Advertisement

என் மீது ஊழல் புகார் கூற முடியுமா? எதிர்க்கட்சிகளுக்கு பிரதமர் சவால்

பாலியா: ''எதிர்க்கட்சிகளுக்கு பகிரங்கமாக சவால் விடுக்கிறேன். என் மீது ஊழல் புகாரோ அல்லது நான் சொத்து வாங்கி குவித்ததாகவோ, உங்களால் நிரூபிக்க முடியுமா,'' என, பிரதமர் நரேந்திர மோடி கூறினார்.

லோக்சபாவுக்கு, ஏழு கட்டங்களாக தேர்தல் நடக்கிறது. ஏழாவது கட்டத் தேர்தல், 19ல் நடக்க உள்ளது. உத்தர பிரதேசத்தின் பாலியாவில், நேற்று நடந்த, பா.ஜ., தேர்தல் பிரசார கூட்டத்தில், பிரதமர் நரேந்திர மோடி பேசியதாவது:

பகுஜன் சமாஜ் மற்றும் சமாஜ்வாதி கட்சிகள் அமைந்துள்ள கலப்பட கூட்டணிக்கும், எதிர்க்கட்சி களுக்கும், பகிரங்கமாக சவால் விடுக்கிறேன். நான் ஊழல் செய்ததாகவோ, சொத்துகள் வாங்கி குவித்ததாகவோ புகார் கூற முடியுமா... பினாமி பெயர்களில் வீடுகள், பங்களாக்கள், வணிக வளாகங்கள் வாங்கி குவித்ததாகவோ, வெளிநாட்டு வங்கிகளில் முதலீடு செய்ததாகவோ, வெளிநாடுகளில் சொத்து வாங்கி குவித்ததாகவோ, உங்களால் புகார் கூற முடியுமா; அதை நிரூபிக்க முடியுமா?

பாதுகாப்பு :



என் மீது பொய்யான புகார்கள் கூறுவதை, தனிப்பட்ட முறையில் விமர்சிப்பதை விட்டு, இந்த சவாலை, எதிர்க்கட்சிகள் ஏற்க வேண்டும். பணக்காரனாக வேண்டும் என, நான் கனவு கூட கண்டதில்லை; மக்களின் பணத்தை கொள்ளையடிக்கும் பாவத்தை செய்ய துணிந்ததில்லை. மக்களுக்கு நல்ல திட்டங்கள் கிடைக்க வேண்டும்; தாய்நாட்டின் பாதுகாப்பு மற்றும் பெருமையை காக்க வேண்டும் என்பதே எங்கள் நோக்கம். அதனால், ஆத்திரமடைந்த அண்டை நாடான, பாகிஸ்தானும், அங்குள்ள பயங்கரவாதிகளும் காணாமல் போயுள்ளனர்.

கையில் துப்பாக்கியுடன் அலைந்த பயங்கரவாதிகள், பயத்தில் தலைமறைவாகி விட்டனர். 'சர்ஜிக்கல் ஸ்டிரைக்' எனப்படும், துல்லிய தாக்குதல் மற்றும் நம் விமானப் படை தாக்குதலால், அவர்கள் துாக்கத்தை இழந்துள்ளனர். நான் தோற்க வேண்டும்; பா.ஜ., தோற்க வேண்டும் என்பது தான், அவர்களது விருப்பம். பயங்கரவாதத்தை வெல்வதற்கு, மத்தியில் வலிமையான அரசு இருக்க வேண்டும். ஓட்டு வங்கி அரசியல் செய்யும் கட்சிகளால், அதை செய்ய முடியாது.

மோதல்:



இத்தனை ஆண்டுகளாக, ஒருவரை ஒருவர் வசைபாடி வந்த கட்சிகள், தற்போது கூட்டணி அமைத்துள்ளன. தேர்தல் முடிந்ததும், மீண்டும் அவர்களுக்குள் மோதல் ஏற்படும். இவர்கள், நாட்டை எப்படி கொள்ளையடித்தனர் என்பது மக்களுக்கு தெரியும். அது நடக்காததால், தற்போது கூட்டணி சேர்ந்து, என்னை வசைபாடுகின்றனர். இதற்கு, தேர்தலில் மக்கள் பாடம் புகட்டுவர். இவ்வாறு, அவர் பேசினார். இதையடுத்து, வாரணாசியில் நடந்த கூட்டத்திலும், மோடி பேசினார்.
'மக்களே என் குடும்பம்' பீஹாரின் பக்சாரில் நடந்த, பா.ஜ., பிரசார கூட்டத்தில், பிரதமர் நரேந்திர மோடி பேசியதாவது: அனைவருடன் இணைந்து, அனைவரின் நலனுக்காக என்ற கொள்கையுடன், நாங்கள் செயல்படுகிறோம். ஆனால், எதிர்க்கட்சிகள், ஜாதி அரசியலை, ஓட்டு வங்கி அரசியலை செய்கின்றன. இதுவரை நடந்துள்ள, ஆறு கட்டத் தேர்தலில், தங்களுக்கு தோல்வி நிச்சயம் என்பதை எதிர்க்கட்சிகள் உணர்ந்துள்ளன. அதனால் தான், என்னை பற்றி தவறாக விமர்சித்து, கடுமையாக வசை பாடுகின்றனர். குஜராத் முதல்வராக இருந்த போதும், பிரதமராக இருந்த போதும், எனக்காகவோ, என் உறவினர்களுக்காகவோ வாழ்ந்ததில்லை. இந்த நாட்டு மக்கள் தான் என் குடும்பம். இவ்வாறு, அவர் பேசினார்.

