Advertisement

கேரளாவில் இன்றும்,நாளையும் அதி தீவிர மழை;

திருவனந்தபுரம்: கடந்த, ஒரு வாரத்திற்கும் மேலாக, மழையின் கோரப் பிடியில் சிக்கி, சீரழிந்து வரும் கேரளாவில், ஐந்து மாவட்டங்களில், 'ரெட் அலெர்ட்' எனப்படும், அதிதீவிர மழை எச்சரிக்கை விடப்பட்டுள்ளது. இன்றும், நாளையும் பலத்த மழை பெய்யும் என்பதால், மக்கள் அச்சம் அடைந்துள்ளனர்.

475 பேர் பலி:



கேரளாவில், கடந்த ஆண்டு, ஆகஸ்ட், 15க்குப் பின், தென் மேற்கு பருவ மழை தீவிரம் அடைந்து, மலப்புரம், வயநாடு, இடுக்கி, எர்ணாகுளம், ஆலப்புழா மாவட்டங்களை சின்னாபின்னமாக்கியது. மழை மற்றும் வெள்ளத்தால், 475 பேர் பலியாகினர்; ஏராளமான வீடுகள், தண்ணீரில் அடித்துச் செல்லப்பட்டன; சாலைகள் துண்டிக்கப்பட்டன. அதுபோலவே, இந்த ஆண்டும், சில நாட்களுக்கு முன்னதாக, ஒரு வாரத்திற்கும் மேலாக, பலத்த மழை, இந்த மாவட்டங்களில் வெளுத்து வாங்குகிறது. இந்த முறை, மழை, வெள்ளத்துடன், நிலச்சரிவும் சேர்ந்ததால், ௯௦க்கும் மேற்பட்டோர் பலியாகி உள்ளனர்.


மலப்புரம் மாவட்டத்தில் உள்ள கவலபாரா என்ற மலை கிராமத்தில், நிலச்சரிவு ஏற்பட்டு, அந்த கிராமத்தின், 50 வீடுகள் மண்ணில் புதைந்தன. இதில், 40க்கும் மேற்பட்டோர், உயிருடன் மண்ணில் புதைந்து இறந்துள்ளனர். மாநிலத்தின் பல பகுதிகளில், 2.52 லட்சம் பேர், நிவாரண முகாம்களில் தஞ்சமடைந்துள்ளனர். இதற்காக, 1,332 முகாம்கள் அமைக்கப்பட்டுள்ளன; 8,500 வீடுகள் மழையால் பாதிக்கப்பட்டுள்ளன.


இந்நிலையில், 'இன்றும், நாளையும், கேரளாவின், ஐந்து மாவட்டங்களிலும், இந்தியாவின் மத்திய பகுதியில் உள்ள மாநிலங்களிலும், அதிதீவிர மழை பெய்யும்' என, இந்திய வானிலை ஆய்வு மையம் தெரிவித்துள்ளது. காற்றழுத்த தாழ்வு நிலையால், மழை அதிகம் பெய்யக் கூடும் என, தெரிவிக்கப்பட்டுள்ளது. இதனால், கேரளாவின் இந்த மாவட்ட மக்கள், கவலை அடைந்துள்ளனர்.

சரி செய்தனர்:



இதற்கிடையே, கேரளாவின் மற்ற பகுதிகளில், நேற்று மழை நின்றதால், நிவாரண முகாம்களில் இருந்தவர்கள், வீடுகளுக்கு திரும்பி, அலங்கோலமாக கிடந்த பொருட்களை சரி செய்தனர். இந்நிலையில், மாநில முதல்வர், மார்க்சிஸ்ட் கம்யூனிஸ்ட் கட்சியைச் சேர்ந்த, பினராயி விஜயன், மழை பாதித்த, வயநாடு மற்றும் மலப்புரம் மாவட்டங்களில் சுற்றுப்பயணம் மேற்கொண்டு, நிவாரண பணிகளை முடுக்கி விட்டார்.

