dinamalar telegram
Advertisement

20 வருட 'தல'-க்கு முற்றுப்புள்ளி - அஜித் செய்ததை மற்றவர்கள் செய்வார்களா ?

Share

தமிழ் சினிமாவில் கதாநாயகர்களை அவர்களது பெயர்களை மட்டும் சொல்லி அழைக்காமல் ஒவ்வொருவருக்கும் ஒரு பட்டப் பெயரைக் கொடுத்து அதன்படி அழைப்பது பல வருட வழக்கமாக உள்ளது. ஏழிசை வேந்தர், புரட்சித்தலைவர், நடிகர் திலகம், காதல் மன்னன், லட்சிய நடிகர், சூப்பர் ஸ்டார், ஆண்டவர், உலக நாயகன், புரட்சித் தமிழன், சுப்ரீம் ஸ்டார், இளைய திலகம், ஆக்ஷன் கிங், தளபதி, இளைய தளபதி, சின்ன தளபதி, மக்கள் செல்வன் இப்படி சொல்லிக் கொண்டே போகலாம்.

நடிகர்களில் கமல்ஹாசன் தான் முதன் முதலில் தனது ரசிகர் மன்றங்களைளக் கலைத்து நற்பணி இயக்கமாக மாற்றினார். அதன்பிறகு அஜித்குமார் அவரது ரசிகர் மன்றங்களைக் கலைத்தார். பின்னர், தன்னை அல்டிமேட் ஸ்டார் என அழைக்கக் கூடாது என்று கேட்டுக் கொண்டார். அதைத் தொடர்ந்து அவர் நடிக்கும் படங்களின் டைட்டிலில் கூட வெறும் அஜித்குமார் என்று பட்டப் பெயர் இல்லாமல் தான் அவர் பெயர் இடம் பெறும்.


ஏ.ஆர்.முருகதாஸ் இயக்கத்தில் 2001ல் வெளிவந்த தீனா படத்தில் ரவுடியாக நடிக்கும் அஜித்தை மற்றவர்கள் தல என்று அழைப்பார்கள். அந்தப் பெயர் அப்படியே அஜித்திற்கு நிலைத்துவிட்டது. அவரது ரசிகர்கள் அவரை தல என்று தான் எப்போதும் குறிப்பிட்டு வந்தார்கள்.

இந்திய கிரிக்கெட் அணியின் முன்னாள் கேப்டனும், சென்னை சூப்பர் கிங்ஸ் அணியின் கேப்டனுமாக இத்தனை வருடமாக இருந்த தோனியை தல என்று கிரிக்கெட் ரசிகர்கள் அழைக்க ஆரம்பித்தார்கள். சமீபத்தில் கூட சமூக வலைத்தளங்களில் தோனி ரசிகர்களுக்கும், அஜித் ரசிகர்களுக்கும் யார் தல என்பது குறித்து சண்டை நடந்தது.


இந்நிலையில் நேற்று தன்னை இனி தல என அழைக்க வேண்டாம், அஜித்குமார், அஜித், எகே என அழையுங்கள் என அஜித் வேண்டுகோள் விடுத்துள்ளார். தன்னுடைய ரசிகர்கள் தேவையற்ற சர்ச்சைகளில் ஈடுபடுவதை அஜித் விரும்பவில்லை என்றே தெரிகிறது. ரசிகர்கள் மீதான அவருடைய பாசம்தான் இதற்குக் காரணம் என்கிறார்கள். அஜித்தின் இந்த முடிவுக்கு அவருடைய ரசிகர்கள் பெரும் ஆதரவு தெரிவித்து வருகிறார்கள்.

சில வாரங்களுக்கு முன்பு கூட தெலுங்கில் பவர் ஸ்டார் என்று அழைக்கப்படும் பவன் கல்யாண், தன்னை அப்படி அழைக்க வேண்டாம் என்று கண்டிப்புடன் கூறியிருந்தார். இந்த விஷயத்தில் அவர் அஜித்தைப் பின் தொடர்கிறார் என்று தான் சொல்ல வேண்டும்.

அஜித்தைப் போலவே மற்ற ஹீரோக்களும் பட்டப் பெயர்களை துறப்பார்களா என்பது மில்லியன் டாலர் கேள்வி.

Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.
Advertisement
 

Home வாசகர் கருத்து (5)

  • Dhanumalayan - Tirupur ,இந்தியா

    Yen ivlo years komavula irunthhana ajith..

  • Dhanumalayan - Tirupur ,இந்தியா

    ivan Vanu sonnathe oru publicity Thaan..

  • sridhar - Dar Es Salaam ,தான்சானியா

    ஒரு பழமொழி சொல்லுவாங்க நிறை குடம் தளும்பாது இவருக்கு பொருந்தும் இதற்கு மட்டும் அல்ல எல்லா விஷயத்திற்கும் இவரது செயல் மூலம் நிரூபிப்பவர் வாழ்த்துக்கள் வாழ்க பல்லாண்டு

  • M Ramachandran - Chennai,இந்தியா

    ஆதாயம் விரும்பாதவர்கள் அஜித் செய்தததை செய்வார்கள்.

    • john bernard - ,

      it is not necessary

Home கருத்தைப் பதிவு செய்ய

Advertisement