Load Image
dinamalar telegram
Advertisement

'அனிமல்' முதல் நாள் வசூல் ரூ.116 கோடி என அறிவிப்பு

'அனிமல்' முதல் நாள் வசூல் ரூ.116 கோடி என அறிவிப்பு Entertainment பொழுதுபோக்கு

சந்தீப் ரெட்டி வங்கா இயக்கத்தில், ரன்பீர் கபூர், ராஷ்மிகா மந்தனா மற்றும் பலர் நடிப்பில் நேற்று பான் இந்தியா படமாக வெளியான ஹிந்திப் படம் 'அனிமல்'. இப்படத்திற்கு ஹிந்தி ரசிகர்களிடம் நல்ல வரவேற்பு கிடைத்துள்ளது. நேற்று படம் வெளியான முதல் நாளில் மட்டும் ரூ.116 கோடி வசூலித்துள்ளதாக படக்குழுவினர் அதிகாரப்பூர்வமாக அறிவித்துள்ளனர்.

இந்த ஆண்டில் முதல் நாளிலேயே 100 கோடி வசூலைக் கடந்த 5வது படமாக 'அனிமல்' படம் அமைந்துள்ளது. 2023ம் ஆண்டைப் பொறுத்தவரையில் முதல் நாள் வசூலில் 148 கோடி வசூலித்து தமிழ்ப் படமான 'லியோ' முதலிடத்திலும், 140 கோடி வசூலித்து 'ஆதிபுருஷ்' 2வது இடத்திலும், 129 கோடி வசூலித்து 'ஜவான்' 3ம் இடத்திலும், 116 கோடி வசூலித்து 'அனிமல்' 4ம் இடத்திலும், 106 கோடி வசூலித்து 'பதான்' 5வது இடத்திலும் உள்ளது.

இதுவரையில் வெளியான படங்களில் 'ஆர்ஆர்ஆர்' படம் முதல் நாளில் 223 கோடி வசூலித்து முதலிடத்திலும், 'பாகுபலி 2' படம் 214 கோடி வசூலித்து இரண்டாமிடத்திலும், 'கேஜிஎப் 2' படம் 162 கோடி வசூலித்து மூன்றாமிடத்திலும் உள்ளது.

மொத்தமாகப் பார்த்தால் 'டாப் 5' படங்களில் முதல் நான்கு இடங்களை தென்னிந்தியப் படங்களே பிடித்துள்ளன.



வாசகர் கருத்து

    முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய
Login via Dinamalar:
New to Dinamalar ?
(Press Ctrl+g   to toggle between English and Tamil)
புதிய செய்திகளுக்கு தினமலர் சேனலை Subscribe செய்யுங்கள்
Advertisement
 
Advertisement