வெளிநாட்டு மலையாளிகள் கேரளாவுக்கு உதவிக்கரம்:



ஐக்கிய அரபு எமிரேட்ஸ் நாடுகளில், ஏராள மாக வசிக்கும் கேரள மாநிலத்தவர், தங்கள் சொந்த மாநிலத்தில், மழை, வெள்ளம், நிலச்சரிவால் பாதிக்கப்பட்டுள்ளவர்களுக்கு உதவ முன்வந்துள்ளனர். வளைகுடா நாடுகளில் பல்வேறு வேலைகளில் இருக்கும் அவர்கள், அங்கிருக்கும் மலையாளிகளிடம், தாராளமாக உதவுமாறு கேட்டுக் கொண்டுள்ளனர். புதிய ஆடைகள், பெண்களுக்கான சானிட்டரி நாப்கின்கள், சோப்பு, செருப்பு, ஆடைகள், பிஸ்கட், ஓட்ஸ் உணவுப்பொருட்கள் போன்ற வற்றை சேகரிக்க, ஆங்காங்கே, பொருள் சேகரிப்பு மையங்களை ஏற்படுத்தியுள்ளனர். இதற்காக, சமூக வலைதளங்களை பயன்படுத்தி, வேண்டுகோள் விடுத்துள்ளனர். மேலும், முதல்வரின் நிவாரண நிதிக்கு பணம் வழங்குமாறும், பலர் கேட்டுக் கொண்டுள்ளனர்.

Download for free from the Store »

Advertisement
 

வாசகர் கருத்து (6)

  • Manikandan Sivalingam - delhi,இந்தியா

    ஒரு தேசத்தின் பாரம்பரிய இறையாண்மையை அழிக்க நினைத்ததன் கேடு.......இதே நிலை கேரளாவிற்க்கு 18 வருடங்களுக்கு..... இம்மாநிலத்தில் மதம் மாறிய கூட்டங்கள்..... கிருத்துவர்களாக இருந்தால் உங்கள் பூர்வ குடியான ஐரோப்பாவிற்கும்...... முஸ்லீம்களாக இருந்தால்..... அரேபியாவிற்கும் .....தப்பித்து.....அகதிகளாக சென்று விடவும்......இது பஞ்சபூதங்களின் அரசன் நடத்தும்...... ருத்ரதாண்டவம்....... கேரள தேசம் காப்பாற்ற ஒரே வழி தான் உண்டு,இதை கேரள மண்ணை ஆள்பவர்களும்.....மக்களும்.....தங்களின் உயிர் கடமையாக கொண்டு நிறைவேற்றியே ஆக வேண்டும்......இல்லை என்றால் கேரளம்....இந்திய வரைபடத்தில் இருந்து காணாமல் போகின்ற பேரழிவு ஏற்படும்...... கேரள மாநிலத்தில் வருடக்கணக்கில் தேக்கி வைத்திருக்கும் நீரை கோடைகாலத்தில் அந்த மாநிலத்தின் குடிநீர்,விவசாய தேவை போக...... அனைத்து அணைகளின் நீரையும் தமிழக அணைகட்டுகளுக்கு திருப்பி விட வேண்டும்.......18 ஆண்டுகளுக்கு கேரளாவில் இதே மழை பொழிவு இருக்கும்....... இது கேரள அரசும்....மக்களும்......அந்நாட்டின் இறையாண்மையை நாசமாக்கியதற்கு கடவுள் கொடுத்த தீர்பு....... இதை விட வேறவொன்றும் கிடையாது.........

    • soundararajan - Udumalaipettai,இந்தியா

      அப்படியானால் , கர்நாடகா மற்றும் மும்பை, வட மாநிலங்களில் மழை வெள்ளம் எந்த காரணத்தினால் ? மொட்டை தலைக்கும் , முழங்காலுக்கும் முடிச்சு என்பது இதுதான். மேலும், அனைத்து நீரையும் தமிழகத்திற்கு திறந்து விட்டால், அதை கடலில் கொண்டு போய் கலந்து விடுவீர்கள். தருகிற நீரை சேமிக்க ஏதும் வழி உங்களிடம் உண்டா. காலகாலமாக அடுத்த மாநிலத்தையே எதிர்பார்த்துக்கொண்டு இருப்பதை விட ஆக்கபூர்வமாக எதாவது செய்ய அரசுக்கு கோரிக்கை வையுங்கள். அதை விடுத்து இன்னும் இலவசத்திற்காக தமிழ்நாட்டில் கையேந்துவது போல அடுத்த மாநிலத்திடம் கையேந்திக்கொண்டே இருக்க வேண்டியதுதான். பெய்கின்ற மழையை சேமிக்க வழி வகை செய்யுங்கள்.

