Advertisement

விசாரணைக்கு ஆஜராகாத விஜய் மீது நடவடிக்கை?

சென்னை: சோதனையின் போது கைப்பற்றப்பட்ட ஆவணங்கள் குறித்து, நடிகர் விஜயும், பைனான்சியர் அன்புச்செழியனும் ஆஜராகி விளக்கம் அளிக்காததால், அடுத்த கட்ட நடவடிக்கை குறித்து, வருமான வரி புலனாய்வு பிரிவு உயர் அதிகாரிகள், நேற்று ஆலோசனையில் ஈடுபட்டனர்.

மதுரையைச் சேர்ந்தவர் பைனான்சியர் அன்புச்செழியன். இவர் மீதான வரி ஏய்ப்பு புகாரில், சென்னை மற்றும் மதுரையில் உள்ள, அவருக்கு சொந்தமான இடங்களில், வருமான வரித் துறை அதிகாரிகள், நான்கு நாட்கள் சோதனை நடத்தினர். அதில், கணக்கில் காட்டப்படாத, 77 கோடி ரூபாய் ரொக்கம், பல்வேறு சொத்து ஆவணங்கள் மற்றும் பிகில் பட வசூல் தொடர்பான ஆவணங்கள் சிக்கின.

சோதனை:



இதையடுத்து, பிகில் படத்தை தயாரித்த, ஏ.ஜி.எஸ்., நிறுவன உரிமையாளர் கல்பாத்தி அகோரம், தலைமை செயல் அதிகாரி அர்ச்சனா கல்பாத்தி அகோரம் ஆகியோரின் வீடு, அலுவலகம் மற்றும் சினிமா திரையரங்க அலுவலகங்களில், அதிகாரிகள் சோதனை நடத்தினர். மேலும், பிகில் படத்திற்கு பெறப்பட்ட சம்பளம் மற்றும் சொத்து மதிப்புகள் குறித்து, நடிகர் விஜய் மற்றும் அவரது மனைவி சங்கீதாவிடமும் விசாரணை நடத்தினர். இவர்களது வீடுகளில் கைப்பற்றப்பட்ட ஆவணங்கள் குறித்து, விளக்கம் அளிக்க சம்மன் அனுப்பப்பட்டது.

அதன்படி, ஏ.ஜி.எஸ்., நிறுவன தலைமை செயல் அதிகாரி அர்ச்சனா கல்பாத்தி மட்டும், வருமான வரி அதிகாரிகள் முன் ஆஜராகி விளக்கம் அளித்தார். விஜய் மற்றும் அன்புச்செழியன் தரப்பில், ஆடிட்டர்கள் ஆஜராகி விளக்கம் அளித்தனர். இந்நிலையில், தமிழகம் மற்றும் புதுச்சேரி வருமான வரி புலனாய்வு பிரிவு தலைமை இயக்குனர் தினேஷ் பட்வாரி தலைமையில், சென்னை நுங்கம்பாக்கத்தில் உள்ள வருமான வரித் துறை அலுவலகத்தில், உயர் அதிகாரிகள் நேற்று ஆலோசனை நடத்தினர்.

அவகாசம்:



இது பற்றி, வருமான வரி வட்டாரங்கள் கூறியதாவது: நடிகர் விஜய், அன்புச்செழியன் மற்றும் ஏ.ஜி.எஸ்., நிறுவனத்தில் கைப்பற்றப்பட்ட ஆவணங்கள் தொடர்பாக, ஒருவர் மட்டுமே ஆஜரானார். மற்ற இருவரும், ஆடிட்டர்களை அனுப்பி விளக்கம் அளித்துள்ளனர். விஜய், அன்புச்செழியன் ஆஜராக அவகாசம் கேட்டிருக்கலாம். அவர்களுக்கான அவகாசம் முடிந்த நிலையில், உயர் அதிகாரிகள் நேற்று ஆலோசனை நடத்தினர். அடுத்த கட்ட நடவடிக்கை குறித்து முடிவு எடுத்திருக்கலாம். இவ்வாறு, அந்த வட்டாரங்கள் கூறின.

தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Advertisement
 

வாசகர் கருத்து (31)

  • Sundar - Madurai,இந்தியா

    If he is clean why he is not appearing before IT? It seems to be suspicion.

  • Suri - Chennai,இந்தியா

    இன்று பரட்டை என்கிற வட்டிகாந்த் பற்றிய செய்தி ஏதும் இல்லையா??

  • Anand - chennai,இந்தியா

    இப்படிப்பட்டவர்களின் கொடுக்கை முறிக்க சிம்பல் ஐடியா, ஒருபக்கம் இவனை எவரும் அறியா வண்ணம் ரகசியமா பிடித்து மிதி மிதின்னு மிதித்துக்கொண்டு, மறுபுறம் ஓடி ஒழிந்துவிட்டான் தேடிக்கொண்டிருக்கிறோம் என தேடியபடியே இருக்கவேண்டும்.

    • Vimall - Rajapalayam ,இந்தியா

      சாமீ படம் சமீபத்தில் பார்த்தீர்களா?

  • Thiagarajan Kodandaraman - Madurai,இந்தியா

    இந்த நடிகன் இந்தியா சட்டத்தை மதிக்கமாட்டான் . அரசாங்க பொருட்களை ரோட்டில் போட்டுடைத்து அரசாங்கத்தை அசிங்கப்படுத்திய ஆள் . நம் நாட்டு சட்டத்தை மதிக்காத இந்த மத கூட்டம் அனைத்தயும் உரிமையை றது செய்த்து அனுப்பிவிடவேண்டும்

  • krish - chennai,இந்தியா

    உதார் எல்லாம் படத்தில்தான். நிழல் நிஜம் அல்ல என்பது புலனாகி இருக்கிறது. மடியில் கனம், எனவே வழியில் (வருமானவரி சோதனை அலுவலகம் முன்), பொதுவெளியில் வெளிவர பயம்/அச்சம். சட்டம் (சட்டாம்பிள்ளைகள்) என் கையில்/பின்னால் என்ற வசனம் எடுபடப்போவதில்லை. உப்பு தின்னவன், தண்ணீர் குடித்தாகவேண்டும் என்பது நியதி. யாரும் விலக்கல்ல.

Advertisement