Advertisement

கடன் நிர்வாகத்தில்கவனிக்க வேண்டிய அம்சங்கள்

வீட்டுக்கடன், வாகன கடன், தனிநபர் கடன், தங்க நகை கடன் என, பல வகையான கடன்கள் இருக்கின்றன. இருப்பினும், எல்லா கடன்களும் அடிப்படையில் நல்ல கடன், மோசமான கடன் என இரண்டு பிரிவாக வகைப்படுத்தப்படுகின்றன. கடன்கள் எது நல்ல கடன், எது மோசமான கடன் என அறிவது, கடன் நிர்வாகத்தை சிறப்பாக மேற்கொள்ள உதவும்:


நல்ல கடன்:




பணம், மேலும் பணத்தை சம்பாதித்து தர வேண்டும் என சொல்லப்படுவதுண்டு. அதே போல, கடன் வாங்குவதன் மூலம், ஏதேனும் சொத்தை உருவாக்கி கொள்ள வேண்டும். அல்லது அதன் மூலம் கூடுதல் வருமானம் வர வேண்டும். இப்படி இருந்தால் அது நல்ல கடன். வீட்டுக்கடன் நல்ல உதாரணம்.



இதிலும் இடர் உண்டு:




ஒரு சொத்தை உருவாக்கித் தரும் நல்ல கடனுக்கு மற்றொரு முக்கிய அம்சமும் உண்டு. அதற்கான வட்டி விகிதம் குறைவாக இருக்கும். ஆனால் ஒன்று, நல்ல கடன் என்றாலும், அளவுக்கு மீறியதாக இருக்க கூடாது. வீட்டுக்கடனையே எடுத்துக்கொண்டால், வீட்டின் மதிப்பு சக்திக்கு மீறி இருக்க கூடாது.


மோசமான கடன் எது?




கடனில் வாங்கிய சொத்து மதிப்பு உயராமல் இருந்தால் அல்லது, அதன் மூலம் வருமானம் வராவிட்டால் அது மோசமான கடன். மோசமான கடனின் முக்கிய அம்சம், தேய்மானம் கொண்டதாகும். வாகன கடன் நல்ல உதாரணம். புதிய காரை ஷோரூமை விட்டு வெளியே எடுத்து வரும் போதே, அதன் மதிப்பு தேயத்துவங்குகிறது.


தேவை கட்டுப்பாடு:




பொதுவாக மோசமான கடன் வாங்காமல் இருப்பது நல்லது. தனிநபர் கடன் எளிதாக கிடைக்கலாம். கிரெடிட் கார்டு தேய்ப்பதும் சுலபம். ஆனால், இவை கடன் சுமையை ஏற்படுத்தலாம். அப்படியே மீறி வாங்கினாலும், இதில் கட்டுப்பாடு மிக அவசியம். வாழ்வில் தேவையான கடன்களை தவிர்ப்பது நல்லது.


கடன் விகிதம்:



கடன் வசதியை சரியாக பயன்படுத்திக் கொண்டால் அதன் மூலம் பலன் பெறலாம். அதே நேரத்தில், மோசமான கடன், வலையாக மாறிவிடலாம். வருமானத்திற்கும், கடனுக்குமான விகிதம் கட்டுக்குள் இருக்க வேண்டும். கடனுக்கான மாதத்தவணை தொகை வருமானத்தில், 40 சதவீதத்திற்கு மிகாமல் இருக்க வேண்டும்.

Download for free from the Store »

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement