dinamalar telegram
Advertisement

அறிவிப்பே... சும்மா அதிருதுல்ல!

Share
Tamil News
சரவணன், கே.கே.புதுார்: அரசியல் பிரவேசம் பத்தாண்டுகளுக்கு முன் செய்திருக்க வேண்டியது. நிறைய பேர் வருகின்றனர். ஆனால், காணாமல் போய் விடுகின்றனர். அரசியலில் ஜெயிப்பதற்கான வாய்ப்பு இருந்தும், அதை விட்டு விட்டார் என்றே சொல்ல வேண்டும்.

அருள், சாய்பாபா காலனி: புலி வருது கதையாக உள்ளது. அவர் வரட்டும்; பின்னர் பார்க்கலாம். தற்போதிருக்கும் நடைமுறையில், எதையும் கூற இயலாது. அரசியலில் அவ்வளவு சீக்கிரம் வெற்றி என்பது கிடைத்து விடாது. சண்முகம், சின்னத்தடாகம்: அரசியலில் மிகவும் தாமதமாக நுழைந்துள்ளார். தேர்தலுக்கு இன்னும் ஐந்து மாதங்களே உள்ள நிலையில் அவரால், வெற்றி பெற முடியுமா என்பது சந்தேகமே. கமல் கட்சிக்கே போதுமான வரவேற்பு இல்லை. ரஜினி வெற்றி பெறுவது கடினமே. திவ்யா, இடையர்பாளையம்: அவரது அறிவிப்பு வரவேற்க கூடியதுதான். ஆனால், குறுகிய காலத்தில் மக்களின் மனதில் இடம் பிடிப்பது சாத்தியப்படுமா எனத் தெரியவில்லை. ரஜினியை அனைவருக்கும் தெரியும். அவரது கட்சியினரை அனைவருக்கும் தெரிந்திருக்க வாய்ப்பில்லை. ஐஸ்வர்யா, கவுண்டம்பாளையம்: ரஜினியின் அறிவிப்பை வரவேற்கிறேன். யாராவது வருவார்களா நல்லது நடக்காதா என, அனைவரும் எதிர்பார்த்திருக்கிறோம். அதை அவர் நடத்துவார் என, நம்புகிறேன். அவரது அறிவிப்பில் உறுதி தெரிகிறது. ஜாபர், குனியமுத்துார்: வித்தியாசமாக செய்தால் மட்டுமே ஜெயிக்க முடியும். அரசியலில் பல திறமையானவர்கள் உள்ளனர். அவர்களை மீறி வெற்றி பெறுவது சாத்தியமற்றது. அதையும் மீறி அவர் ஜெயிக்கக்கூடும். ஆனால் கடும் உழைப்பு தேவை.பாஸ்கர், குனியமுத்துார்: முன்னரே வந்திருக்கலாம்.
களத்துக்கே வராமல், பேசிக் கொண்டிருந்தால் அது வெற்றிக்கு வழிவகுக்காது. இவர், 234 தொகுதியிலும் தனித்து போட்டி என்கிறார். வேட்பாளர்களுக்கு ஓட்டு வங்கி உள்ளதா என்பது சந்தேகமே.நந்தகோபால், ராமநாதபுரம்: ரஜினியின் அறிவிப்பை வரவேற்கிறோம். மக்களின் தேவையை அவர் புரிந்து வைத்துள்ளார்.
நான் ஜெயித்தால் மக்கள் ஜெயிப்பது போன்றது; தோற்றால் அது மக்களின் தோல்வி என தெரிவித்துள்ளார். எனவே அவருக்கு வெற்றி வாய்ப்பு உள்ளது. அன்னபூரணி, ஒலம்பஸ்: முன்னாள் முதல்வர் ஜெ., பல முடிவுகளை தைரியமாக எடுத்தவர். அதேபோல் இவரும் நடந்து கொள்ளக்கூடியவர். எனவே அவரது வரவை விரும்புகிறோம். அவர் வந்தால் நல்லாட்சி கிடைக்கும்.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.
Advertisement
 

Home வாசகர் கருத்து (1)

  • Nepolian S -

    இந்த வரிகட்ட மனமில்லாதவனை முன்னிருத்தும் அனைவருமே தேச விரோதிகள்... இவர்களை காலம் தூக்கி எறியும்

Advertisement