Load Image
dinamalar telegram
Advertisement

பிரிட்ஜ்ஸ்டோனின் எல் 370 எச் எல் டயர்கள் அறிமுகம்

ADVERTISEMENT

கட்டுமானம் மற்றும் சுரங்கத் துறைகளுக்கான தனது புதிய டயரை பிரிட்ஜ்ஸ்டோன் இந்தியா அறிமுகப்படுத்தியது. அதிக சுமையைக் கொண்டு செல்லக்கூடிய கனரக வாகனங்களை இயக்கும் இத்துறைகளுக்கு ஏற்ற வகையில் சிறந்த வலிமை, செயல்திறன் மற்றும் ஆயுட்காலம் ஆகிய அம்சங்களோடு இந்த டயர்கள் வடிவமைக்கப்பட்டுள்ளன. புதிய அச்சு சுமை விதிமுறைகளை மத்திய போக்குவரத்து அமைச்சகம் அறிவித்துள்ள நிலையில், 20 சதவீதம் அதிக எடையை ஏற்றிச் செல்ல லாரிகள் அனுமதிக்கப்படுகின்றன. இந்த சுமை அதிகரிப்புக்கு ஏற்ற டயர்கள் தேவைப்பட்டதை தொடர்ந்து, அதிக எடையை கையாளக் கூடிய வகையில் பிரிட்ஜ்ஸ்டோனின் புதிய டயரான ‘எல் 370 எச் எல்’ கட்டமைக்கப்பட்டுள்ளது.

இத்துறைகளை சேர்ந்த கனரக வாகனங்கள் கரடுமுரடான நிலப்பரப்பில் பயன்படுத்தப்படுவதால், நிலப்பரப்பின் கடுமையைத் தாங்கக்கூடிய டயராக இது இருக்கும். இந்த டயரை வடிவமைக்க தனியுரிம மென்பொருளைப் பிரிட்ஜ்ஸ்டோன் இந்தியா பயன்படுத்தியுள்ளது. ‘எல் 370 எச் எல்’ டயர் சிறப்பு ட்ரெட் கலவையால் ஆனது ஆகும். இதன் மூலம் டயர் ஆயுள் நீடித்து நிலைக்கும். அதிக சுமை பிரிவுக்கு ஏற்ற ‘எல் 70 எச் எல்’ டயர் 295/90ஆர்20 அளவில் கிடைக்கும். வெப்பம் மற்றும் உறுதிக்காக பிளாக் மற்றும் ஷோல்டர் லக் முறையில் இது வடிவமைக்கப்பட்டுள்ளது, இந்த டயர் ஆயுளை அதிகரிப்பது மட்டுமின்றி, வலுவான செயல்திறனையும் மேம்படுத்தும்.

"கட்டமைப்பு மற்றும் சுரங்கத் துறைகளின் பொருளாதார வளர்ச்சிக்கு செலவு குறைந்த சரக்கு போக்குவரத்து முறை முக்கியம். டயர் செயலிழப்பு இத்துறையை எதிர்மறையாக பாதிக்கும். இத்துறைகளுக்காகவே பிரத்யேகமாக வடிவமைக்கப்பட்டுள்ள எங்கள் ‘எல் 70 எச் எல்’ சுமூகமான சரக்கு போக்குவரத்தை மேம்படுத்தும். இதன் மூலம் இந்த முக்கிய துறைகளின் உற்பத்தித்திறன் மற்றும் செயல்திறன் அதிகரிக்கும்” என்று பிரிட்ஜ்ஸ்டோண் இந்தியா நிர்வாக இயக்குநர் பராக் சத்புத் கூறினார்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement
 

Home வாசகர் கருத்து

    முதல் நபராக கருத்து தெரிவியுங்கள்!

Home கருத்தைப் பதிவு செய்ய

Advertisement