  • Lion Drsekar - Chennai ,இந்தியா

    இந்த மத மற்றும் ஜாதி வெறியர்கள் ஐயப்ப சாமியிடம் முதலில் மன்னிப்பு கேட்டாலே போதும், இறைவனின் முன்னால் எவனுமே முக்கியம் கிடையாது, இவனுங்களுக்கு இது இயற்க்கை, ஆனால் உலகுக்கு இது இறைவன், சென்ற முறை இதே மாதிரி மழை வெள்ளம், ஆனால் அணைத்து நீரையும் சேமித்து வைக்காமல் தண்ணீர் தட்டுப்பாடு வந்தது, முதலில் இறைவன் கொடுப்பதை சேமித்து வைக்க கற்றுக்கொள்ளுங்கள், வந்தே மாதரம்

  • முதல் தமிழன் - தமிழ் நாடு,இந்தியா

    Aiyappa punishes keralites.

  • T.Senthilsigamani - Srivilliputtur,இந்தியா

    இன்றும், நாளையும் அதி தீவிர மழை கேரளாவின் 5 மாவட்டங்களில் பீதி இத்தகைய செய்திகளை படிக்கும் போது தமிழக மக்களுக்கு மனது கஷ்டமாகத்தான் உள்ளது . கனமழை பெய்யும் நேரங்களில் மட்டுமாவது அத்தகைய உபரி நீரை கேரளா தமிழகத்திற்கு திருப்பி விட்டால் போதும் வெள்ளசேதங்களும் குறையும் ,உயிர் சேதங்களும் தவிர்க்கப்படும் ,ஆனால் கேரளா தொடர்ந்து முரண்டு பிடித்து வருகிறது என்ற செய்தியும் வருத்தம் அடைய செய்கிறது .ஏனென்றால் கேரளாவில் உள்ள அனைத்து ஆறுகளும் குறைந்த அளவு தூரம் ஓடி அரபிக்கடலில் வீணாக கலக்கின்றன.சமீபத்தில் கேரளா நீர்ப்பாசன துறை அமைச்சர் ஆண்டு தோறும் 2000 TMC அளவு நீர் அரபிக்கடலில் கலந்து வீணாகின்றன என்று பேசியிருந்தார் .ஆனால் அதை பசித்த வாயாக இருக்கும் தமிழகத்திற்கு ,தாகம் தீர்க்க மட்டும் தரவே மாட்டார்கள் .இந்த விஷயத்தில் தேசிய கட்சிகள் என்று சொல்லிக்கொள்ளும் காங்கிரஸ் மற்றும் கம்யூனிஸ்ட் கட்சிகள் இரண்டுமே தமிழக நலனை ஒட்டு மொத்தமாக புறக்கணிக்கின்றன என்பதுதான் வேதனையான செய்தி. ஆனால், மின்சாரம், அரிசி, காய்கறி, பால், பழங்கள், மணல், ... என, அனைத்துக்கும் கேரளா தமிழகத்தை நம்பியிருக்கும் கேரளம் தொடர்ந்து தண்ணீரை தர முரண்படுவது தான் வேதனை - கேரளாவில் ஆற்று மணல் எடுக்க தடை பலவருடங்களாக உள்ளது .மத்திய தொகுப்பில் இருந்து தமிழகத்தில் உற்பத்தி செய்யப்படும் மின்சாரம் கேரளாவிற்கு செல்கிறது . முல்லை பெரியாறு மட்டுமே கேரளாவில் பாயும் ஆற்று நீரை - தேவைக்கு அதிகமான நீரை மட்டும் தமிழகத்திற்கு திருப்பி விடும் திட்டமாக வெற்றிகரமாக நிறைவேறப்பட்டுள்ளது .அதற்கும் ஆயிரம் முட்டுக்கட்டைகள் போட்டது கேரளா அரசு.