Advertisement

தொட்டது! புழல் ஏரியின் தண்ணீர் 2 டி.எம்.சி., அளவை... இம்மாத இறுதியில் நிறைய வாய்ப்பு

Share
செங்குன்றம்:பருவ மழை மற்றும் கிருஷ்ணா நதி நீர்வரத்து காரணமாக, புழல் ஏரியின் நீர் இருப்பு, 2 டி.எம்.சி.,க்கு அதிகரித்துள்ளது.
கடந்தாண்டு பருவமழை பொய்த்ததால், இந்தாண்டு, ஏப்ரல் மாத கடைசியில் முழுமையாக வறண்டது.இந்த நிலையில், கடந்த மாதம் முதல் கிடைத்த பருவ மழை மற்றும் கிருஷ்ணா நதி நீர்வரத்து காரணமாக, புழல் ஏரிக்கு, கணிசமான நீர்வரத்து கிடைத்து வருகிறது.
விடுவிப்பு
நேற்று காலை நிலவரப்படி, ஏரியில், 15.05 அடி உயரத்திற்கு, 2.054 டி.எம்.சி., தண்ணீர் இருந்தது. வினாடிக்கு, 460 கன அடி நீர் வரத்து இருந்தது.ஏரியில் இருந்து, 89 கன அடி நீர், சென்னை குடிநீருக்காக, விடுவிக்கப்படுகிறது. புழல் ஏரி முழுமையாக நிரம்பினால், 21.20 அடி உயரத்திற்கு, 3.3 டி.எம்.சி., நீரை, இருப்பு வைக்க முடியும்.
மழை இல்லை
வழக்கமாக கார்த்திகை மாதத்தில் கிடைக்கும் மழை அளவு, அதிகரித்தால், புழல் ஏரி, இம்மாத இறுதிக்குள் முழுமையாக நிரம்பி விடும் என எதிர்பார்க்கப்படுகிறது. ஆனால், நேற்று வரை மழை இல்லை என்பது குறிப்பிடத்தக்கது.
புழல் ஏரிக்கு அருகில் உள்ள சோழவரம் ஏரியில், 18.86 அடி உயரத்திற்கு, 1.081 டி.எம்.சி., நீர் இருப்பு வைக்கலாம்.ஆனால், சோழவரம் ஏரியில், நேற்று காலை நிலவரப்படி, 5.66 அடி உயரத்திற்கு, 0.219 டி.எம்.சி., தண்ணீர் உள்ளது. ஏரிக்கு நீர்வரத்து ஏதும் இல்லாத நிலையில், அங்கிருந்து வினாடிக்கு, 100 கன அடி நீர், இணைப்பு கால்வாய் மூலம், புழல் ஏரிக்கு விடுவிக்கப்படுகிறது.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.
Advertisement
 

வாசகர் கருத்து (1)

  • R chandar - chennai,இந்தியா

    This is a high time to get more water from veeranam lake which is getting good inflow from surround areas , connect veeranam with high power motors and use technology to bring in more water from veeranam and also augment water by way of installing pipe line from Jolarpet to get water from Hogenakal instead of getting through train , during water shortages , see to it all houses getting water through pipeline with good pressure instead of supply through lorry service to the areas, if not able to send through pipeline with pressure use the water tanker filled with water from nearing main pressure area and see to it water sent through pipeline to the houses which are connected with sump. As most of the houses are spending too much for water augmentation from can water supplier government can fix up water meter or increase the water charges and see to it every body gets water in to the sump with good pressure charge them charges for water as like Electricity meter , if required to go with private contract for distribution of water with pressure kindly ute the contract to good company like L&T and see to it this gets uted.

Advertisement