Advertisement

கோடநாடு விவகாரத்தில் தொடர்பில்லை: முதல்வர்

சென்னை: கோடநாடு கொள்ளை சம்பவம் குறித்த விவகாரத்தில் எனக்கு தொடர்பில்லை எனக் கூறிய முதல்வர் பழனிசாமி, இதன் பின்னணியில் உள்ளவர்கள் கண்டறியப்பட்டு நடவடிக்கை எடுக்கப்படும் எனக்கூறினார்.

அரசியல் பின்புலம்





முதல்வர் பழனிசாமி நிருபர்களிடம் கூறியதாவது: கோடநாடு விவகாரம் குறித்து தெஹல்கா முன்னாள் ஆசிரியர் நேற்று (ஜன.,11) வீடியோ ஒன்றை வெளியிட்டார். கோடநாட்டில், 2017 ஏப்.,24 ல் நடந்த சம்பவத்தில் என்னை சம்பந்தப்படுத்தி செய்தி வெளியிட்டுள்ளார். இது உண்மைக்கு மாறானது.

செய்தி வெளியிட்டவர்கள் மீதும், பின்புலத்தில் உள்ளவர்கள் மீதும் கடும் நடவடிக்கை எடுக்கப்படும். இது தொடர்பாக நேற்றே சென்னை போலீசில் புகார் அளிக்கப்பட்டுள்ளது. போலீசார் சட்டப்படி நடவடிக்கை எடுப்பார்கள். வீடியோ வெளியீட்டில் அரசியல் பின்புலம் உள்ளது.

திசை திருப்ப முயற்சி




கொடநாடு சம்பவத்தில் தொடர்புடைய குற்றவாளிகள் கைது செய்யப்பட்டு கோர்ட்டில் விசாரணை நடந்து வருகிறது. 22 முறை கோர்ட் சென்றவர்கள் அப்போது ஒன்றும் சொல்லாமல், தற்போது புதிதாக சொல்லி விசாரணை திசைதிருப்ப பார்க்கின்றனர். வரும் 2ம் தேதி வழக்கு விசாரணைக்கு வர உள்ளது. இந்த விவகாரத்தில் பின்னணியில் உள்ளவர்கள் கண்டுபிடிக்கப்படுவர். குற்றவாளிகள் மீது பல்வேறு புகார்கள் உள்ளன. போஸ்கோ, சீட்டிங், திருட்டு, கூலிப்படை உள்ளிட்ட பல்வேறு வழக்குகள் பதிவு செய்யப்பட்டுள்ளன.

கண்டனம்





ஜெயலலிதா, கட்சி நிர்வாகிகளிடம் ஆவணங்களை பெற்று கோடநாட்டில் வைத்திருந்ததாகவும், அதனை எடுக்க அவர்கள் சென்றதாகவும் வீடியோவில் கூறப்பட்டுள்ளது. ஜெ., எந்த நிர்வாகிகளிடம் ஆவணத்தை பெற்றது கிடையாது. அவருக்கு களங்கம் விளைவிக்கும் வகையில் செய்தி வெளியிட்டது கண்டிக்கத்தக்கது.

தொடர்ந்து வழக்கு





திமுக ஏதாவது வழக்கு தொடரந்து கொண்டு உள்ளது. முதலில் ஒப்பந்த முறைகேடு என என் மீது வழக்கு தொடர்ந்தனர். இந்த வழக்கு சுப்ரீம் கோர்ட்டில் நிலுவையில் உள்ளது.

தை பொங்கலை சிறப்பாக கொண்டாட பரிசு திட்டத்தை அறிவித்தது. ஸ்டாலின், அவரது கட்சியை சேர்ந்தவரை விட்டு வழக்கு தொடர வைத்தார். தமிழகத்தில் தொழில்வளம் பெருக நடக்க உள்ள தொழில் மாநாட்டை தடை செய்யும் வகையில் வழக்கு தொடர்ந்துள்ளனர். இந்த நிகழ்ச்சிக்கு பின்னர் யார் யார் இருப்பார்கள் என்பதை கண்டறிந்து உலகிற்கு வெளிச்சம் போட்டு காட்டி சம்பந்தபட்டவர்கள் மீது நடவடிக்கை எடுக்கப்படும்.