அனைத்தையும் உச்சநீதி மன்றம் மூலம் தகர்த்தவர் ஜெயலலிதா அவர்கள் தான்.முல்லை பெரியாறு போன்று பல பொன்னான திட்டங்கள் - அதிகமான - கனமழை நீரை தமிழகத்திற்கு திருப்பிவிடும் திட்டங்கள் உண்டு .அதில் ஓன்று தான் பம்பை - அச்சன்கோவில் - வைப்பாறு திட்டம் .கேரளாவின், பம்பை மற்றும் அச்சன்கோவில் நதிகளின் உபரிநீரை, தமிழகத்தின் விருதுநகர் மாவட்டத்தில் பாயும், வைப்பாறு நதியில் இணைத்து, வறண்ட அந்த மாவட்டம் மற்றும் திருநெல்வேலி, தூத்துக்குடி மாவட்டங்களில், ஏராளமான வறண்ட பகுதிகளுக்கு, நீர்பாசன வசதி அளிப்பது மற்றும் 500 மெகாவாட் நீர்மின் திட்டத்தை துவக்குவது என்பது, 12 ஆண்டுகளுக்கு முன், மத்தியில் ஆட்சியில் இருந்த, பா.ஜ., அரசின் திட்டம். இதற்காக, பம்பை - கல்லாறு நதியில், புன்னமேடு என்ற இடத்தில், 160 மீட்டர் உயர காங்கிரீட் அணை கட்டுவது. அது போல, அச்சன்கோவில் - கல்லாறு நதியில், சித்தார்மூழி என்ற இடத்தில், 160 மீட்டர் காங்கிரீட் அணை கட்டுவது. மேலும், அச்சன்கோவில் அருகே, 35 மீட்டர் உயரத்திற்கு, கிராவிட்டி அணை கட்டுவது. புன்னமேடு - சித்தார்மூழி அணைகளை இணைத்து, 5 மீட்டர் விட்டத்திற்கு சுரங்கம் வெட்டி, 8 கி.மீ., தூரம் தண்ணீரை கொண்டு சென்று, அங்கிருந்து கால்வாய் மூலம், 50.68 கி.மீட்டரில், வைப்பாறுக்கு கொண்டு செல்வது. இதற்காக, அந்த பகுதியில் உள்ள, அடவிநயினார் பகுதியில் உள்ள மேக்கரை அணையை, பயன்படுத்திக் கொள்வது என்பது தான் திட்டம்.பம்பை - அச்சன்கோவில் - வைப்பாறு இணைப்பு திட்டம். நதிகள் இணைப்பு திட்டம் குறித்து, 2002ல், சுப்ரீம் கோர்ட் உத்தரவு படி, முன்னுரிமை அடிப்படையில், எந்த திட்டங்களை செயல்படுத்தலாம் என, இப்போதைய ரயில்வே அமைச்சர், சுரேஷ் பிரபு தலைமையிலான சிறப்பு குழு, பிரதமரிடம் அளித்த அறிக்கையில், இந்த, பம்பை - அச்சன்கோவில் - வைப்பாறு நதிகள் இணைப்பு திட்டம் இருந்தது . கேரள அரசின் எதிர்ப்பையும் மீறி, இந்த திட்டத்தை செயல்படுத்தலாம் என, 2003ல், பிரதமரிடம், நதிகள் இணைப்பு சிறப்பு குழு, பிரதமரிடம், இரண்டாம் திட்ட அறிக்கை தாக்கல் செய்தது.இந்த திட்டம் செயல்பட்டால் தமிழகத்தின், திருநெல்வேலி, தூத்துக்குடி மற்றும் விருதுநகர் மாவட்டங்களில், 2.24 லட்சம் ஏக்கர் நிலங்களுக்கு, மூன்று போக பாசன வசதி கிடைக்கும்.