Advertisement

சின்னத்திரையில் மின்னும் பைங்கிளி

வில்லெடுத்த 'வில்லி'; மவுனம் காத்த 'மலர்'. அவர் நடிப்பில் நிலவு. அவள் விழி படபடப்பின் முன்னே அன்னமும் சிறகடிக்கும். 'டிவி' சீரியல் ரசிகைகளை கிறங்க வைக்கும் இன்பநாயகி கிருத்திகா, நம்முடன் அவர் பேசியதில் இருந்து...* பிறந்தது, வளர்ந்தது, படித்தது...?எல்லாமே சென்னையில் தான். எம்.பி.ஏ., முடித்து, ஆறு வருஷம் 'ஷிப்பிங்' கம்பெனியில் எச்.ஆர்., ஆக பணியாற்றினேன்.* பிறகு எப்படி நடிப்பில்...?சின்ன வயசுலயே அம்மா கனகவல்லியைப் பார்த்து கலைத் துறையில் ஆர்வம் வந்துச்சு. வீட்டுக்கு நான் ஒரே பொண்ணு. உடனே நடிப்புக்கு ஓ.கே.,ன்னுட்டாங்க.* நடிக்க வாய்ப்பு எப்படி?'டிவி' சீரியலில் நடிக்க வர்றதுக்கு முன்னாடி, 'டிவி' சேனலில் தொகுப்பாளரா இருந்தேன். அதுவும் 'பார்ட் டைம்' தான். அப்புறம் இயக்குனர் திருமுருகன் சார், 'தேன் நிலவு' சீரியலில் என்னை அறிமுகப்படுத்தினார்.* பிறகு வந்த சீரியல்கள்...?பொன்னூஞ்சல், வாணி ராணி, கல்யாண பரிசு, ஆண்டாள் அழகர் என தொடர்ச்சியா நிறைய நடித்தேன்.* சீரியலில் ஓ.கே., நிஜத்தில் எப்படி...?நிஜத்தில்... குடும்ப பெண் கேரக்டர் தான். எப்பவுமே எதுக்கும் கவலைப்படாத, ஜாலியான ஆளு நான். என்ன சுத்தி இருக்கிறவங்கிட்ட கலகலன்னு பேசி சிரிச்சுட்டே இருப்பேன். * எதிர்பார்க்கும் கேரக்டர்?முழுசா ஒரு லவ் ஸ்டோரி படம் பண்ணனும்னு ஆசை. அந்த மாதிரி சீரியல் வாய்ப்புக்காக நடிக்க காத்திருக்கிறேன்.* பிடித்தது சீரியலா? சினிமாவா?ரெண்டுமே எனக்கு பிடிக்கும். வாய்ப்பு எங்கு கிடைத்தாலும் அதைப் பயன்படுத்திட்டு கலைத்துறையில் சாதிப்பேன்.* உங்களுக்கு ரோல்மாடல்?சரண்யா. அவங்க எந்த கேரக்டர் கொடுத்தாலும் அசத்துவாங்க.* நடித்ததில் உங்களுக்கு பிடித்த கேரக்டர்?குடும்ப பெண், வில்லி மக்கள் மத்தியில் * உங்களுக்கான ரெஸ்பான்ஸ்?என்னைக்காட்டிலும் நான் நடிச்ச கேரக்டருக்கு தான் நல்ல 'ரெஸ்பான்ஸ்' கிடைத்தது.* 'டிவி' சீரியலை அடுத்து சினிமாவா?'சென்னை 28' பார்ட்- 2, சிவகார்த்திகேயனோட 'ரெமோ' படத்திலும் நடிக்கிறேன்.* சினிமாவில் யாரோட நடிக்க ஆசை?உலக நாயகன் கமல், சூப்பர் ஸ்டார் ரஜினி, சிவகார்த்திகேயன் என்று லிஸ்ட் பெருசா இருக்கு.

Download for free from the Store »

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement