Advertisement

பணத்தட்டுப்பாடு தற்காலிகமே: ஜெட்லி விளக்கம்

புதுடில்லி: பல மாநிலங்களில் ஏற்பட்டுள்ள பணத்தட்டுப்பாடு தற்காலிகமானது எனவும், இந்த பிரச்னை விரைவில் சரி செய்யப்படும் என மத்திய நிதியமைச்சர் அருண் ஜெட்லி கூறியுள்ளார்.


தெலுங்கானா, உ.பி., டில்லி, மத்திய பிரதேசம், தெலுங்கானா உள்ளிட்ட பல மாநிலங்களில் ஏடிஎம்களில் பணம் இல்லாமல் மூடப்பட்டுள்ளன. இதனால், பணம் எடுக்க முடியாமல் அவதிப்படுவதாக மக்கள் புகார் கூறியுள்ளனர்.

ஆலோசனை



இது தொடர்பாக நிதியமைச்சர் அருண் ஜெட்லி கூறியதாவது: பணத்தட்டுப்பாடு தொடர்பாக தற்போதைய சூழ்நிலை குறித்து ஆலோசனை செய்யப்பட்டது. போதிய அளவில் பணம் புழக்கத்தில் விடப்பட்டுள்ளது. வங்கிகளிடம் கையிருப்பில் உள்ளது. திடீரென மற்றும் வழக்கத்திற்கு மாறான பணதேவை காரணமாக தற்காலிகமான பணத்தட்டுப்பாடு ஏற்பட்டுள்ளது. இது விரைவில் சரி செய்யப்படும் என்றார்.

மத்திய அரசு உறுதி



பொருளாதார விவகார அமைச்சகம் சார்பில் வெளியிடப்பட்ட அறிக்கையில், தேவைக்கு ஏற்ப பண விநியோகம்செய்யப்பட்டு வருகிறது என்பதை மத்திய அரசு உறுதி செய்யும். வரும் காலங்களில் தேவை அதிகரித்தலுக்கு ஏற்றவாறு பணம் விநியோகம் செய்யப்படும். ஏடிஎம்களில் தேவையான அளவு பணம் கிடைக்கவும், செயல்படாமல் உள்ள ஏடிஎம்கள் வழக்கமான நிலைக்கு திரும்பவும் தேவையான நடவடிக்கை எடுக்கப்பட்டு வருகிறது. இவ்வாறு அதில் கூறப்பட்டுள்ளது.

தட்டுப்பாடு இல்லை



பணத்தட்டுப்பாடு தொடர்பாக ஸ்டேட் வங்கி தலைவர் ரஜ்னிஷ் குமார் கூறுகையில், விவசாயிகளின் பொருட்கள் கொள்முதல் செய்யப்படும் காலம் வந்துள்ளதால், அவர்களுக்கு பணம் கொடுக்க வேண்டியுள்ளதால் ஏடிஎம்களில் பணம் இல்லை. ஸ்டேட் வங்கி கவலைப்பட்டது போல்,மும்பையில் பணத்தட்டுப்பாடு ஏதுமில்லை என்றார்.

Download for free from the Store »

Advertisement
 

வாசகர் கருத்து (74)

  • Jaya Prakash - Medan,இந்தோனேசியா

    ' திடீரென மற்றும் வழக்கத்திற்கு மாறான பணதேவை காரணமாக தற்காலிகமான பணத்தட்டுப்பாடு ஏற்பட்டுள்ளது '... ஏன்யா நீ எல்லாம் ஒரு நிதி அமைச்சர்... ATM யில் பணம் எடுக்க ஒரு நாளைக்கு இவ்வளவுதான் என்று கட்டுப்பாடு உண்டு... அப்போ அந்த லிமிட்டை அமைச்சதும் அரசு... அதை மீறி எவனும் எடுக்க முடியாது... அப்போ எங்கே இருந்து வந்தது இந்த அளவுக்கு பணத்தட்டுப்பாடு?

  • Sanny - sydney,ஆஸ்திரேலியா

    ஐயா உங்க நாட்டில பணம் தட்டுப்பாடும், நம்ம நாட்டில பணத்தை கண்ணால பார்க்கமுடியலே, சம்பளம் வந்ததும், UTILITY பில் , வீட்டு வாடகை அல்லது mortgage , காருக்கு full tank petrol , மளிகை சாமான், இன்சூரன்ஸ், பிள்ளைகள் செலவு எல்லாத்துக்கும் கார்ட் உரசி, உரசி போக வீடுவந்து net இல் bank balance பார்த்தல், இரட்டை இலக்கத்தில் இருக்கும். இதே இந்திய சாதாரண மக்களின் வாழ்வைப்பார்த்தால் அதைவிட கொடுமை சார், உழைக்கும் பணத்தையாவது தட்டுப்பாடு இல்லாமல் கொடுத்துடுங்க சார்.

  • POLLACHI JEAYASELVAN sanjose USA - SANJOSE,யூ.எஸ்.ஏ

    இந்த ஆட்சியில் எல்லாமே தற்காலிகமானதுதான்....நடந்து கொண்டிருக்கும் ஆட்சி உட்பட ?.

  • Pugazh V - Coimbatore / Cochin,இந்தியா

    தட்டுப்பாடே இல்லை என்று சில காவிகள் இதே பேப்பரில் வேற பகுதியில் எழுதி நிதி அமைச்சர் முகத்தில் கரி பூசியிருக்கிறார்களே

  • rsudarsan lic - mumbai,இந்தியா

    எங்கே அந்த சாமி? குவார்ட்டருக்கு ஒரு தரம் முத்துதிர்ப்பாரே

Advertisement