Advertisement

உணர்ச்சி பெருக்கில் பிக்பாஸ் வீடு

சென்னை: பிக்பாஸ் வீட்டில் இந்தவாரம் முழுக்க உணர்ச்சி பெருக்காக இருக்க போகிறது. போட்டியாளர்களின் உறவினர் ஒவ்வொருவராக வருகின்றனர். முதலாவதாக முகேனின் அம்மா மற்றும் அவரது சகோதரி வந்து சென்றுள்ளார்.

பிக்பாஸ் நிகழ்ச்சியில் நேற்று பிரீசிங் டாஸ்க் கொடுக்கப்பட்டது. அனைவரையும் பிரீஸ் செய்த பிக்பாஸ், அந்த நேரம் பார்த்து முகெனின் அம்மாவை மெயின் டோர் வழியாக உள்ளே அனுப்பினார். அம்மாவை பார்த்த முகென், டாஸ்க்கை மறந்து ஓடி சென்று தாயை கட்டி அனைத்துக்கொண்டார்.

பிறகு சந்தோஷத்தில் அவரை தூக்கி சுற்றினார். இதை பார்த்து மற்ற ஹவுஸ்மேட்ஸ் கண்கலங்கினர். ரகசிய அறையில் இருந்த சேரனும் இந்த காட்சியை பார்த்து கண்கலங்கினார்.

சிறிது நேரத்தில் கன்பெஷன் அறை வழியாக முகெனின் தங்கை பிக்பாஸ் வீட்டிற்கு வந்தார். அவரை பார்த்ததும் முகென் இன்னும் குஷியாகிவிட்டார். அவரை தனது தோளில் தூக்கி வைத்து கொண்டாடினார் முகென்.

அம்மா மற்றும் தங்கையுடன் சிறிது நேரம் முகென் உரையாற்றினார். பிக்பாஸ் வீட்டை அவர்களுக்கு சுற்றி காண்பித்தார். ஸ்டார் பேட்ஜ் ஒன்றை தங்கைக்கு அணிவித்தார் முகென். பிறகு இருவரும் கண்ணீர் மல்க விடை பெற்றுக்கொண்டனர். இதனால் பிக் பாஸ் வீடே உணர்ச்சிப் பெருக்கில் மிதந்தது.

75 நாட்களுக்குப் பின் தனது குடும்ப உறுப்பினர்களைப் பார்த்த சந்தோசத்தில் இருந்தார் முகென். மற்ற போட்டியாளர்கள் முகென் குடும்பத்தைப் பார்த்து, தங்களது குடும்பத்தையே பார்த்தவாறு மகிழ்ச்சி அடைந்தனர்.

அடுத்ததாக தங்களது வீட்டில் இருந்து யார் வரப் போகிறார்கள் என்ற எதிர்பார்ப்பும் அவர்களது பேச்சில் காணப்பட்டது. இந்நிலையில் இன்று(செப்.,11) வெளியான மற்றொரு புரொமோவில் லாஸ்லியாவின் தந்தை உள்ளே வருகிறார். லாஸ்லியா தன் தந்தை பார்த்தே 10 ஆண்டுகளாகிவிட்டதாக கூறியிருந்தார். அவரின் வருகையை பார்த்து கண்ணீர் விட்டு கதறி அழுதார் லாஸ்லியா. மேலும் பிக்பாஸில் தனது அப்பாவாக கருதும் சேரனும் மீண்டும் உள்ளே சென்றுள்ளார். இதனால் இந்தவாரம் முழுக்க உணர்வுப்பூர்வமான காட்சிகள் இருக்கும் என தெரிகிறது.

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement