Advertisement

காலை பிடித்து கை கொடுத்த ரஜினி; நெகிழ்ச்சியில் பிரணவ்

சென்னை: மாற்றுத்திறனாளி இளைஞர் பிரணவுடனான சந்திப்பின் போது, அவரது காலை பிடித்து கைகொடுத்து, நடிகர் ரஜினிகாந்த் அவரை நெகிழ வைத்தார்.

கேரள மாநிலம், பாலக்காடு மாவட்டம், ஆலத்தூர் பகுதியைச் சேர்ந்தவர் பிரணவ். பிறவியிலேயே கைகளை இழந்த பிரணவ், காலால் ஓவியம் வரைந்து தன்னம்பிக்கையின் நாயகனாக வலம் வருகிறார். இந்நிலையில் கடந்த மாதம், கேரளாவில், பேரிடர் நிவாரண நிதி அளிக்க, முதல்வர் பினராயி விஜயனைச் சந்தித்த போது, தனது காலால் அவருடன் செல்பி எடுத்துக் கொண்டார். இது வைரலாக, பிரணவ் பிரபலமானார். இந்நிலையில், நடிகர் ரஜினிகாந்தை சந்திக்க அவர் விருப்பம் தெரிவித்திருந்தார்.

ரஜினி இதற்கு சம்மதம் தெரிவித்து 20 நிமிடம் நேரம் ஒதுக்கினார். இந்நிலையில், சென்னை போயஸ் இல்லத்தில், ரஜினி - பிரணவ் சந்திப்பு இன்று நடந்தது. சந்திப்பின் போது, பிரணவுக்கு பொன்னாடை போர்த்தி வரவேற்ற ரஜினி, பிரணவின் காலை, தனது கைகளால் குலுக்கி வாழ்த்து தெரிவித்து, அவரை நெகிழ வைத்தார். தனது காலால் வரைந்த ரஜினியின் புகைப்படத்தை, அன்பளிப்பாக வழங்கிய பிரணவ், ரஜினியுடன் செல்பி எடுத்து மகிழ்ந்தார். இப்புகைப்படங்கள் சமூக வலைதளங்களில் வைரலாக பரவி வருகிறது.
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Advertisement
 

வாசகர் கருத்து (33)

  • ராஜவேலு ஏழுமலை - Gummidipoondi,இந்தியா

    தமிழ்நாட்டில் உள்ள எத்தனை மாற்று திறனாளிகளை இதுவரை இவர் சந்தித்திருக்கிறார். தமிழன்னா பார்க்க மாட்டாரு.

  • kowsik Rishi - Chennai,இந்தியா

    பிரணவ் - ப்ரணமாம்

  • Raja Vardhini - Coimbatore,இந்தியா

    அபாரமான கதையமைப்பு.. அட்டகாசமான நடிப்பு.. இப்பொழுதுதான் மனிதாபிமானம் பொங்கி வழிகிறது.. இத்தனை நாள் எங்கு போயிருந்தது? ஏமாற மக்கள் முட்டாள்கள் இல்லை.

  • R Ravikumar - chennai ,இந்தியா

    ரஜினி ஒரு அற்புதமான மனிதர் . அவர் கடந்த காலம் எப்படி என்று தெரியாது . தன்னடக்கமும் , இறை தேடலும் உடையவர் . நான் ரஜினியை நேரடியாக கணிக்கவில்லை. அவர் நண்பர்களை வைத்து அவரை கணிக்கிறேன். அவரை நம்புகிறேன். இவர் இயல்பான தலைவர் இல்லை . சோ அவர்கள் இருந்திருந்தால் ரஜினி நல்ல முடிவு எடுத்திருப்பார் . இவருக்கு தகுந்த வழிகாட்டல் உடன் ஒரு ராஜ குரு கிடைத்தால் தான் வெற்றி பெறுவார் . காலதாமதம் ஆக ஆக .. அவருக்கும் நமக்கும் துரதிர்ஷ்டமே . துக்லக் குருமூர்த்தி உடன் ஆலோசனை பெற்று பிஜேபியில் இணைந்தால் எதும் நல்ல மாற்றம் நிகழ வாய்ப்பு இருக்கிறது . கமலுடன் நட்பு எந்த அளவிற்கு நீடிக்கும் என்பது சொல்ல முடியாது .

  • Pa.Arumugam - Fremont,யூ.எஸ்.ஏ

    அவருடைய தொழிலே நடிப்பு எல்லாமே வேஷம் ..இது ஒரு நியூஸா ..எதற்கு இந்த விளம்பரம் ..மக்களின் மனதில் இவர் ஒரு நல்லமனிதர் என்ற ஏமாற்று வேலை ..

Advertisement