Advertisement

எதிர்க்கட்சி குற்றச்சாட்டுக்கு மத்திய அரசு பதிலடி! 3.79 லட்சம் பேருக்கு வேலைவாய்ப்பு

புதுடில்லி: 'வேலைவாய்ப்புகளை அதிக அளவில் உருவாக்கவில்லை' என, எதிர்க்கட்சிகள் விமர்சித்து வரும் நிலையில், மத்திய அரசு துறைகளில், இரண்டாண்டுகளில், 3.79 லட்சம் பேருக்கு வேலைவாய்ப்பு அளிக்கப்பட்டுள்ளதாக, மத்திய அரசு தெரிவித்துள்ளது.


'மத்திய அரசு போதிய வேலை வாய்ப்புகளை உருவாக்கவில்லை' என, காங்கிரஸ் தலைவர், ராகுல் உட்பட, பல எதிர்க்கட்சித் தலைவர்கள் விமர்சனம் செய்து வருகின்றனர். 'கடந்த லோக்சபா தேர்தல் பிரசாரத்தின் போது, ஆண்டுக்கு, இரண்டு கோடி வேலை வாய்ப்புகளை உருவாக்குவோம் என, மோடி அறிவித்தார். ஆனால், அதை நிறைவேற்றவில்லை' என, ராகுல் தொடர்ந்து விமர்சித்து வருகிறார்.

'நிடி ஆயோக்'



அரசுக்கு ஆலோசனை வழங்கும், 'நிடி ஆயோக்' அமைப்புக்கு உட்பட்ட, தேசிய மாதிரி கணக்கெடுப்பு அலுவலகம், நாட்டின் வேலைவாய்ப்பு பிரச்னை குறித்து ஆய்வு செய்தது. கடந்த, 2017 - 18ல், வேலைவாய்ப்பின்மை விகிதம், 45 ஆண்டுகளில் இல்லாத அளவுக்கு, மிகவும் அதிகமாக, 6.1 சதவீதமாக இருந்ததாக, செய்திகள் வெளியாகின.


சமீபத்தில் பார்லிமென்டிலும், இந்தப் பிரச்னை குறித்து, எதிர்க்கட்சிகள் கடுமையாக விமர்சித்தன. ஆனால், இதை

அரசு மறுத்துள்ளது. ஜனாதிபதியின் உரைக்கு நன்றி தெரிவிக்கும் தீர்மானம் மீது பேசிய, பிரதமர் நரேந்திர மோடி, பல்வேறு புள்ளிவிபரங்களை மேற்கோள்காட்டி, பல கோடி வேலை வாய்ப்புகள் உருவாக்கப்பட்டதாக கூறினார்.


இந்நிலையில், 2019 - 20 நிதியாண்டுக்கான, மத்திய பட்ஜெட் சமீபத்தில் தாக்கல் செய்யப்பட்டது. அதில், பல்வேறு அரசு துறைகளில், 2017 - 19 காலத்தின்போது, 3.79 லட்சம் பேருக்கு வேலை வாய்ப்பு அளிக்கப்பட்டுள்ளதாக தெரிவிக்கப்பட்டு உள்ள தகவல், தற்போது வெளியிடப்பட்டுள்ளது.

எவ்வளவு பேர்?



இது குறித்து, பட்ஜெட்டில் கூறப்பட்டுள்ளதாவது: கடந்த, 2017 மற்றும் 2018ல், மத்திய அரசின் பல்வேறு துறைகளில், 2 லட்சத்து, 51 ஆயிரத்து, 279 பேருக்கு வேலை வாய்ப்பு அளிக்ப்பட்டுள்ளது. 2019, மார்ச் 1க்குள், இது, 3.79 லட்சமாக உயரும். அதன்படி, மத்திய அரசின் பல்வேறு துறைகளில் பணியாற்றுவோர் எண்ணிக்கை, 36 லட்சமாக இருக்கும்.