Download for free from the Store »

Advertisement
 

வாசகர் கருத்து (46 + 20)

  • Pugazh V - Coimbatore / Cochin,இந்தியா

    பலமுறை பலப்பல பொய்களை உரக்க உதிர்ப்பதில் வல்லுநர். அதே ரீதியில் இந்த பொய். இவர் மீதான ஊழல் புகார்கள் பல சொல்லப்பட்டால் மட்டும் பாஜக, "ஆதாரம் இருக்கா, இருந்தா கேஸ் போடு" என்று இவர் உட்பட எல்லோரும் அலறுவார்கள் . அதேசமயம் அதே வாயால் எதிர் கட்சி மீது ஆதாரங்கள் இல்லாமல் ஊழல் லஞ்சம் என்று கதறுவார்கள். ஏன் இப்படி என்று கேட்டால் உடனே, பாகிஸ்தான் ஆண்ட்டி இண்டியன் என்று கூக்குரல் இடுவார்கள். இந்த ஊழல் வாதியின் முகத்திரை கிழியப் போகும் நாள் நெருங்கி விட்டது

  • M.RAGHU RAMAN - chennai,இந்தியா

    ஊழல் ஒன்றும் கிடையாது, மூன்றாம் ஆட்களை ஊழல் செய்யவிட்டுவிட்டு , வேடிக்கை பார்க்கின்றீர். ஆட்சியை நன்றாக வழிநடத்த, பிரச்சினைகளை சமாளிக்க போதிய திறமை கிடையாது. ஏழை, எளிய மக்களை கிள்ளி விட்டு அவர்கள் வேதனையுடன் அழுவதை வேடிக்கை பார்கின்றீர்

  • senthil - Pasumbalur,இந்தியா

    அதாவது ஓட்டு வேண்டும் என்பதற்காக இல்லாமல் நிறைய முடிவுகளை எடுத்தார்கள். இது மறுக்க முடியாத உண்மை. ஆனால் இதைப் புரிந்து கொள்ள முடியாத நிலையில் தான் மக்கள் உள்ளார்கள். உதாரணம் ஓட்டு வேண்டும் என்றால் இது இலவசம் இலவசம் தள்ளுபடி போன்றவைகளை போடுவது போல் செய்யலாம். ஆனால் கடந்த ஆண்டுகளில் அது நடக்கவில்லை. இதை மக்கள் புரிந்து கொள்ள காலம் போதாது.

  • ஜெய்ஹிந்த்புரம் - மதுரை,இந்தியா

    பாஜக மற்றும் கூட்டணி கட்சி. அரசுகள் ஊழல் செய்யவில்லைன்னு மோடியால் சொல்ல முடியுமா???

  • ஜெய்ஹிந்த்புரம் - மதுரை,இந்தியா

    பாவம். இவரு கட்சி ஆளுங்க மேலே இந்த ஆளுக்கே நம்பிக்கை இல்லே. “என் மேலே” ன்னு இவரோட நிறுத்திக்கிட்டார்.. செம தில்லாலங்கடிங்க..

எதிர்க்கட்சிகளுக்கு பிரதமர் சவால் (19)

  • Rajavel - Ariyalur,இந்தியா

  • Vaideeswaran Subbarathinam - Bangalore,இந்தியா

    No doubt about it.He is a clean man.These people are jealous of him,simply because he comes from a humble family.

