைக் கண்டு கொள்வதில்லை.

Advertisement