Advertisement

இந்தியா வரியை குறைக்கணும்: டிரம்ப்

வாஷிங்டன் : "அமெரிக்காவில் இருந்து ஏற்றுமதி செய்யப்படும் மோட்டார் சைக்கிள்களுக்கு விதிக்கப்படும் அதிக வரியை, இந்தியா குறைக்கணும்; ரத்து செய்ய வேண்டும்," என, அமெரிக்க அதிபர், டொனால்டு டிரம்ப் வலியுறுத்தியுள்ளார்.

அமெரிக்க அதிபர், டொனால்டு டிரம்ப், தனியார், 'டிவி'க்கு பேட்டி அளித்துள்ளார். அதில் அவர் கூறியதாவது: அமெரிக்கா என்ற வங்கியை, கொள்ளையடிக்க அனைவரும் விரும்புகின்றனர், முயற்சிக்கின்றனர். அதனால் தான், மற்ற நாடுகளுடனான நம் வர்த்தக உறவில் பெரிய பற்றாக்குறை உள்ளது. இதுதான் நீண்ட காலமாக நடந்து வந்துள்ளது. இதற்கு முன், இது பற்றியெல்லாம் யாரும் கவலைப்படவில்லை. ஆனால், என்னுடைய ஆட்சியின்போது, நாட்டை ஏமாற்ற மாட்டேன். இனியும் நாங்கள் முட்டாளாக இருக்க மாட்டோம்.

உதாரணத்துக்கு, இந்தியாவை எடுத்துக் கொள்ளுங்கள். என்னுடைய அருமையான நண்பர், பிரதமர் நரேந்திர மோடி என்ன செய்தார் தெரியுமா? நம் நாட்டில் இருந்து ஏற்றுமதி செய்யப்படும், ஹார்லே டேவிட்சன் மோட்டார் சைக்கிள்களுக்கு, 100 சதவீத வரி விதித்தார். அவருடன் தொலைபேசியில் பேசினேன். அதையடுத்து, இந்தாண்டு பிப்.,யில் அந்த வரி, 50 சதவீதமாக குறைக்கப்பட்டது. ஆனால், இதுவும் அதிகம் தான்; இதை ஏற்றுக் கொள்ள முடியாது.

இந்தியாவில் இருந்து இங்கு இறக்குமதி செய்யப்படும் மோட்டார் சைக்கிள்களுக்கு, நாம் எந்த வரியும் விதிக்கவில்லை. அதே போல், நம் மோட்டார் சைக்கிள்கள் மீதான வரியை, இந்தியா குறைக்க வேண்டும்; முடிந்தவரை ரத்து செய்ய வேண்டும். இது தொடர்பாக, அவர்கள் ஆலோசித்து வருகினறனர். இவ்வாறு அவர் கூறினார்.

Download for free from the Store »

Advertisement
 

வாசகர் கருத்து (7)

  • Endrum Indian - Kolkata,இந்தியா

    அதெல்லாம் இதுக்கு மேலேயும் (50%) குறைக்க முடியாது , என்ன செய்யணுமோ செஞ்சிக்கோ அவ்வளவு தான்.

  • nicolethomson - சிக்கநாயக்கனஹள்ளி ,துமகூரு,இந்தியா

    இப்படி முன்னாடியே குறைச்சிருந்தாங்கன்னா தலைவரோட வாரிசு ஹம்மர் வாங்கி ஊழல்ல மாறியிருக்க மாட்டார் ?

  • ஆரூர் ரங் - சென்னை ,இந்தியா

    இதுபோல நமது நாட்டு உற்பத்தியாளர்களுக்கு சாதகமாக பிரதமர் பேசினால் அவரை கார்பொரேட் கைக்கூலி என்பர். ஏற்றுமதியால் வரும் வரிவருமானம் வேலைவாய்ப்பு பற்றி யாருக்கும் கவலையில்லை

  • blocked user - blocked,மயோட்

    புல்லட் விலையை விட குறைவான விலையில் ஹார்ட்லி டேவிட்ஸன் பைக் கிடைக்கப்போகிறது...

  • Kunjumani - சொரியார் பிறந்தமன் ,இந்தியா

    நீங்க மட்டும் வரியை ஏற்றுங்க, நாங்கள் ஏற்றினால் தவறா?

Advertisement