Advertisement

ஜப்பான் கப்பலில் தவித்த 119 இந்தியர்கள் நாடு திரும்பினர்

இந்த செய்தியை கேட்க

Your browser doesn’t support HTML5 audio

புதுடில்லி: கொரோனா வைரஸ் பரவலால், ஜப்பான் கப்பிலில் சிக்கி தவித்த 119 இந்தியர்கள் இன்று நாடு திரும்பினர்.

கொரோனா வைரஸ் நோய் தொற்று காரணமாக ஜப்பானில் டைமண்ட் பிரின்சஸ் சொகுசு கப்பலில் உள்ள இந்தியர்களை தனி விமானம் மூலம் தாய்நாட்டிற்கு அழைத்து வருவதற்காக தகுந்த ஏற்பாடுகள் செய்யப்பட்டதாக அந்நாட்டின் இந்திய தூதரகம் தெரிவித்துள்ளது. 138 இந்தியர் உட்பட 3,711 பேரும் கொரோனா வைரஸ் காரணமாக ஜப்பான் கப்பலில் தடுத்து நிறுத்தப்பட்டிருந்தனர்.

அந்த கப்பலில் இருந்து ஹாங்காங்கில் இறங்கிய பயணிக்கு கொரோனா இருப்பது கண்டுபிடிக்கப்பட்டது. இதனையொட்டி இந்த கப்பல் தனிமைப்படுத்தப்பட்டு சோதனை நடந்தது. மேலும் பயணக் கப்பலில் சிக்கிய இந்தியர்கள் விரைவில் இந்தியாவுக்குத் திரும்புவர். சீனாவின் வுஹானில் சிக்கியுள்ள இந்தியர்கள் மீதும் கவனம் செலுத்தப்படுவதாகவும் கூறப்படுகிறது.

இந்நிலையில் இது தொடர்பாக இந்திய வெளியுறவுத்துறை அமைச்சர் ஜெய்சங்கர் டுவிட்டர் பதிவில் கூறுகையில், கொரோனா அச்சத்தால் ஜப்பான் கப்பலில் தடுத்து வைக்கப்பட்டிருந்த இந்தியர்களில் 119 பேர் தாயகம் திரும்பியுள்ளனர். 119 இந்தியர்கள் மற்றும் 5 வெளிநாட்டினருடன் 'ஏர் இந்தியா' விமானம் டில்லி வந்தது.

இந்தியர்களுடன் இலங்கை, நேபாளம், தென் ஆப்பிரிக்கா, பெரு நாட்டைச் சேர்ந்தவர்களும் டில்லி வந்துள்ளனர். ஹாங்காங்கில் இருந்து யோகாஹாமாவுக்கு 138 இந்தியர்கள் உட்பட 3,711 பேர் டைமண்ட் பிரின்சஸ் கப்பலில் சென்றனர். ஹாங்காங்கில் கொரோனாவால் உயிரிழப்பு ஏற்பட்டதையடுத்து 3711 பேரும் தடுத்து நிறுத்தப்பட்டு சோதனை நடந்தது.

தொடர்ந்து, சிறப்பு ஐ.ஏ.எஃப் விமானம் மூலம் வுஹானில் இருந்து வெளியேற்ற 100 க்கும் மேற்பட்ட இந்தியர்கள் இன்னும் காத்திருக்கிறார்கள் என்று தகவல்கள் தெரிவிக்கின்றன. மருத்துவ உதவி தேவைப்படும் இந்தியர்களை, இந்த ஐ.ஏ.எஃப் விமானம் மீண்டும் கொண்டு வரும். சீன அரசாங்கமும் அனுமதி வழங்கியுள்ளது. எனவே நான் மிகவும் நிம்மதியடைகிறேன். இவ்வாறு கூறினார்.
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Advertisement
 

வாசகர் கருத்து (3)

  • Thirumal Kumaresan - singapore,இந்தியா

    நல்ல தகவல் ஆயிரம் கோடி நன்றிகள் மத்திய அரசுக்கு,

  • ஜெய்ஹிந்த்புரம் - மதுரை,இந்தியா

    சொகுசு கப்பலில் உல்லாசமா? கொரோனா வைரஸிடமிருந்து தப்பி, வருமானவரி, சி.பி.ஐ ன்னு மாட்டிக்குவாங்க.

    • ஜெய் ஸ்ரீ ராம் - ,

      இதுக்கு மோடி தான் காரணம் அப்படித்தானே.. அனைவரும் பயணிகள் அல்ல.. பணியாளர்கள் உட்பட..

Advertisement