Advertisement

முன்னாள் சிபிஐ இயக்குனர் நாகேஸ்வர ராவுக்கு ரூ. 1 லட்சம் அபராதம்

புதுடில்லி: கோர்ட் அவமதிப்பு வழக்கில், முன்னாள் சிபிஐ இடைக்கால இயக்குனர் நாகேஸ்வர ராவுக்கு ரூ.1 லட்சம் அபராதம் விதித்து சுப்ரீம் கோர்ட் உத்தரவு பிறப்பித்து உள்ளது.

மன்னிப்பு கோரினார்



பீஹாரில் உள்ள பெண்கள் காப்பகத்தில் நடந்துள்ள பாலியல் வன்முறை தொடர்பாக விசாரித்து வரும், சி.பி.ஐ., அதிகாரி, ஏ.கே. சர்மாவை, இடமாற்றம் செய்ததற்கு, சுப்ரீம் கோர்ட், சமீபத்தில் கடும் கண்டனம் தெரிவித்திருந்தது. இந்த வழக்கில், பதில் மனு தாக்கல் செய்த, அப்போது இடைக்கால இயக்குனராக இருந்த, நாகேஸ்வர ராவ், 'இந்த விவகாரத்தில் தவறு செய்து விட்டேன். சுப்ரீம் கோர்ட் உத்தரவை மீறி, பணியிடமாற்றம் செய்ய வேண்டும் என, கனவிலும் நினைத்ததில்லை. நடந்த தவறுக்கு, மன்னிப்பு கேட்கிறேன்' என, கூறியுள்ளார்.

ஆஜர்



இந்த வழக்கு இன்று மீண்டும் விசாரணைக்கு வந்தது. அப்போது, நாகேஸ்வர ராவ் கோர்ட்டில் ஆஜரானார்.சிபிஐ சார்பில் ஆஜரான அட்டர்னி ஜெனரல் வேணுகோபால் வாதிட்டதாவது:பல தவறுகள் நடந்துள்ளது. இதற்காக சிபிஐ சார்பில் மன்னிப்பு கேட்டுள்ளனர். வேண்டுமென்றே தவறு நடக்கவில்லை. நாகேஸ்வர ராவுக்கு32 வருட அனுபவம் உள்ளது. அவர் நிபந்தனையற்ற மன்னிப்பு கோரியதால், கருணையுடன் நடந்து கொள்ள வேண்டும் என்றார்.


ஏற்க மறுப்பு




இதன் பின்னர் தலைமை நீதிபதி கூறுகையில், கோர்ட் அவமதிப்பு நடந்துள்ளது. இது அவரது பணியில் ஒரு கரும்புள்ளியாக இருக்கும். கோர்ட் அவமதிப்பு செய்த காரணத்திற்காக நாகேஸ்வர ராவுக்கு ரூ. 1 லட்சம் அபராதம் விதிக்கப்படுகிறது. இன்று ஒரு நாள் முழுவதும், அவர் கோர்ட் அறையில் அமர்ந்திருக்க வேண்டும் என உத்தரவு பிறப்பித்தார்.

Download for free from the Store »

Advertisement
 

வாசகர் கருத்து (45)

  • Vetri Vel - chennai,இந்தியா

    மோசடி செய்ய சொன்னார்... னு சொல்லிட வேண்டியது தானே... திருவாளர் கைத்தடி அவர்களே..

  • Arasu - Madurai,இந்தியா

    மோடியின் வலதுகை , RSS ன் இடதுகை

  • M S RAGHUNATHAN - chennai,இந்தியா

    It is okay. What punishment did the S C has meted out to Prashant Bhushan, a senior advocate for contempt of S C itself. Why feather type touch ? Is it because that he is an advocate and belongs to the same legal fraternity. Or because he is son former Senior counsel in S C and was a former law minister. The actions of S C are inexplicable. Whether the S C has taken any disciplinary action against judges for giving erroneous judgements ? First let the judiciary clean itself of dead wood.

  • Pasupathi Subbian - trichi,இந்தியா

    நீதிமன்றத்தின் தீர்ப்புகள் பல பல்வேறு சமயங்களில் வேடிக்கையாக இருந்துள்ளன. அதே போல பல நீதிபதிகள் தங்களின் பதவிக்காலம் முடிந்ததும், பல்வேறு இடங்களில் அரசியல் சார்பு வேளைகளில் ஈடுபடுகின்றனர். இதெல்லாம் பார்த்தாலே நமக்கு நீதிமன்றத்தின் மீதுள்ள மதிப்புகளை குறைக்கும் செயலாக உள்ளது. இந்த இயக்குனர் என்ன மாபெரும் தவறு செய்துவிட்டார், அவருக்கு நீதிமன்ற உத்தரவு தெரிவிக்கப்படாமல் மறைக்கப்பட்டுவிட்டது, தெரிந்த்திருந்தால் அவர் இந்த செயலில் ஈடுபட்டிருக்கமாட்டார். வெறும் கண்டிப்புடன் விட்டுவிட்டுருந்தால் இது சரியாக இருந்திருக்கும். அதே போல உச்ச நீதிமன்ற உத்தரவுகளுக்கு , கர்நாட அரசும், சரி கேரளா அரசும் சரி , அடிபணியாமல் இருக்கின்றனவே அவைகளின்மேல் நீதிமன்றம் என்ன நடவடிக்கை எடுத்துள்ளது. ?

  • Muraleedharan.M - Chennai,இந்தியா

    இந்த தண்டனை கம்மி்

Advertisement