நாடகம்



உள்ளாட்சி தேர்தல், அதிமுக அரசு ரத்து செய்தது என்ற குற்றச்சாட்டை எல்லா பகுதிகளிலும், மீடியாக்களிலும் தெரிவிக்கிறார்கள். திமுக நடத்தும் ஊராட்சி சபை கூட்டத்திலும் தெரிவிக்கிறார்கள்.ஜெயலலிதா இருந்த போதே உள்ளாட்சி தேர்தல் நடத்த ஏற்பாடு செய்யப்பட்டன. அப்போது, வழக்கு போட்டு, தேர்தலை ரத்து செய்தவர்கள் திமுகவினர்.

ஸ்டாலின், துணை முதல்வர், உள்ளாட்சி துறை அமைச்சராக இருந்தார். அப்போது எல்லாம், மக்களின் குறைகளை நிவர்த்தி செய்ய தவறிவிட்டார். அமைச்சராக இருந்த போது தவறவிட்டுவிட்டு, தற்போது கிராமம் கிராமமாக சென்று மின்சாரம் வரவில்லை. குடிநீர் வரவில்லை என புகார் சொல்கிறார். ஊராட்சி சபை பெயரில் திமுக நடத்துவது நாடகம்.

அரசியலில் நேரடியாக எதிர்கொள்ள முடியாதவர்கள் குறுக்கு வழியை கையாள்கிறார்கள். அவர்களால் அதிமுக அரசை கவிழ்க்க முடியாது எனக்கூறினார்.

வழக்குப்பதிவு




இதனிடையே, கோடநாடு குறித்த வீடியோ வெளியிட்ட தெஹல்கா முன்னாள் ஆசிரியர் மேத்யூஸ், பேட்டி கொடுத்த சயன் மனோஜ் மீது சென்னை சைபர் பிரிவு போலீசார் வழக்குப்பதிவு செய்து உள்ளனர்.

Download for free from the Store »

Advertisement
 

வாசகர் கருத்து (25)

  • ருத்ரா -

    நீதி மன்றம் ஜெ அவர்களின் சொத்துக்கள் விவரம் தானே கேட்டது. ஒவ்வொரு சொத்துமே விவகாரமாக போவது ஏன்? பலரும் யாரையாவது கைகாட்டுவதை பார்த்தால் முதல்வர் பதவிக்காக சிலரும் தன் நட்பு குடும்பத்தை காப்பாற்ற சிலரும் அவசரப் படுவது ஏன். தப்பு செய்தவர் தப்பக்கூடாது.

  • rajan. - kerala,இந்தியா

    ஏம்பா இத்தனை கொலைபாதக செயல் புரிந்தவர்கள் உலாத்திக்கிட்டு இருக்கிற இடத்தை போயி எல்லாவனும் கோரசாய் தமிழகம் அமைதி பூங்கா என கூப்பாடு போடுறீங்களே. எப்படி சாமி இதெல்லாம் உங்களாலே முடியுது.

  • karutthu - nainital,இந்தியா

    ஜெயலலிதா இருந்த போதே உள்ளாட்சி தேர்தல் நடத்த ஏற்பாடு செய்யப்பட்டன. அப்போது, வழக்கு போட்டு, தேர்தலை ரத்து செய்தவர்கள் திமுகவினர் தான் என முதல்வர் சொல்வது தான் உண்மை .

  • Subramania Bhattar - madurai,இந்தியா

    அய்யா ஸ்டாலின் அவர்களே சாதிக்குபாட்சா ,ரமேஷ் அப்படீர்னு சொல்றாங்களே அவங்க யாருன்னு தங்களுக்கு தெரிந்தா சொல்லுங்களேன்

  • Devanand Louis - Bangalore,இந்தியா

    இது ஸ்டாலினின் தூண்டுதலாகஇருக்கும் ,ஸ்டாலினை விசாரணைக்கு அழைக்கவேண்டும் அப்படியே ஸ்டாலினடம் அண்ணாநகர் ரமேஷ் & சாதிபாட்சா கொலைகள் மற்றும் கணக்கிலவராத கொலைகளை ஸ்டாலினடம் விசாரித்தால் பலவித உண்மைகள் வெளியில்வரும்

Advertisement