மற்றும் அநேக நகராட்சிகளுக்கு - ஸ்ரீவில்லிபுத்தூர் ,ராஜபாளையம் ,சிவகாசி ,விருதுநகர் ,சங்கரன்கோவில்,கோவில்பட்டி - தங்கு தடையின்றி குடி நீர் கிடைக்கும் .ஆனால் கேரளாவை மாறி மாறி ஆட்சி செய்த காங்கிரஸ் மற்றும் கம்யூனிஸ்ட் கட்சிகளின் தொடர் முட்டுக்கட்டையால் இந்த திட்டம் செயல்படுத்தப்படவில்லை .அது மட்டுமல்ல அதற்க்கு முடிவுரையும் எழுதப்பட்டது கேரளா காங்கிரஸ் ஆட்சியில் .தினமலர் செய்தி டிசம்பர் 6,2014 - ம்: ''பம்பை - அச்சன்கோவில் - வைப்பாறு திட்டத்தை செயல்படுத்த அனுமதிக்க முடியாது. இந்த திட்டத்தை செயல்படுத்தக் கூடாது என, கேரள அரசு, தொடர்ந்து, மத்திய அரசிடம் வலியுறுத்தி வந்ததை அடுத்து, செயல்படுத்த உள்ள முன்னுரிமை திட்டங்கள் பட்டியலில் இருந்து, இந்த திட்டம் நீக்கப்பட்டு உள்ளது,'' என, கேரள முதல்வரும், காங்கிரசை சேர்ந்தவருமான, உம்மன் சாண்டி, அம்மாநில சட்டசபையில் நேற்று தெரிவித்தார்.ஆம் இந்த உண்மை கூட தெரியாத தமிழக மதசார்பின்மை கூட்டணியினர் தமிழகத்தில் எந்த பிரச்சனைக்கும் மோடிஜியே காரணம் எனக்கூறி பிழைப்பு நடத்துகின்றனர்.போன வாரம் எனது வார்டில் குடிநீர் வராததிற்கு மோடிஜி அரசு தான் காரணம் என முட்சந்தியில் ஊளையிட்டும் ,ஓலமிட்டும் ,சாவு ஒப்பாரிகள் வைத்தும் ஆர்ப்பாட்டங்கள் செய்தனர் சிவப்பு தாலிபான் கம்யூனிஸ்ட் கட்சியினர்.இதுதான் நிதர்சனம் .பம்பை - அச்சன்கோவில் - வைப்பாறு திட்டத்தை நிறைவேற்ற தமிழக அனைத்து கட்சிகளும் முன்வர வேண்டும் .காவேரி பாய்ந்த நெல் களஞ்சியம் போன்று தென் மாவட்டங்களிலும் நெல் களஞ்சியம் என வத்திராயிருப்பு தொடங்கி தூத்துக்குடி வரை கிணற்று பாசனம் இன்றி ,ஆற்று பாசனம் மூலம் ,வறண்ட பூமியை பசுமை பூமியாக மாற்றும் நல்லதொரு திட்டம்.ஆம் தமிழகத்தின் இரண்டாவது நெற்களஞ்சியம் ஆம் தமிழகத்தின் இரண்டாவது நெற்களஞ்சியம் ஆம் தமிழகத்தின் இரண்டாவது நெற்களஞ்சியம் ஆம் தமிழகத்தின் இரண்டாவது நெற்களஞ்சியம் என தென்னக வறண்ட மாவட்டங்கள் மாறும் .அதனை நிறைவேற்ற பம்பை - அச்சன்கோவில் - வைப்பாறு திட்டம் உடனே நிறைவேற்ற படவேண்டும் . இதனை நிறைவேற்ற கடவுள் தமிழக மக்களுக்கு அருள் புரியட்டும்

  • blocked user - blocked,மயோட்

    மழை வேண்டாம் என்று பிரார்த்தனை செய்யவேண்டும் போல...

Advertisement