Advertisement

பா.ஜ.,வுடன் கூட்டணியா: ஸ்டாலின் மறுப்பு

சென்னை : பா.ஜ.,வுடன் திமுக ஒரு போதும் கூட்டணி வைக்காது என திமுக தலைவர் ஸ்டாலின் திட்டவட்டமாக தெரிவித்துள்ளார்.


நேற்று தமிழக பா.ஜ., நிர்வாகிகளுடன் தேர்தல் குறித்து ஆலோசனை நடத்திய பிரதமர் மோடி, தமிழகத்தில் பழைய நண்பர்களுக்காக பா.ஜ.,வின் கூட்டணி கதவு எப்போதும் திறந்திருக்கும் என தெரிவித்தார். பிரதமர் மோடியின் இந்த அழைப்பிற்கு திமுக தலைவர் ஸ்டாலின் இன்று வெளியிட்டுள்ள அறிக்கை ஒன்றில் பதிலளித்துள்ளார்.

கூட்டணி இல்லை:



அதில் அவர், பா.ஜ.,வுடன் ஒரு போதும் கூட்டணி இல்லை. குறைந்தபட்ச செயல்திறன் அடிப்படையிலேயே பா.ஜ.,வுடன் கருணாநிதி கூட்டணி வைத்திருந்தார். மதவாத குரல்கள் எழுந்ததும் பா.ஜ., கூட்டணியில் இருந்து திமுக உடனடியாக வெளியேறியது.

மோடி தலைமையிலான பா.ஜ., ஆட்சியில் தமிழகம் உரிமைகள் அதிகம் பறிக்கப்பட்டுள்ளன. முன்னாள் பிரதமர் வாஜ்பாயுடன் மோடி தன்னை ஒப்பிட்டுக் கொள்வது வேடிக்கையாக உள்ளது. இது அவரின் வழக்கமான தேர்தல் பிரசார யுத்தி. பா.ஜ.,வின் அழைப்பை திமுக ஒருபோதும் ஏற்காது. இவ்வாறு அவர் குறிப்பிட்டுள்ளார்.

Download for free from the Store »

Advertisement
 

வாசகர் கருத்து (66)

  • kandasamy sundaresan - bangalore ,இந்தியா

    குடும்ப கட்சியுடன் அதுவும் தி.மு.க. என்ற சர்வ வல்லமையுடைய ஒரு ஊழல் கட்சியுடன் பீ.ஜெ.பி. சேர அதனுடைய அடிமட்ட தொண்டர்கள் அனுமதிக்க மாட்டார்கள். இப்போது உள்ள தி.மு.க வை - கடவுளால் கூட திருத்த முடியா கட்சி ஆகி விட்டது. "துஷ்டரை கண்டால் தூர விலக வேண்டும் " என்பது அடிப்படை தொண்டர்களின் கருத்து.

  • Raghul Smart - mos,ரஷ்யா

    சுடலை மற்றும் கனி , அண்னன் அழகிரியை கட்சியில் சேர்க்காத சமுக நீதி அரசர்கள் .

  • Nisha Rathi - madurai,இந்தியா

    பிஜேபி ஒருபோதும் உன்னுடன் கூட்டணி வைக்காது அப்படி வைத்துக்கொண்டால் தற்கொலைகள் பல நிகழும்

  • Pugazh V - Coimbatore / Cochin,இந்தியா

    எந்தவித ஆதாரங்களும் இல்லாமல் ஊழல் திமுக என்று வாழ்க்கை பூரா அனத்திண்டே இருங்கோ... ஒரு திமுக தலைவரையும் சட்டத்தினால் தொட முடியாது. ஏனென்றால் எல்லாமே பொய் குற்றச்சாட்டுகள் தாம். "விஞ்ஞான ஊழல்" னு எழுதிக்கோங்கோ.

  • D.RAMIAH - RAIPUR,இந்தியா

    பாராளுமன்ற தேர்தலுக்கு பிறகு திமுக அல்லது அதிமுகவுடன் பி ஜெ பி கூட்டணி நிச்சயம் வாழ்க பி ஜெ பி

Advertisement