ரயில்வே, போலீஸ், நேரடி மற்றும் மறைமுக வரி துறைகளில் அதிக அளவில் வேலைவாய்ப்புகள் உருவாக்கப்பட்டுள்ளன. ரயில்வேயில், மார்ச், 2017ம் ஆண்டில், 13 லட்சம் பேர் பணியாற்றினர். தற்போது, கூடுதலாக, 99 ஆயிரம் பேருக்கு வேலை வாய்ப்பு அளிக்கப்பட்டுள்ளது. காவல் துறையில், 2017ம் ஆண்டில், 10 லட்சம் பேர் பணியாற்றினர்; அதில், கூடுதலாக, 79 ஆயிரம் பேர் சேர்க்கப்பட்டுள்ளனர்.


நேரடி வரித் துறையில், 2017ம் ஆண்டில், 50 ஆயிரம் பேர் பணியாற்றினர். இது, 80 ஆயிரமாக உயர்ந்து உள்ளது. கூடுதலாக, 30 ஆயிரம் பேருக்கு வேலை வாய்ப்பு அளிக்கப்பட்டுள்ளது.


அதிகரிப்பு:



விமான போக்குவரத்து துறையில், 2017ம் ஆண்டில், 1,174 பேர் பணியாற்றிய நிலையில், தற்போது, 2,363 ஆக உயர்ந்துள்ளது. இதுபோல், மத்திய அரசுக்கு உட்பட்ட பல்வேறு துறைகளில் பணியாற்றுவோரின் எண்ணிக்கை, கடந்த இரண்டு ஆண்டுகளில் கணிசமாக அதிகரித்துள்ளது. இதன்மூலம், மூன்று லட்சத்துக்கும் அதிகமான வேலை வாய்ப்புகள் உருவாக்கப்பட்டுள்ளன. இவ்வாறு அதில் குறிப்பிடப்பட்டுள்ளது.

ராகுல் விமர்சனம்: 'பேஸ்புக்' சமூக வலைதளத்தில் நேற்று வெளியிட்டுள்ள செய்தியில், காங்கிரஸ் தலைவர், ராகுல் கூறியுள்ளதாவது: 'ஊபர், ஓலா' போன்ற வாடகை கார்களை இயக்கும் நிறுவனங்களால், 20 லட்சம் வேலைவாய்ப்பு உருவாக்கப்பட்டுள்ளதாக, நிடி ஆயோக் கூறியுள்ளது. ஆனால் இது தொடர்பாக, ஒரு டிரைவர் அளித்த பேட்டி, ஆங்கில நாளிதழில் வந்துள்ளது. 'அரசு வேலைவாய்ப்பு அளிக்காததால், பல லட்சம் செலவு செய்து, இந்த வேலையைப் பெற்றுள்ளேன்' என, அந்த டிரைவர் கூறியுள்ளார். இதில் இருந்தே, வேலைவாய்ப்பு பிரச்னையில், இந்த அரசுக்கு கொள்கை எதுவும் இல்லை என்பது தெரியவந்துள்ளது. வேலைவாய்ப்புகளை உருவாக்கும் திறன் இல்லாததுடன், ஆணவத்துடன், இந்த அரசு செயல்படுவதே, வேலைவாய்ப்பின்மை பிரச்னை அதிகரிக்க காரணம். இவ்வாறு அவர் கூறியுள்ளார்.

Download for free from the Store »

Advertisement
 

வாசகர் கருத்து (15)

  • Manian - Chennai,இந்தியா

    இவர்கள் மோடிக்கு லஞ்சம் கொடுக்காமல் வேலை வாங்கினவர்கள் என்பது விசேஷம்.

  • ஆப்பு -

    ராவுலு கரீட்டாத் தானே சொல்றாரு. 2 கோடி வேலைகள் எங்கே? இவிங்க உருவாக்குன 3.79 லட்சம் வேலைகள் எங்கே? ஒரு கோடின்னா 100 லட்சம்னு யாராவது அவிங்களுக்கு சொல்லுங்கபா....

