Advertisement

மதுரை தமிழும் அமெரிக்க ஆங்கிலமும்

மதுரையில் பிறந்ததால் திருக்குறள் கதைகளும், அமெரிக்காவில் படிப்பதால் ஆங்கில கவிதைகளுமாக புத்தகம் வெளியிட்டு அசத்துகிறார், ஒன்பது வயது சுட்டிப் பையன் எல்.கேசவ். அமெரிக்காவின் கலிபோர்னியாவில் பையானா விஸ்தா என்ற ஆரம்ப பள்ளியில் மூன்றாம் வகுப்பு படிக்கிறார். பிறந்தது மதுரை டி.வி.எஸ்., நகர். பெற்றோர் லட்சுமி நாராயணன் (சாப்ட்வேர் இன்ஜினியர்), இந்திரா. ஆங்கில கவிதைகள் மீது ஆர்வம் இருந்ததால் ஒன்றாம் வகுப்பிலேயே 'மை பர்ஸ்ட் புக் ஆப் போயம்ஸ்' என்ற தலைப்பில் கவிதை புத்தகம் வெளியிட்டார். திருக்குறளை அடிப்படையாக கொண்டு 'த புல்லி' என்ற நீதிக்கதைகள் மற்றும் கற்பனை கதை புத்தகங்களையும் எழுதியுள்ளார். ஆங்கில கவிதை புத்தகம் மட்டும் 'காப்பி ரைட்' பெறப்பட்டு அமேசானில் 'இ-புக்' ஆக வெளியானது. எழுத்து குறித்து கேசவ் கூறியதாவது: ஆசிரியர், பெற்றோர் தந்த ஊக்கத்தால் கவிதை எழுதுகிறேன். வகுப்பறையில் மாணவர்களிடம் ஏற்படும் கேலி, கிண்டலை கவனித்தேன். கேலி, கிண்டல் செய்யும்போது, கோபத்தை காட்டாமல் நல்லது செய்வதின் மூலம் அவர்களை வெட்கப்பட வைக்க வேண்டும் என்ற கருத்தை இரண்டு புத்தகங்களில் எழுதினேன். இப்புத்தகங்கள் அமெரிக்காவில் அரசு பொது நூலகத்திலும் இடம் பெற்றுள்ளது. சரளமாக ஆங்கிலத்தில் பேசினாலும், குறைந்தது ௨௦ திருக்குறளை தமிழில் சொல்வதே ஆனந்தம். அர்ஜெண்டினா, தென் அமெரிக்கா, பிரேசில் உட்பட வெளிநாட்டு டாலர்களை காயின்களையும் சேகரிப்பது எனது பொழுதுபோக்கு. எழுத்தாளனாக வேண்டும் என்பது தான் எதிர்கால ஆசையாக உள்ளது என்று மழலையாய் சிரித்தார் கேசவ்.
இவரை வாழ்த்த slakshminyahoo.com

Download for free from the Store »

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement