dinamalar telegram
Advertisement

அ.தி.மு.க., அதிருப்தியாளர்களுக்கு மகிழ்ச்சியை தந்த ரஜினி அறிவிப்பு

Share
Tamil News
நடிகர் ரஜினி, கட்சி துவக்குவதாக அறிவித்திருப்பது, அ.தி.மு.க., அதிருப்தியாளர்களிடம், மகிழ்ச்சியை ஏற்படுத்தி உள்ளது.அ.தி.மு.க.,வில் ஜெயலலிதா இருந்தவரை, கட்சியில் கோஷ்டி பூசல் இருந்தாலும், வெளியில் தெரியாமல் இருந்தது. ஏனெனில், யாராக இருந்தாலும், கட்சியை விட்டு உடனே நீக்கி விடுவார்.

இதன் காரணமாக, சாதாரண கிளை நிர்வாகிகள் முதல், அமைச்சர்கள் வரை, அனைவரும் அச்சத்துடன் இருந்தனர்.அமைச்சர்கள் அனைவரும், அதிருப்தியாளர்களை அரவணைத்தே சென்றனர். அவரது மறைவுக்கு பின், மாவட்டங்களில், அமைச்சர்கள் மற்றும் மாவட்ட செயலர்கள் வைப்பது தான் சட்டமாக உள்ளது. அமைச்சர்களுக்கு எதிராக, கட்சி தலைமையால், எந்த முடிவும் எடுக்க முடியாத நிலை உள்ளது.

நாற்காலி வீச்சு



இதன் காரணமாக, கட்சியில் கோஷ்டி பூசல் அதிகரித்துள்ளது. பல மாவட்டங்களில், அமைச்சர்கள் முன்னிலையில், நாற்காலி வீச்சு சம்பவமும் அரங்கேறி வருகிறது.

அமைச்சர்கள் மற்றும் மாவட்ட செயலர்கள், தங்களுக்கு வேண்டியவர்களுக்கு மட்டும், பதவிகளை வழங்குகின்றனர்.அதேபோல, இ.பி.எஸ்., - ஓ.பி.எஸ்., ஆதரவாளர்கள் என்ற பிரிவினையும் உள்ளது. சட்டசபை தேர்தலில், அ.தி.மு.க., தலைமையில், மிகப்பெரிய கூட்டணி அமையும். தேர்தலில் போட்டியிட, 'சீட்' கிடைக்கும் என்ற நம்பிக்கையில், அதிருப்தி கோஷ்டியினர் அமைதியாக இருந்து வந்தனர்.

இந்நிலையில், நடிகர் ரஜினி, கட்சி துவக்கப் போவதாக அறிவித்திருப்பது, அதிருப்தியாளர்களிடம் மகிழ்ச்சியை ஏற்படுத்தி உள்ளது. அ.தி.மு.க.,வில் தங்களுக்கு முக்கியத்துவம் அளிக்கப்படாவிட்டால், ரஜினி கட்சிக்கு தாவ, தயாராகி வருகின்றனர்.
ரஜினி கட்சிக்கு போய் விடுவோம் என்பதை வெளிப்படுத்தினாலே, அ.தி.மு.க., தலைமை அழைத்து பேசி, எதிர்பார்ப்பை பூர்த்தி செய்யும் என்ற நம்பிக்கையும், அவர்களுக்கு வந்துள்ளது.

அரவணைத்து செல்வர்



அ.தி.மு.க., நிர்வாகிகள் சிலர் கூறியதாவது: கட்சியை பொறுத்தவரை, முன்னாள் எம்.பி.,க்கள், முன்னாள் அமைச்சர்கள் என பலர், முக்கியத்துவம் தரப்படாததால் அதிருப்தியில் உள்ளனர். அதனால், ரஜினி கட்சிக்கு அவர்கள் தாவுவதை தடுக்க வேண்டிய நிலை, ஆளும் கட்சிக்கு ஏற்பட்டுள்ளது. இதன் காரணமாக, தனி ஆவர்த்தனம் செய்த அமைச்சர்கள், மாவட்ட செயலர்கள், கட்சியினர் அனைவரையும் அரவணைத்து செல்வர் என, எதிர்பார்க்கப்படுகிறது. இவ்வாறு, அவர்கள் கூறினர்.
- நமது நிருபர் -

Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.
Advertisement
 

Home வாசகர் கருத்து (12)

