Advertisement

நாளை தேர்தல் முடிவுகள்; பதற்றத்தில் ஆந்திர போலீசார்

ஐதராபாத்: லோக்சபா தேர்தலோடு, சட்டசபை தேர்தலையும் சந்தித்துள்ள ஆந்திராவில், நாளை(மே 23) தேர்தல் முடிவுகள் வெளியாக உள்ள நிலையில், மாநில போலீசார் இடையே பதற்றமும், பரபரப்பும் அதிகரித்துள்ளது.

ஓட்டு எண்ணிக்கை:



ஆந்திராவில், முதல்வர் சந்திரபாபு நாயுடு தலைமையிலான, தெலுங்கு தேசம் கட்சி அரசு அமைந்துள்ளது. மாநிலத்தில் உள்ள, 25 லோக்சபா தொகுதிகளுக்கும், 175 சட்டசபை தொகுதிகளுக்கும், ஏப்.,11ல் நடந்த முதல் கட்டத்தில்,தேர்தல் நடந்தது. நாளை ஓட்டு எண்ணிக்கை நடக்க உள்ளது. இதற்காக விரிவான ஏற்பாடுகள் செய்யப்பட்டுள்ளன. மொத்தம், 55 இடங்களில் ஓட்டு எண்ணிக்கை நடக்க உள்ளது; 25 ஆயிரம் பேர், இதில் ஈடுபட உள்ளனர். இந்நிலையில், தேர்தலுக்குப் பிந்தைய கருத்துக் கணிப்புகளில், லோக்சபா தேர்தலில், ஜெகன் மோகன் ரெட்டியின், ஒய்.எஸ்.ஆர்.காங்., அதிக இடங்களில் வெற்றி பெறும் என்று கூறப்பட்டு உள்ளது.

போலீசார் அச்சம்:



அதே நேரத்தில், உள்ளூர், 'டிவி' சேனல்கள் நடத்திய கருத்துக் கணிப்புகளில், தெலுங்கு தேசம் அதிக இடங்களில் வெற்றி பெறும் என, கூறப்பட்டு உள்ளது.ஓட்டுப் பதிவின்போது, மாநிலத்தின் பல இடங்களில், இவ்விரு கட்சியினர் இடையே, பல இடங்களில் மோதல் நடந்தது; அதில், இருவர் உயிரிழந்துள்ளனர். அதனால், ஓட்டு எண்ணிக்கையின்போதும், இரு கட்சியினர் இடையேயும் மோதல் ஏற்படக் கூடும் என, போலீசார் அஞ்சுகின்றனர்.

பாதுகாப்பு:



குறிப்பாக, ஜெகன்மோகன் ரெட்டி மற்றும் சந்திரபாபு நாயுடுவின் சொந்த ஊர்கள் உள்ள, ராயலசீமா பிராந்தியத்தில், மோதல்கள் அதிகம் ஏற்படும் என, எதிர்பார்க்கப்படுகிறது. இந்த பிராந்தியத்தில், இவ்விரு கட்சியினர் இடையே, அடிக்கடி மோதல் ஏற்பட்டுள்ளது. மேலும், இந்த அரசியல் மோதல்கள், ஜாதி ரீதியாக நடந்துள்ளதால், ஆந்திர போலீசார், அதை தடுப்பதற்கான வியூகங்களை வகுத்து வருகின்றனர். தற்போது, 20 கம்பெனிகள் கொண்ட, மத்திய ரிசர்வ் போலீஸ் படை, மின்னணு ஓட்டுப் பதிவு இயந்திரங்கள் பாதுகாப்பாக வைக்கப்பட்டுள்ள இடங்களில், பாதுகாப்பு பணியில் ஈடுபட்டு உள்ளனர். மேலும், 10 கம்பெனி களை அனுப்பும்படி, ஆந்திர அரசு கோரியுள்ளது.

பரபரப்பு:



இதைத் தவிர, ஆந்திர சிறப்பு போலீஸ் படையின், 37 கம்பெனிகளைச் சேர்ந்த, 3,700 பேர், பதற்றம் நிறைந்த, 70 இடங்களில், பாதுகாப்புப் பணியில் ஈடுபடுத்தப்பட உள்ளனர். ஓட்டு எண்ணிக்கை, அமைதியாகவும், மாநிலத்தில் பிரச்னை இல்லாமலும் இருப்பதை உறுதி செய்ய, மாநில போலீசார் நடவடிக்கை எடுத்துள்ளனர். இதனால், போலீசார் இடையே, பதற்றமும், பரபரப்பும் ஏற்பட்டுள்ளது.

Download for free from the Store »

Advertisement
 

வாசகர் கருத்து (17)

  • SIVA. THIYAGARAJAN - POLUR -TIRUVANNAMALAI,இந்தியா

    இக்கனவான்கள் சமூக சேவை செய்யவா அல்லது சொத்து சேர்க்கவா இவ்வளவு பாடு பட்டு உழைக்கின்றார்கள் .இப்படி ஓர் ஜனநாயகம் மக்களாட்சின்னு நடக்குது நாட்ல...வெட்க கேடு....

  • Kannan - Chennai,இந்தியா

    நாயுடு ஆட்சிக்கு நாளை முடிவுகட்டப்படும். ஜெகன் வந்து நாய்டு மீது ஊழல் வழக்கு போட்டு அவரை டெல்லிக்கு காவடி எடுப்பதை தடுக்கவேண்டும்.

  • இந்தியன் kumar - chennai,இந்தியா

    போலீஸ் பொருக்கி போலீசாக மாறினால் தான் கலவரக்கார்களை அடக்க முடியும் ""சாமி""மாதிரி

  • இந்தியன் kumar - chennai,இந்தியா

    நல்லாட்சி கொடுத்ததாக மக்கள் நினைத்திருந்தால் நாய்டு மீண்டும் வரலாமே

  • Sathyanarayanan Bhimarao - Choolaimedu, Chennai,இந்தியா

    1967 -ல் தமிழ்நாட்டில் படுதோல்வி அடைந்த காங்கிரஸ் முதல்வர் பக்த்வத்சலம் 'விஷக் கிருமி பரவி விட்டது' என்று கூறினார். பின்னர் நிலைமையை உணர்ந்து முதல்வர் பொறுப்பேற்ற அண்ணாவுக்கு வாழ்த்துக் கூறினார். இன்று..? தோல்வியை ஜீரணம் பண்ண முடியாத எதிர்க் கட்சிகள் கண்டிப்பாக வன்முறையை அவிழ்த்து விடும். போலீசும் பாதுகாப்புப்படைகளும் தயார் நிலையில் இருக்க வேண்டியது மிக அவசியம்.

Advertisement