Advertisement

ராஜஸ்தான் காங்.,முதல்வர் வேட்பாளர் யார் ?

புதுடில்லி: ராஜஸ்தானில், டிச. 7ம் தேதி சட்டசபை தேர்தல் நடக்க உள்ளது. காங்கிரஸ் மற்றும் பா.ஜ., தீவிர பிரசாரத்தில் ஈடுபட்டுள்ளன. காங்., வெற்றி பெற்றால், முதல்வர் பதவியில் அமர முன்னாள் முதல்வர் அசோக் கெலாட் மற்றும் ராகுலின் நம்பிக்கைக்கு உரியவராக கருதப்படும் சச்சின் பைலட் ஆகியோர் இடையே போட்டி நிலவுகிறது.

இந்த தேர்தலில் முதல்வர் வேட்பாளரை அறிவிக்காமலேயே தேர்தலை சந்திக்க காங்., திட்டமிட்டு வந்தது. இதன் மூலம் கட்சி ஒன்றாக இருக்கும். யாரும் எதிர்த்து பிரசாரம் மேற்கொள்ள மாட்டார்கள். இரு தலைவர்களின் ஆதரவாளர்களும் இணைந்து செயல்படுவார்கள் என மேலிடம் கருதியது.

ஆனால், இந்த திட்டத்தில் மாற்றம் செய்து, சச்சின் பைலட்டை முதல்வர் வேட்பாளராக அறிவிக்க ராகுல் திட்டமிட்டு உள்ளதாக தெரிகிறது. இது அவரின் தேர்தல் பிரசாரம் மற்றும் பேரணியின் போது தெரிந்தது. அவர் பேசும் போது, முந்தைய காங்கிரஸ் ஆட்சியின் போது, மக்கள் மற்றும் தொண்டர்களின் குரல்களை கேட்கவில்லை. அடுத்த முறை அவ்வாறு நிகழாது என்றார்.

கடந்த 1998 முதல் 2003, 2008 முதல் 2013 வரை காங்கிரஸ் ஆட்சியின் போது அசோக் கெலாட் முதல்வராக இருந்தார். ராகுலின் பேச்சு மூலம், அக்கட்சி மாநிலத்தில் ,புதிய தலைமை மற்றும் நிர்வாகத்தை நோக்கி நகர்வதையே காட்டுவதாக அரசியல் நிபுணர்கள் தெரிவித்து உள்ளனர்.பைலட்டை முதல்வராக்க மேலும் இரண்டு காரணங்கள் உள்ளன. முதலாவது, தேர்தல் தொடர்பாக வரும் கருத்து கணிப்புகள் அனைத்தும் காங்., அதிக இடங்களில் பெறும் என்று கூறுகின்றன.

இரண்டாவது, மாநிலத்தில் பிரபலமான தலைவராக சச்சின் பைலட் உருவெடுத்துள்ளார். இவருக்கு மக்களிடம் அதிக செல்வாக்கு உள்ளதாக கருத்து கணிப்புகள் தெரிவித்து உள்ளன. இதனால், அவரை முதல்வர் வேட்பாளராக அறிவிக்க காங்கிரஸ் திட்டமிட்டு உள்ளது.

Download for free from the Store »

" "
Advertisement
 

வாசகர் கருத்து (14)

  • பொன் வண்ணன் - chennai,இந்தியா

    தறி கெட்டு ஓடி கொண்டிருக்கும் ராஜஸ்தான் அரசாங்கத்தை சரியான திசையில் செலுத்த நல்ல "பைலட்"தான் தேவை. .

  • Srinivasan Kannaiya - muscat ,ஓமன்

    இளைமைக்கும் முதுமைக்கு போட்டியா...

  • Ambika. K - bangalore,இந்தியா

    முக்கந்தமைந்தனும் முக்கி முக்கி கருத்து பதிகிறார். இந்தியா உருப்படாமல் போக நினைக்கிறார் pola. வாழ்த்துக்கள்

  • K. Shanmugasundararaj - Tirunelveli,இந்தியா

    அசோக் கெலாட் ஒன்னும் செய்யவில்லை. பி ஜெ பி , ஆர் எஸ் எஸ் க்கு மக்கள் செல்வாக்கு இல்லை என்பது நிரூபணம் ஆகிக்கொண்டு வருகின்றது.

  • Muruga Vel - Dallas TX,யூ.எஸ்.ஏ

    பரூக் அப்துல்லாவின் மாப்பிள்ளை இந்த சச்சின் பைலட் ...

" "
Advertisement