  • Rafi - Riyadh,சவுதி அரேபியா

    தேசிய கட்சி இங்கு கால் பாதிக்க முடியாது என்று தெரிந்து கொண்டு, கிளையை துவக்கி, முதல் கட்டம்மாக இப்போதைய ஆளும் கட்சியை கரைத்து அதிலிருந்து பலரை கிளைக்கு மாற்றிவிட ஏற்பாடாகிவிட்டச்சு, அடிமைகள் இதன் விபரீதம் தெரிவதற்கு வாய்ப்பில்லை, திட்டமிட்டு இரண்டு அடிமைகளுக்கு பதவிகளில் பிரிவினை செய்து, ஒரு அடிமையை முழுவதும் வாங்கியாச்சு, மற்றொன்று தப்ப இயலாதவாறு வலை பின்னப்பட்டுவிட்டாச்சு, கிளையின் தலைவருக்கு சொகுசாக இருந்தாலே போதும் நாங்களே கிளையை நடத்தி கொள்கின்றோம். என்று நிர்வாகியையும் உதவிக்கு வழங்கி விட்டார்கள். சகுனி கதையை தமிழர்கள் புரிந்து கொள்ளும் பக்குவத்தை ஏற்கனவே திரு பெரியாரும், கலைங்கரும் வழங்கி விட்டார்கள்.

  • Appan - London,யுனைடெட் கிங்டம்

    இப்பவே சைதை துரைசாமி ரஜினிக்கு வாழ்த்து சொல்லி வரவேற்று உள்ளார்.. அதிமுகவில் இப்போ பயத்தில் திரு திரு என்று விழிக்கிறார்கள்..சைதை துறையே இவர்கள் கட்சிக்குள் வைக்க முடியவில்லை..பின் எப்படி அதிமுகவை இவர்கள் கட்டி காப்பார்கள்? பாவம் அதிமுக..கட்சியை எப்படி நடத்துவது என்று தெரியாமல் நடக்கிறார்கள்..ஓபிஎஸ் அடிபட்ட புலி..இவர் சமயம் பார்த்து கட்சியை கவிழ்த்து விடுவார்..இவரை முதலில் கட்சியில் இருந்து துக்கணும்..இல்லை அதிமுக சுவடே இல்லாமல் செய்து விடுவார்..சசிகலா வந்தததும் அவருடன் ரகசிய பேச்சு வார்த்தை செய்வார்..இது தேவையா..?.எம்ஜியா மறையா புகழ் பெற்றவர்..இதை அதிமுக உபயோகித்து கட்சியை நடத்தணும்.. சமூக வலைத்தளங்களில் முகவை பற்றி வரும் செய்திகள் சகிக்கலை. ஆனால் எம்ஜியாரை பற்றி இப்படி வருகிறதா இல்லை? பின் ஏன் அதிமுக திமுகவை பற்றி பயப்படணும்..முக இழிவின் பிரதி பழிப்பு..எம்ஜியார் ஏழைகளின் தெய்வம்..இது ஒண்ணே போதும் அதிமுக ஜொலிக்க..ஆனால் இப்போ அதிமுகவில் எல்லோரும் ஊழல் செய்து பிஜேபியை பார்த்து நடுங்குகிறார்கள்..அப்புறம் எப்படி கட்சி இருக்கும்..இதில் வேறு ரஜினி வந்து குழப்புகிறார்..என்ன ஆகும்..?/

  • Malick Raja - jeddah,சவுதி அரேபியா

    அர்ஜுன் மூர்த்தி அவர்கள் தலைமை ஒருங்கிணைப்பாளர் என்பதை மறக்கவேண்டாம் .. ஓட்டுக்கூட்ட ரசிகர்கள் ஆளுமைக்கு மற்றக்கட்சிகளிலிருந்து வந்தவர்கள் .. அதனால் ரஜினி மக்கள் மன்ற நிர்வாகிகள் பலரும் ஓட்டமெடுக்க தொடங்கி இருக்கும் செய்தி வெகு விரைவில் பார்க்கலாம்

  • Madheswaran - Salem,இந்தியா

    அடுத்த தேர்தல் வரை ஆட்சியும் கட்சியும் இருக்குமா?

  • palani - junrong,சிங்கப்பூர்

    எல்லா கட்சி அதிர்ப்தியாளர்களுக்கும் ஒரு தாற்காலில முகாம் கிடைத்துவிட்டது

Advertisement