Advertisement

அறிவித்தது தி.மு.க..துவக்கியது அ.தி.மு.க..முடிப்பது யாரோ?

ஊட்டி : நீலகிரியில் தி.மு.க., ஆட்சியில் அறிவிக்கப்பட்டு, அ.தி.மு.க., ஆட்சியில் துவக்கப்பட்டு, 11 ஆண்டை கடந்தும், குந்தா நீரேற்று மின் திட்ட பணி 'ஆமை' வேகத்தில் நடப்பது, அதிருப்தியை ஏற்படுத்தி உள்ளது.

நீலகிரியில், குந்தா ஆற்றின் குறுக்கே, அவலாஞ்சி மற்றும் எமரால்டு அணைகளுக்கு மத்தியில், காட்டுக்குப்பை என்ற இடத்தில், குந்தா மின் வட்டத்துக்கு உட்பட்ட, 7வது மின் நிலையமான, குந்தா நீரேற்று மின் நிலையம் அமைக்கும் திட்டம் துவக்கப்பட்டது. நான்கு பிரிவுகளில், தலா, 125 மெகாவாட் என, மொத்தம், 500 மெகாவாட் மின் உற்பத்தி செய்ய முடிவு செய்யப்பட்டது. இத்திட்டம், 2008 ம் ஆண்டு தி.மு.க., ஆட்சியில் அறிவிக்கப்பட்டு, பின், பல்வேறு காரணங்களால் இத்திட்டம் கிடப்பில் போடப்பட்டது. 2011ம் ஆண்டு அ.தி.மு.க., அரசு பொறுப்பேற்ற பின், 2013ல் கிடப்பில் போடப்பட்ட இத்திட்டம் துவக்கப்பட்டது.

தற்போது, 1,831 கோடி ரூபாயில் இத்திட்டம் நடந்து வரும் நிலையில், இடையில் டெண்டர் பணி ஒதுக்கீட்டில் ஏற்பட்ட பிரச்னை காரணமாக இரண்டு ஆண்டுகள் இத்திட்டம் காலதாமதமானது. மீண்டும் பணி துவக்கப்பட்டு நடந்து வருகிறது. இதில், 500 மீட்டர் நீளத்துக்கு, 'டிராலியில்' பொருட்களை எடுத்து செல்லும் செங்குத்தான சுரங்கப்பாதை அமைக்கும் பணி; 1,300 மீட்டர் நீளத்திற்கு பிரதான சுரங்கப்பாதை அமைக்கும் பணி நிறைவு பெற்றன. இன்னும், 500 மீட்டர் நீளத்துக்கு சுரங்க வழிப்பாதை அமைக்க நடந்து வருகிறது.

இதன் திட்ட அறிவிப்பு படி, முதல் பிரிவு, 125 மெகாவாட் உற்பத்திக்கான பணி, 2017ம் ஆண்டு டிச., மாதம் நிறைவு பெற வேண்டும். அதற்கான காலக்கெடு முடிந்தும் கூட இன்னும் முதல் பிரிவுக்கான பணி முடியாததால், மீதமுள்ள, மூன்று பிரிவில், 375 மெகாவாட் திட்ட பணிகள் மிகவும் தாமதமாகும் சூழல் நிலவி வருகிறது. அறிவித்து, 11 ஆண்டை கடந்து செல்லும் இப்பணி ஆமை வேகத்தில் நடப்பதால், பெரும் அதிருப்தி நிலவுகிறது. திட்ட மேற்பார்வை பொறியாளர் திருமால் கூறுகையில்,' மொத்தம், 2,300 மீட்டர் நீளத்துக்கான சுரங்க பணியில், 1,800 மீட்டர் நீளத்திற்கு பணிகள் முடிந்து விட்டன. அடுத்த கட்ட பணிகள் முழு வீச்சில் நடந்து வருகிறது,'' என்றார்.