  • JEYAM தமிழன் JEYAM - Tamil Nadu,இந்தியா

    பொய்யிலே பிறந்து பொய்யிலே வளர்ந்தவர் இப்படியே இன்னும் நாலுநாள் அதிகபட்சம் பேசமுடியும்.. அம்புட்டுதேன்

  • Narayanan Muthu - chennai,இந்தியா

    நீண்ட கால இடைவெளியில் தேர்தல் நடந்தால் அது தனக்கு வசதியாக இருக்கும் என தேர்தல் ஆணையத்தை வலியுறுத்தி ஆதாயம் பெற மோடி நினைத்தார். அதுவே அவருக்கு வினையாகி விட்டது. என்ன பேசுவது என தெரியாமல் மேடைக்கு மேடை விழி பிதுங்கி நிற்கிறார் போலும். இதனால் அவரின் அதி மேதாவி தனங்களும் அரை வேக்காட்டு பேச்சுக்களும் வெளிப்பட்டதேயன்றி வேறேதும் இல்லை. இன்னும் மூன்று நாட்களுக்கு என்னென்ன உளறல்களை நாம் கேட்க வேண்டி உள்ளதோ. நுணலும் தன் வாயால் கெடும். வறுமை சாதி அல்ல அது கொடுமை. அதை உணர்ந்தவர்களுக்கு மட்டும்தான் தெரியும். போதும் உங்களின் நாடக தனமான பேச்சுக்கள். இருக்கும் மூன்று நாட்களிலாவது என்ன செய்தோம் என்ன செய்ய போகிறோம் குறித்து பேசுங்கள் வறுமை ஜாதியை சேர்ந்த மோடி அவர்களே.

    • Ramamoorthy P - Chennai,இந்தியா

      வறுமை ஏழை ஜாதிக்கு உரித்தானது. கடந்த ஐந்து ஆண்டுகளில் அவர் எப்போதும் தனது ஜாதி குறித்து பேசியது இல்லை. மாயாவதி லாலு யாதவ் போன்றவர்கள் அவர்கள் தங்கள் ஜாதியை முன்னிறுத்தி ஓட்டுப்பெற்று ஆட்சிக்கு வந்த பின் அவர்கள் வரிப்பணத்தை கொள்ளையடித்து சொகுசு வாழ்க்கை வாழ்ந்து வருகிறார்கள். மோடி அவர்களூம் அப்படிப்பட்ட ஒரு தாழ்த்தபட்ட சமுகத்தில் ஒரு சாயா கடைவைத்து பிழைப்பு நடத்தும் ஏழை தகப்பனுக்கு மகனாக பிறந்து பத்து ஆண்டுகள் முதல்வராக பதவி வகித்தும் அவரது சொந்த பந்தங்கள் என்ன நிலையில் இருக்கிரார்கள் என்று பார்க்காதவர்கள் தான் மோடியை தரக்குறைவாக விமரிசிக்கிறார்கள். இதை மக்களிடம் ஐந்து ஆண்டுகளுக்கு பிறகே மோடி தன்னிலை விளக்கமாக எடுத்து வைக்கிறார் அதுவும் தேர்தல் நேரத்தில். இது கூடவா ஒரு மனிதனுக்கு உரிமை இல்லை என்று சொல்வீர்கள்?

  • rm -

    ,BJP party funds :how can it be from 0 to thousands of crores during last four years?

  • Visu Iyer - chennai,இந்தியா

    இவருடைய பேச்சை மக்கள் நம்ப தயாராக இல்லை அதிகமாக பொய் சொல்லும் அரசியல் வாதி என்ற பெயர் பெற்றவர்.. நாட்டு வளர்ச்சிக்கு தேவையில்லாத நபர்..

  • M.SHANMUGA SUNDARAM - TUTICORIN,இந்தியா

    பெரும் முதலாளிகள் கைக்குள் இருக்கும்போது சொந்த பெயரில் எதுவும் தேவை இல்லை. தேர்தல் பத்திரம் (Election Bonds) ரூபாய் 10000 கோடி எங்கிருந்து வந்தது. யோக்கியர்கள் தனக்கு தானே சர்டிபிகேட் கொடுக்க தேவை இல்லை

  • Manithan - Chennai,இந்தியா

    உங்களுக்கு பினாமியாகத்தான் அம்பானியேயும், அதானியையும் வளர்த்து வைத்திருக்கிறீர்கள். உங்ககிட்ட பணம் இருந்தாலும் ஒண்ணுதான், அவங்ககிட்ட இருந்தாலும் ஒண்ணுதான்.

  • Ab Cd - Dammam,சவுதி அரேபியா

    வறுமைக்கு எதிராக பத்து லச்சத்திற்கு கோட் போட்டு, ஸ்பெசல் ஆக இறக்குமதி செய்யபட்ட காலனை சாப்பிட்டு, இந்திய போர்விமானத்தை வாடகைக்கு எடுத்து போராடிவருகிறேன்

    • Ramamoorthy P - Chennai,இந்தியா

      பிரதமருக்கென்று இருக்கும் டிரஸ் கோடை தான் கடை பிடிக்கிறார் ஒரு எளிமையான பிரதமர் தான் விருப்பப்பட்ட உடைகளை அணிவது அவரது தனிப்பட்ட சுதந்திரம்

  • Giri Ramasamy - Bangalore,இந்தியா

    தங்களுக்கு எதற்கு அதுவெல்லாம், அம்பானியின் ஸ்பெஷல் ஜெட்டும், அம்பானியின் நாற்பது மாடி அடுக்கு வீடும், அடானியின் நட்பும் இருக்கும்போது...