  • விவசாயி மகன் - Tiruppur,இந்தியா

    அறிவு உள்ளவர்களுக்கு அரசு வேலை யும்,திறமை உள்ளவர்களுக்கு தனியார் நிறுவனமும், சுய நம்பிக்கையில் தொழில் செய்பவர்களுக்கு வங்கிகளும் உதவுகின்றன. ஆனால் எனக்கு இவைஎல்லாம் தெரியாது நான் ஏழை எனவே எனக்கு இட ஒதுக்கீட்டில் வேலை வேண்டும் என்றால் என்ன செய்ய. இந்த கருத்து சொல்லும் நபர்கள் புதிய அரசியல் கட்சி தொடங்க அவர்களின் ஆட்சியே வந்தாலும் இதே நிலைதான் இருக்கும்

  • Srinivasan Kannaiya - muscat ,ஓமன்

    இரண்டாண்டுகளில், 3.79 லட்சம் பேருக்கு வேலைவாய்ப்பு அளிக்கப்பட்டுள்ளதாக, மத்திய அரசு தெரிவித்துள்ளது..... அப்பிடியே கொஞ்சம் விவரங்களை வெளி இடுங்களேன்

    • rajan - erode,இந்தியா

      விவரத்தில் ஓய்வு பெற்றவர்கள் எண்ணிக்கையும் சேர்க்கவேண்டும் .

  • ramanathan - Ramanathapuram,இந்தியா

    வேலை வாய்பற்றோர் எண்ணிக்கை உயர்வதற்கு இந்த திருட்டு திமுக வும் களவாணி காங்கிரஸ் கட்சிகளும் தானே காரணம் இவர்கள் தங்களின் வாழ்க்கையை வளமாக்கி கொள்வதற்க்காக மட்டும் தானே நாளொருமேனி பொளுதொரு வண்ணமாக உழைத்தார்கள் இவர்களின் வங்கி கணக்குகளும் வங்கிகளின் எண்ணிக்கைகளும் தானே உயர்ந்தது. மக்களை பற்றி என்றைக்கு இந்த பொருளார மேதைகள்? ??கவலைப்பட்டார்கள்.சிறையில் இருக்க வேண்டியவர்களெல்லாம் கட்சி நடத்திக் கொண்டிருக்கிறார்கள். தனிநபர் வருமானத்தை உறுதிப்படுத்த முடிந்ததா இவர்களால்?

  • ஆரூர் ரங் - சென்னை ,இந்தியா

    படித்து வெளிவரும் 98 சதவீத பட்டதாரிகள் எந்த வேலைக்கும் லாயக்கில்லை. என பல மனிதவள நிபுணர்கள் குரல் கொடுத்துக் கொண்டிருக்கின்றனர் .இதற்காக காங்கிரஸ் அதிமுக ஆட்சிகள் ஒன்றும் செய்யவில்லை . கொள்ளையடிக்கும் சுயநிதிக் (?) கல்வித்தந்தைகளையே உருவாக்கி ஆட்டயப்போட்டனர் இப்போது 2017 இல் மத்திய அரசு புதிதாக ஏற்படுத்தியுள்ள திறன் மேம்பாடு மற்றும் தொழில் முனைவோர் அமைச்சகத்தினால், தேசிய திறன் மேம்பாட்டுக் கழகத்தின் (NSDC) மூலமாக இளைஞர்களுக்குத் திறன் பயிற்சிகள் வழங்கும் முன்னோடித் திட்டம் இதுவாகும். இத்திட்டத்தின் கீழ் ஆண்டுக்கு சுமார் 24 லட்சம் இளைஞர்கள் பயன் பெறுவார்கள்.இதுபோன்ற திட்டத்தை முன்பே கொண்டு வந்திருந்தால் வேலையில்லாப் பிரச்னை பெருமளவில் குறைந்திருக்கும் . ஒரு வேலையையும் உருப்படியாக செய்யாமல் போலி மதசார்பின்மை பேசி இந்துக்களை இழிவுபடுத்துவதே தொழிலாகவே வைத்திருந்த இத்தாலி +திமுக கும்பலை இனியும் நம்பாதீர்

