Advertisement

ஸ்ரீஹரிகோட்டாவில் 5ம் தேதி ஏவப்படுகிறது, ஜிஐசாட் - 1

பெங்களூரு: புவி கண்காணிப்பு மற்றம் வானிலை ஆய்வுகளுக்கான, 'ஜிஐசாட் - 1' செயற்கைக்கோள், வரும் மார்ச், 5ம் தேதி விண்ணில் செலுத்தப்பட உள்ளது' என, 'இஸ்ரோ' எனப்படும் இந்திய விண்வெளி ஆய்வு நிறுவனம் தெரிவித்துள்ளது.

இஸ்ரோ, உள்நாட்டு மற்றும் வெளிநாட்டு செயற்கைகோள்களை, வெற்றிகரமாக விண்ணில் செலுத்தி வருகிறது. இந்த ஆண்டு, நாட்டின் பாதுகாப்புக்காக மட்டும், 10 செயற்கைக்கோள்களை விண்ணில் ஏவ, இஸ்ரோ திட்டமிட்டுள்ளது.புவி கண்காணிப்பு, வானிலை ஆய்வு, பேரிடர் மீட்பு பணிகள் ஆகியவற்றுக்காக, இரண்டு, 'ஜியோ இமேஜிங்' செயற்கைக்கோள்களை தயாரிக்க, இஸ்ரோ முடிவு செய்தது. இதற்கு, 'ஜிஐசாட்- 1, ஜிஐசாட் - 2' என, பெயரிடப்பட்டது.இதில், ஜிஐசாட் - 1ஐ, மார்ச் மாதத்திலும், ஜிஐசாட் - 2ஐ, ஐூன் மாதத்திலும் விண்ணில் செலுத்த, இஸ்ரோ திட்டமிட்டது.

இதன்படி வரும், மார்ச் 5ம் தேதி, ஜிஐசாட் - 1 விண்ணில் செலுத்தப்பட உள்ளது என, இஸ்ரோ தெரிவித்துள்ளது.ஆந்திர மாநிலம், ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தின், இரண்டாவது தளத்திலிருந்து, 5ம் தேதி மாலை, 5:43 மணிக்கு, ஜிஐசாட் - 1 விண்ணில் செலுத்தப்பட உள்ளது. ஜி.எஸ்.எல்.வி., - எப் 10 ராக்கெட், இந்த செயற்கைக்கோளை விண்ணுக்கு சுமந்து செலகிறது. ஜி.எஸ்.எல்.வி., வரிசையில், விண்ணுக்கு இஸ்ரோ செலுத்தும், 14வது ராக்கெட் இது. ஜிஐசாட் - 1 செயற்கைக்கோள், 2,275 கிலோ எடை கொண்டது. விண்ணில் செலுத்தப்பட்ட பின், இது புவி கண்காணிப்பு, வானிலை ஆய்வு பணிகளில் ஈடுபடும் என, இஸ்ரோ தெரிவித்துள்ளது.
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Advertisement
 

வாசகர் கருத்து

    முதல் நபராக கருத்து தெரிவியுங்கள்!
Advertisement