Advertisement

ஏழைகளுக்கு உதவும் துணை நடிகை!

Share

ஊரடங்கால் ஏற்பட்ட சோகத்தை, 'வாட்ஸ் ஆப் ஸ்டேட்டஸ்' போட்டு, அனுதாபம் வாங்குபவர்கள் மத்தியில், அதே, 'ஸ்டேட்டஸ்' மூலம், பலருக்கு உதவி செய்து வருகிறார், துணை நடிகை தீபா.

இது குறித்து, தீபா கூறியதாவது:ஊரடங்கால், பால் கூட வாங்க முடியாமல், வீட்டில், ஒருவரை ஒருவர் முகம் பார்த்து, நாட்களை நகர்த்தி வந்த குடும்பத்தினர் குறித்து, என், 'வாட்ஸ் ஆப் ஸ்டேட்டசில்' பதிவு செய்து, உதவி கோரினேன்.மலேஷியாவை சேர்ந்த சரசு பெருமாள் என்பவர், அதை பார்த்து, எனக்கு பணம் அனுப்பினார். வேலை பார்த்தபடியே, கைவினைப் பொருள் செய்யும் அவர், 'ஐயம் இட்டு உண்' என்பதை பின்பற்றுபவர்.சொந்த தொழிலில் கிடைத்த லாபத்தை, அப்படியே எனக்கு அனுப்பினார். நான், அதை ஊரடங்கால் பாதிக்கப்பட்டவர்களுக்கு, உணவாகவும், பணமாகவும் வழங்கி வருகிறேன்.


இதுவரை, 250 பேருக்கு உணவும், 123 பேருக்கு, தலா, 5 கிலோ அரிசியும் வழங்கிஉள்ளேன். சமீபத்தில், பிறவியிலேயே பார்வை குறைபாடு ஏற்பட்டு, மருந்து வாங்க கூட காசில்லாமல், கஷ்டப்பட்ட சிறுவனுக்கு, தேவையான பண உதவியை, மற்றவர்களிடமிருந்து பெற்று கொடுத்தேன். நயன்தாராவின் ஐரா, தனுஷின் கர்ணன் படத்தில் நடித்துள்ளேன்.சமீபத்தில், 'இருட்டினில் நீதி மறையட்டுமே' என்ற குறும்படத்தில் நடித்தேன்; பலரும் பாராட்டினர்.இவ்வாறு, அவர் கூறினார்.

Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.
Advertisement
 

வாசகர் கருத்து (1)

  • gkrishna - chennai,இந்தியா

    இந்த நடிகை அவர்களின் தொடர்பு ஏன் இருந்தால் தெரிவிக்கவும்

கருத்தைப் பதிவு செய்ய

Advertisement