Advertisement

கிடைத்தாரா விழி பிதுங்காத மொழி பெயர்ப்பாளர்?

புதுடில்லி: மொழி பெயர்ப்பை பொறுத்தவரை இந்த தேர்தலில் ராகுலுக்கு நேரம் சரியில்லை. தமிழகத்தில் முன்னாள் காங்., தலைவர் தங்கபாலுவும், கேரளாவில் முன்னாள் ராஜ்யசபா துணை தலைவர் குரியனும் ராகுல் பேச்சை தப்பும் தவறுமாக மொழி பெயர்த்து தர்மசங்கடத்தில் ஆழ்த்தினர். அது மட்டுமல்லாமல் அது பெரிய காமெடியாகவும் நாடு முழுவதும் சமூவலை தளங்களில் பகிரப்பட்டது.


ஒரு வழியாக இப்போது கேரளாவில் ஒரு பெண் மொழி பெயர்ப்பாளரை கண்டுபிடித்து விட்டார் ராகுல். அவர் பெயர் ஜோதி விஜயகுமார். வக்கீல் மற்றும் சமூகவியல் பேராசிரியராக இருக்கிறார். கடந்த தேர்தலில் செங்கனூர் தொகுதியில் காங்., சார்பில் போட்டியிட்டு 2வது இடம் பிடித்த விஜயகுமார் என்பவரின் மகள் இந்த ஜோதி. ஏப்.,16ம் தேதி பத்தனம்புரம் என்ற இடத்தில் நடந்த பொதுக்கூட்டத்தில் ராகுலின் பேச்சை ஜோதி மொழி பெயர்த்தார். இது சரியாக இருந்ததாக ராகுல் நினைக்கிறார். இந்த வீடியோவும் வைரலாக பரவி, பாராட்டைப் பெற்றது. இதையடுத்து வயநாட்டில் நடந்த கூட்டத்தில் ராகுலின் பேச்சையும் மொழி பெயர்க்குமாறு ஜோதி கேட்டுக்கொள்ளப்பட்டார்.




சில ஆண்டுகளுக்கு முன் கேரளா வந்த சோனியாவின் பேச்சையும் ஜோதி தான் மொழி பெயர்த்தார்.ஜோதி கூறும்போது, ‛‛நான் தொடர்ந்து ராகுலின் பேச்சை கவனித்து வருகிறேன். அதில் இருந்து நான் நிறைய கற்றுக்கொண்டேன். ஒரு இசையை ரசிப்பது போல் ராகுலின் பேச்சை நான் ரசிக்கிறேன்'' என்றார்.

குழி பறித்த குரியனின் மொழி பெயர்ப்பு



கேரளாவில் சமீபத்தில் ராகுலின் பேச்சை குரியன் மொழி பெயர்த்த போது நிறைய தவறுகள் நடந்தன. ‛‛5 கோடி வங்கி கணக்குகளில் நாங்கள் பணத்தை போடுவோம்'' என்று ராகுல் பேசியதற்கு, ‛‛ஏழைகளின் 25 கோடி வங்கி கணக்குகளில் பணம் போடுவோம்'' என்று குரியன் மொழி பெயர்த்தார்.‛‛ஏழைகளின் வங்கி கணக்குகளில் ரூ.72 ஆயிரம் பணம் போடுவோம்'' என்று ராகுல் பேசியதையும் தவறாக மொழி பெய்த்தார் குரியன்.இன்னொரு கூட்டத்தில் மோடி பற்றியும் அம்பானி பற்றியும் ராகுல் பேசியது புரியாமல் குரியன் திரும்ப, திரும்ப கேட்டார். இந்த சம்பவமும் ஜோக்காக மொபைல் போன்களில் பகிரப்பட்டது.

Download for free from the Store »

Advertisement
 

வாசகர் கருத்து (38)

  • Loganathan Kuttuva - Madurai,இந்தியா

    ராஜிவ் ஆங்கிலத்தில் பேசுவதை ப சிதம்பரம் நன்றாக ரசிக்கும்படியாக மொழி பெயர்ப்பார். கிறிஸ்துவ மதபிரச்சாரங்களில் மொழிபெயர்ப்பாளர் தடையின்றி பேசுவார். அவர்களை பயன்படுத்தி கொள்ளலாம்.

  • Tamilnesan - Muscat,ஓமன்

    அதான், பல லட்சம் கோடிகள் கொள்ளை அடித்து வைத்துள்ளாரே அதில் சில லட்சங்கள் செலவு செய்து தொழில்முறை மொழி பெயர்பாளரை நியமிக்க வேண்டியது தானே

  • Gopalakrishnan - Kuzhumani,இந்தியா

  • Krish Sami - Trivandrum,இந்தியா

    ஜோதி விஜயகுமார் மொழி பெயர்ப்பு மிக அருமையாக இருந்தது. முன்னர் குரியன் மற்றும் தங்கபாலு மொழி பெயர்ப்புகளை கேட்ட பொழுது தோன்றியது - ஏன் ஒரு முக்கியமான பணியில் இப்படி சொதப்புகிறார்கள் என்று. அதுவும் கல்வியில் முன்னேறிய கன்னியாகுமரி மாவட்டத்திலும், கேரளத்திலும்

  • Dominic Rajendran - mumbai,இந்தியா

    சரியான மொழி பெயர்ப்பாளர் நியமிக்காதது கட்சியின் பலவீனம்,

Advertisement