Advertisement

சிக்கிமில் எதிர்க்கட்சி கூண்டோடு காலி; 10 எம்.எல்.ஏ.,க்கள் பா.ஜ.,வில் ஐக்கியம்

புதுடில்லி: வட கிழக்கு மாநிலமான, சிக்கிமில், எதிர்க்கட்சியான, சிக்கிம் ஜனநாயக முன்னணியைச் சேர்ந்த, 10 எம்.எல்.ஏ.,க் கள், பா.ஜ.,வில் நேற்று, இணைந்தனர். இதையடுத்து, சிக்கிமின் பிரதான எதிர்க்கட்சி அந்தஸ்தை, பா.ஜ., பெற்றுள்ளது.


சிக்கிமில், முதல்வர் பிரேம் சிங் டமாங் தலைமையிலான, சிக்கிம் கிராந்திகாரி மோர்ச்சா கட்சியின் ஆட்சி நடக்கிறது. சமீபத்தில் இங்கு நடந்த சட்டசபை தேர்தலில், சிக்கிம் கிராந்திகாரி மோர்ச்சா, 17 தொகுதிகளிலும், முன்னாள் முதல்வர், பவன் குமார் சாம்லிங் தலைமையிலான, சிக்கிம் ஜனநாயக முன்னணி, 15 தொகுதிகளிலும் வென்றன. பா.ஜ., ஒரு தொகுதியிலும் வெற்றி பெறவில்லை.


சிக்கிம் ஜனநாயக முன்னணியைச் சேர்ந்த, இரண்டு பேர், தலா, இரண்டு தொகுதிகளில் வெற்றி பெற்றதை அடுத்து, தலா, ஒரு தொகுதியில் ராஜினாமா செய்தனர். இதனால், அந்த கட்சி, எம்.எல்.ஏ.,க்களின் எண்ணிக்கை, 13 ஆக குறைந்தது. இந்நிலையில், சிக்கிம் ஜனநாயக முன்னணியின், 10 எம்.எல்.ஏ.,க்கள், நேற்று டில்லி வந்தனர். பா.ஜ., செயல் தலைவர், ஜே.பி.நட்டா, கட்சியின் வட கிழக்கு மாநிலங்களுக்கான பொறுப்பாளர், ராம் மாதவ் முன்னிலையில், பா.ஜ.,வில் இணைந்தனர்.


இது குறித்து, ராம் மாதவ் கூறுகையில், ''எதிர்க்கட்சியின் பெரும்பாலான, எம்.எல்.ஏ.,க்கள் எங்களுடன் இணைந்து உள்ளனர். ''இதனால், கட்சி தாவல் தடை சட்டத்தின் கீழ், அவர்கள் மீது நடவடிக்கை எடுக்க முடியாது. சிக்கிம் ஜனநாயக முன்னணியின் சட்டசபை உறுப்பினர்கள், பா.ஜ., உடன் இணைந்துள்ளதால், அவர்கள், இனி, பா.ஜ., - எம்.எல்.ஏ.,க்களாகவே கருதப்படுவர்,'' என்றார்.


பா.ஜ., வில் இணைந்த, எம்.எல்.ஏ.,க்கள் கூறுகையில், 'சிக்கிமில், விரைவில் தாமரை மலரும்' என்றனர். வட கிழக்கு மாநிலங்களில், சிக்கிமை தவிர, மற்ற அனைத்து மாநிலங்களிலும், பா.ஜ., அல்லது அதன் கூட்டணி கட்சிகளின் ஆட்சி தான் நடக்கிறது. தற்போது, சிக்கிமிலும், அந்த கட்சிக்கு, 10 எம்.எல்.ஏ.,க்கள் கிடைத்துள்ள நிலையில், அடுத்ததாக, ஆட்சி அமைப்பதற்கான நடவடிக்கைகளிலும், அந்த கட்சி மேலிடம் இறங்கும் என, அரசியல் வட்டாரங்கள் தெரிவித்தன.

Download for free from the Store »

Advertisement
 

வாசகர் கருத்து (19)

  • K.n. Dhasarathan - chennai,இந்தியா

    உச்ச கட்டம்.

  • Nandha Kumar -

    Super

  • Pugazh V - Coimbatore / Cochin,இந்தியா

    சுடலை வீடுகளில் ரைட் வுடனுமாம் ..விடுங்க..வுட்டுட்டு எந்த ஆதாரமும் இல்லாததால் கடந்த பத்து இருபது ஆண்டுகளாக எப்படி மூக்குடைபட்டும் வலிக்காத மாதிரியே நடித்துக் கொண்டு, திண்ணைக்கு கிழவி போல..ஆ ஊழல்...ஓஒ கொள்ளை என்று காத்திக் கொண்டே இருக்கிறார்களோ அதையே தொடர வேண்டி வரும். விடுங்க உடுங்க

  • Pugazh V - Coimbatore / Cochin,இந்தியா

    //வேறு கட்சியில் நின்றதால் மக்களின் ஆதரவு பெற்று ஜெயித்து விட்டு, மக்கள் ஒதுக்கி விரட்டிய கட்சியில் சேர்க்கப்பட்டதை நியாய படுத்துவது அறிவீனம். ஆனால் பாஜக அடிமைக்கு கூட்டம் ஏற்க மறுக்கும்/. இதில் ஒருத்தர், மக்கள் சிண்ட்ஜஹிக்க துவங்கிவிட்டார்கள் என்று காமெடி எழுதறார். இதில் எங்கே சார் மக்கள் வந்தார்கள்?

  • Pugazh V - Coimbatore / Cochin,இந்தியா

    சுடலை சிண்ட்ரோமினால் பாதிக்கப்பட்டவர்கள் எண்ணிக்கை கூடுகிறது. சூப்பர். மேலும் மேலும் கூட வேண்டும்.

    • Chowkidar NandaIndia - Vadodara,இந்தியா

      சுடலையே ஒரு சிண்ட்ரோமினால் பாதிக்கப்பட்டவர் தானே?

Advertisement