    • S VENKATESAN - MADURAI,இந்தியா

      பதவில இல்லாட்டினா அம்பானி, அதானியெல்லாம் கண்டுக்கமாட்டாங்க. இதுகூட தெரியாம கருத்து பதிவிடுற. அதுவும் அம்பானி, அதானியெல்லாம் காங்கிரஸ் ஆளுங்க.

  • hussain - cuddlore,இந்தியா

    அதான் அம்பானியிடமும் அதானி இடமும் பல ஆயிரம் கோடி கொடுத்து வைத்து இருக்கிறீங்களே மோடி சார் இதற்கு மேலேயும் ஒரு பானாமி வேண்டுமா உங்களுக்கு

    • Ramamoorthy P - Chennai,இந்தியா

      சமூகநீதி பேசிக்கொண்டு தெருவுக்கு ஒரு குடும்பத்தை வைத்துக்கொண்டு வாரிசுகளுக்கு பங்களாவும் காரும் வாங்கி கொடுக்கவில்லை மோடி.

    • Giri Ramasamy - Bangalore,இந்தியா

      அதற்கு பதில் அம்பானியையும், அடானியையும், வேதாந்தவையும் வளர்த்துவிடுகிறார். மறைந்த பெருந்தலைவர் சொன்னது போல் எல்லாம் ஒரு குட்டையில் ஊறிய மட்டைதான்...

    • அண்ணாமலை ஜெயராமன் - Chennai,இந்தியா

      அம்பானியும் அதானியும் தொழில் செய்பவர்கள் , அவர்கள் எந்த ஆட்சி வந்தாலும் தொழில் செய்வார்கள் , அந்த லாபம் அவர்களுக்கு தான். மேலும் ஒரு நாட்டில் தொழில் வளம் பெருகினால் தான் மக்கள் வாழ்க்கை மேம்படும். அறிவில்லாமல் கம்மிகள் உளறிக்கொண்டு இப்படித்தான் இந்த நாட்டை நாசமாக்குகிறார்கள்

    • Ramamoorthy P - Chennai,இந்தியா

      சிம்சன் டிவிஎஸ் போன்ற நிறுவனங்கள் காமராஜர் ஆட்சியின் போது அரசு ஆதரவுடன் வளர்ந்தன காரணம் அவர்கள் வேலைவாய்ப்பு திட்டத்துக்கு உதவினார்கள். பல ஆயிரக்கணக்கான வேலை இல்லா பட்டதாரிகளுக்கு வேலை வாய்ப்பளித்தார்கள் அது போன்றே அதானி அம்பானி குழுமங்களும் பல்லாயிரக்கணக்கான வேலை இல்லா இளைஞர்களுக்கு வேலை வாய்ப்பளித்து அரசின் சுமையை பகிர்ந்து கொள்கிறார்கள். நீங்கள் குற்றம் சுமத்துவது போல காமராஜரே மோடியோ இதனால் எந்த பலனும் அடையவில்லை. நீங்கள் நினைப்பதுக்கு போல இது ஊழலில் முழ்கி திளைத்த கழகங்களின் ஆட்சியல்ல

  • அசோக்ராஜ் - சேலம் ,இந்தியா

    குடும்ப அரசியல்வியாதிகளுக்கு கொள்ளை அடித்து சேர்த்தது போதவில்லையாம். மோடி ஏன் இன்னும் 15- லட்சம் என் அக்கவுண்டில் போடவில்லைன்னு அல்லக்கைகளை விட்டு அஞ்சு வருசமா கேட்டுக்கிட்டு இருக்காங்க.

    • Ramamoorthy P - Chennai,இந்தியா

      ஒரு தலைவர் வெளிநாட்டில் பதுக்கி வைக்கப்பட்டிருக்கும் இந்திய கருப்பு பணத்தின்அளவு என்பது அது மீட்டு கொண்டுவரப்பட்டால் நமது ஜனத்தொகையில் தலைக்கு பதினைந்து லட்சம் தேறும் என்று ஒரு அனுமானத்தில் சொல்லப்பட்டதை எதிர்க்கட்சிகள் திரித்து சொன்னால் இவர்களும் நாக்கை தொங்கப்பட்டுக்கொண்டு எதிர்பார்த்தால் இவர்களை விட ஒரு கூமுட்டைகள் இருக்க முடியுமா என்ன. அப்படியே கொண்டு வந்தாலும் அது அரசு காஜனாவிற்கு தான் செல்லமுடியும் என்பது கூட தெறியாத அறிவிலிகளை என்ன செய்வது?

Advertisement