  • Mannai Radha Krishnan - ROSEVILL, CA, USA,யூ.எஸ்.ஏ

    ஊபர்-ஓலா வை பற்றி ராகுல் பேசியதை பார்த்தேன். ஊபர்-ஓலாவில் ட்ரைவராக சேர ஒரு காரோ/ஆட்டோவோ இருந்து ட்ரைவிங் லைசன்ஸ் +ஓரு நல்ல செல் வொய் ஃபை யுடன்....பிறகு வருமாணம் கிடைக்கும். அந்த இன்வெஸ்ட்மென்ட் குறைந்த்து ஒரு லட்சமாவது ஆகும். தினமும் (திறமைக்கு ஏற்றார்போல் நாள் ஒன்றுக்கு ஆயிரம் வரை கிடைக்கும். அதில் இன்ஸ்டல்மென்ட்+பெட்ரோல் செலவு போக 2000 ரூ..வாது கிடைக்கும். ராகுல் ஜீ அந்த இன்வெஸ்ட்மென்ட் பற்றி சொல்லி இருப்பார்

  • Mani . V - Singapore,சிங்கப்பூர்

    "சும்மா லட்சம் பேர்களுக்கு, கோடி பேர்களுக்கு வேலை வழங்கினோம் என்று பொய் மூட்டையை அவிழ்த்து விடும். யார் செக் பண்ண போகிறார்கள்? நாம் என்ன சொன்னாலும் நம்பும் முட்டாள் கூட்டம்".

    • Sridhar - Jakarta,இந்தோனேசியா

      எங்கும் சந்தேகம், எதிலும் சந்தேகம்?? அப்போ, வேலையில்லா திண்டாட்டம் அதிகரித்துவிட்டதுன்னு சொல்றதும் பொய் மூட்டையை அவிழ்த்துவிட்டதா?

  • சந்தோசு கோபு - Vellore,இந்தியா

    பிரதமர் அவர்களே.. அப்போ.. ஆண்டுக்கு 2 கோடி பேருக்கு வேலை தருவோம்னு சொன்னது, சும்மா வாயில வடை சுடுவீங்கன்னு சொல்றாங்களே அதுக்காகவா? ஆங்.. வடைன்னதும் தான் ஞாபகம் வருது.. இந்த 3.79 லட்சம் பேருல பக்கோடா கடை வச்சவங்களும் அடக்கமா?

    • ஆரூர் ரங் - சென்னை ,இந்தியா

      மூக்குக்கண்ணாடி பவரை மாற்றிவிட்டுப் படியுங்கள்.இந்த 3.79 லட்சம் பேரும் மத்திய அரசு வேலைபெற்றவர்கள் .அதிலும் நேரடி அதாவது வருமானவரி ஏய்ப்பைத் தடுக்க மட்டும் கூடுதலாக, 30 ஆயிரம் பேருக்கு வேலை வாய்ப்பு அளிக்கப்பட்டுள்ளது.. வரிஏய்ப்பு தடுப்பு என்பது உங்களுக்கு பாகற்காயாகிற்றே . உங்கள் வாக்குவங்கியே கடத்தல் ஹவாலா இனம் தானோ?

    • masthan sombu - korukku pettai ,இந்தியா

      வேலை பெற்றவர்களில் பிஜேபி சொம்புகளை தவிர சாதாரண மக்கள் ஒரு ஆயிரம் பேரை சொல்லு.. நாங்க உண்மையா என்று பார்க்கிறோம்.. எதாவது செய்தி வந்தால் கேனத்தனமான உளறுவதே சொம்புகள் வேலையோ..

    • சந்தோசு கோபு - Vellore,இந்தியா

      . //... வரிஏய்ப்பு தடுப்பு என்பது உங்களுக்கு பாகற்காயாகிற்றே..// இப்படி வெட்டியா வியாக்கியானம் பேசுறதுக்கு பதிலா 2 கோடி பேருக்கு கணக்கு சொல்லி இருக்கலாம்.

  • blocked user - blocked,மயோட்

    பலர் அரைத்த மாவையே அரைத்தால் போதும் என்று நினைக்கின்றனர்... அவர்கள் திருந்தாதவரை வேலைகளுக்கு பஞ்சம் இருக்கத்தான் செய்யும்... திறன்களை மேம்படுத்திக்கொள்வது அவசியம்...

கருத்தைப் பதிவு செய்ய

Advertisement