Advertisement

விவசாயம் தெலுங்கானாவின் பொருளாதாரத்தை சிறந்த பாதையில் எடுத்து செல்லும்

Share
ஐதராபாத் : தெலுங்கானாவில் பொருளாதாரத்தை மீட்பதற்கான துறைகளில் விவசாயத்திற்கும் முன்னுரிமை அளிக்கப்பட்டது. இது மாநிலத்தையும், பொருளாதாரத்தையும் முன்னேற்ற பாதையில் எடுத்து செல்லும் என கூறப்படுகிறது.

தெலுங்கானாவில் மாநில அரசின் சிறந்த நடவடிக்கையாலும், இயற்கை காலநிலை மாற்றங்களாலும் தெலுங்கானா விவசாய மாநிலமாக மாறி வருகிறது. மாநிலத்தில் விவசாயத்தை மேம்படுத்தி, விவசாயிகளின் வாழ்வை வளமாக்குவதே மாநில அரசின் நோக்கமாகும். இதற்காக அரசு பல்வேறு திட்டங்களை செயல்படுத்தி வருகிறது. கொரோனா பாதிப்புகள் அதிகரித்த போதிலும், ரைத்து பந்து, ரைத்து பீமா உள்ளிட்ட விவசாய திட்டங்களை நிறுத்தவில்லை. அதன் வளர்ச்சிக்கு தேவையான நிதி, நீர்ப்பாசன வசதி மற்றும் சிறந்த உரங்கள் போன்றவற்றை வழங்க அரசு தயாராக உள்ளது.
கொரோனா ஊரடங்கால் நாட்டின் பொருளாதாரம் வெகுவாக பாதிக்கப்பட்டுள்ளன. தெலுங்கானாவிலும் பொருளாதாரத்தை மீட்டெடுக்க அரசு பலவழிகளில் முயற்சிகளை மேற்கொள்கிறது. இவற்றில் வேளாண்மை (விவசாயத்திற்கு) முன்னுரிமை அளிக்கப்படுகிறது. இதற்காக வேளாண்மை, சுய தொழில்களுக்கான துறைகளை திறப்பது, சமூகத்தில் பாதிக்கப் படக்கூடிய பிரிவினரின் அழுத்தத்தை குறைத்தல் மற்றும பொருளாதார மறுமொழி பணிக் குழுவை அமைத்தல் (ERTF - Economic Response Task Force) ஆகியவை ஊரடங்கால் பாதிக்கப் பட்ட மாநிலத்தின் பொருளாதாரத்தை மீட்பதற்கான சில வழிகளாக உள்ளது.

ஐதராபாத்தின் பொருளாதார மற்றும் சமூக ஆய்வு மையம் (CESS) மாநிலத்தின் பொருளாதாரத்திற்கு சில குறுகிய மற்றும் நீண்டகால நடவடிக்கையை பரிந்துரைத்தது. இது 2014 முதல் வேகமாக பொருளாதார வளர்ச்சியை தூண்டி வருகிறது. மார்ச்., மாதத்தில் அமலான ஊரடங்கால் ஏழை, எளியவர்கள் பாதிக்கப்பட்டனர். பொருளாதார உள்கட்டமைப்பை முன்னுரிமை அடிப்படையில் கட்டியெழுப்ப அரசு அதிக முதலீடு எடுத்தது. இந்நிலையில் பாரிய பாசன திட்டத்தின் மூலம் சந்தை பயிர்களை பயிரிடுவதன் மூலம் உணவு உற்பத்தியில் முன்னேற்றத்தை கண்டது. நாட்டின் மொத்த ஊரடங்கு MSME மற்றும் சேவை துறைகளை பெரும்பாலும் பாதிக்க காரணம், அவை முறைசாரா துறையில் உள்ளதாக கூறப்படுகிறது.

ஊரடங்கால் ஒரு நாளைக்கு உற்பத்தியில் ஏற்படும் பொருளாதார இழப்பு 1,784 கோடியாக இருக்கும். உற்பத்தி, வர்த்தகம் மற்றும் பழுதுபார்ப்பு சேவைகள் மற்றும் ரியல் எஸ்டேட் ஆகிய மூன்று துறைகளும் ஒரு நாளைக்கு கிட்டத்தட்ட 1,200 கோடி ரூபாய் இழப்பை சந்தித்தன. பூட்டப்பட்ட முழு காலத்திற்கும் (மார்ச் 23 - ஏப்ரல் 30) வரை மொத்த இழப்பு 70,000 கோடியாக இருக்கும். இது மொத்த உள்நாட்டு உற்பத்தியில் 7.9 சதவீதமாகும். பொருளாதாரத்தின் மறுமலர்ச்சி விவசாயம் மற்றும் சுய தொழில்களில் இருந்து துவங்கலாம். இவற்றால் சமூக இடைவெளியை பராமரிக்கலாம். அதற்கு தேவையான முதலீடு, உதவிகளை அரசு செய்ய வேண்டும். வீடுகளில் இருந்து உற்பத்தி தொழில்களுக்காக சுய உதவிக்குழு பெண்களுக்கு சிறு கடன் உதவி செய்யலாம். உணவு பதப்படுத்துதல் செய்யலாம். இது தொடர்ச்சியாக உணவு விநியோகத்தை உறுதி செய்கிறது.
கொரோனா தாக்கத்தையொட்டி, பொருளாதார சேதம் மற்றும் இழப்புகளை மதிப்பிடுவதற்கும், வாழ்வாதார இழப்புகளை திறனறியவும் மாநில அரசுக்கு அறிவுறுத்தப்பட்டது. பாதிக்கப்பட்ட துறைகளுக்கு நிவாரண நடவடிக்கைகளை அளவீடு செய்தது மற்றும் பொருளாதாரத்தின் பல்வேறு துறைகளை புதுப்பிக்க உதவுகிறது.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Advertisement
 

வாசகர் கருத்து (3)

  • Mani . V - Singapore,சிங்கப்பூர்

    விவசாயம் தெலுங்கானாவின் பொருளாதாரத்தை சிறந்த பாதையில் எடுத்து செல்லும். மீத்தேன் தமிழ்நாட்டின் பொருளாதாரத்தை சிறந்த பாதையில் எடுத்து செல்லும் .

    • இறைவி - ,

      These Dravidian groups have d a wrong notion on methane. Even, if methane is permitted, methane damage will be only for few 100 acres. Today, because of DMKs selfish Cauvery issue handling in 1970s and scruples sand mafia by both DMK and AIADMK, Tamil Nadu had become a desert. How many have realised this? If Tamil Nadu politicians have done real good for agriculture, we would have to greater heights.We are wrongly guided by selfish and planned press group.Telengana is really doing good thing for agriculture.

  • Ray - Chennai,இந்தியா

    வரப்புயர நீருயரும் நீருயர நெல்லுயரும் நெல்லுயரக் குடியுயரும் குடியுயரக் கோலுயரும் கோலுயரக் கோனுயர்வான் - ஔவையார்

Advertisement