அஜித்தின் 62வது படம் குறித்த பரபரப்பு இன்னும் ஓயவில்லை. காலையில் ஒரு தகவல், மாலையில் ஒரு தகவல் என மாறி மாறி வந்து கொண்டிருக்கிறது. விக்னேஷ் சிவன் இயக்கவில்லை என்பது அவர் மூலமாகவே உறுதியான பிறகு வேறு எந்த ஒரு இயக்குனரும் அது பற்றி பரபரப்புக்காக ஒரு 'ஹின்ட்' கூட கொடுக்காமல் இருக்கிறார்கள்.

ஒரு பக்கம் பல முன்னணி இயக்குனர்கள் கதை சொல்லியிருக்கிறார்கள் என்றும், இன்னொரு பக்கம் மகிழ் திருமேனி சொன்ன கதையை ஓகே சொல்லிவிட்டார்கள் என்றும் தகவல். நேற்று இரவு புதிதாக அந்த இயக்குனர்கள் போட்டியில் வெங்கட் பிரபுவின் பெயரும் அடிபட ஆரம்பித்துவிட்டது.

விஜய் நடித்த 'வாரிசு', அஜித் நடித்த 'துணிவு' இரண்டு படங்களும் ஒரே நாளில் வெளிவந்தன. விஜய்யின் அடுத்த படமாக 'லியோ' படத்தை அறிவித்துவிட்டு படப்பிடிப்புக்கும் சென்றுவிட்டார்கள். ஆனால், அஜித்தின் அடுத்த படத்திற்கான இயக்குனர் யார் என்பதன் பேச்சுவார்த்தை இன்னமும் போய்க் கொண்டிருக்கிறது. இது அஜித் ரசிகர்களிடையே வருத்தத்தை ஏற்படுத்தியுள்ளது.

இயக்குனர் யார் என அப்புறம் பார்த்துக் கொள்ளுங்கள், படத்தை அறிவியுங்கள் என்று அஜித் ரசிகர்கள் சொன்னாலும் ஆச்சரியப்படுவதற்கில்லை.

திருப்போரூர் திருவிழா - இது சொந்தவீடு வாங்கும் பெருவிழா!