Download for free from the Store »

Advertisement
 

வாசகர் கருத்து (9)

  • Gopi - Chennai,இந்தியா

    முக்கிய விஷயம் அன்பர் 2 ஜி ராஜா அவர்கள் பசுமை தீர்ப்பாயம் கொண்டும் இந்த திட்டத்தை தடுத்ததை பற்றி போட்டிருக்கலாம்

  • Jaya Ram - madurai,இந்தியா

    அட, 2008 இல் அறிவிக்கப்பட்டு கிடப்பில் போட்டு விட்டார்கள் இப்போ அதிமுக ஆட்சியில் 2013 அந்த கிடப்பில் கிடந்த திட்டத்தினை அதிமுக அரசு எடுத்து செயல் படுத்துகிறது சர்வே எல்லாம் முடித்து டெண்டர் விட்டு பணிகள் நடக்கின்றன ஏறத்தாழ 5 அல்லது 6 வருடங்கள் தான் ஆகிறது ஆனால் நீங்களோ 11 வருடங்கள் ஆகின்றன என்று கூறினால் எப்படி இதில் ஒருவர் கட்டிங், செட்டிங் என்று கூறியுள்ளார் ஏன் கூடங்குளம் அணுமின் திட்டத்தினை மத்திய அரசுகள் தானே செயல்படுத்துகின்றன இயங்குகிறதா சொல்லுங்களேன் பார்ப்போம் எத்தனை ஆண்டுகள் ஆயின அதனை முடிப்பதற்கு நாம் ஒழுங்கா இருந்தால் எல்லாம் ஒழுங்கா இருக்கும்

  • pattikkaattaan - Muscat,ஓமன்

    பல ஆயிரம் கோடிகளை இலவசம் தர செலவழிக்கிறார்கள் .. இதற்க்கு செலவழிக்கலாமே?.. ஒருமுறை செலவு செய்தால்போதும் அதன்பின் ஐம்பது ஆண்டுகள் ஆனாலும் வருமானம் கொடுக்கும் .. என்னசெய்வது ஓட்டு மட்டுமே எண்ணமாக இருக்கும் அரசியல்வாதிகளிடம் இதை எதிர்பார்க்க முடியாது .. காமராஜர் அமைத்த நீர்மின் நிலையங்கள் எல்லாம் இன்னும் அங்கு வெற்றிகரமாய் இயங்கிக்கொண்டிருக்கின்றன ..

  • Darmavan - Chennai,இந்தியா

    இதற்கெல்லாம் ஏன் தண்டனையில்லை..இல்லையேல் திருந்த மாட்டாங்கள்

    • Nathan - Hyderabad,இந்தியா

      நீங்கதான் திருத்துங்களேன், ஒட்டு உங்க கைலதானே இருக்கு, மெஜாரிட்டி ஆளுங்க மோடி ஒயிக கூவிட்டு பிரியாணி, 200 ரூபாய் அடிக்கிற கேவலக் கூட்டம். நீங்க நல்ல நெறியாயிருந்தாலும் செம்மறி ஆட்டு கும்பல்ல ஏகுத்தா போவீங்க. இதன் பின் இருப்பது தமிழ் நாட்டை முன்னேற விடாமல் தடுத்தே தீருவது என பிளான் வெச்ச மத மாற்றுக் கும்பலும், போர்டு பவுண்டேஷன் மற்றும் உள்ளூரில் மக்களுக்கு கல்வி அறிவே வராதபடி சொத்தை வாந்திகளை போட்டு பணம் பார்ப்பதுவும் .

  • RajanRajan - kerala,இந்தியா

    இப்படி தான் எந்த ஒரு திட்டத்தை எடுத்தாலும் இவிங்க கட்டிங் செட்டிங் பிட்டிங் என பலதரப்புகளை தாண்டி ப்ராஜெக்ட் வரும்போது INPUT காஸ்ட் அதிகப்படியாகி பணியின் தரமும் பாதிக்க படுகிறது காலவிரயம் என்பதுவும் சர்வசாதாரணம்.

Advertisement