Advertisement

வர்த்தகப் போர் வழங்கிய வாய்ப்பு; 350 பொருட்களின் ஏற்றுமதிக்கு வாய்ப்பு அதிகரிப்பு

புது­டில்லி: அம­ரிக்­கா­வுக்­கும், சீனா­வுக்­கும் இடையே நடை­பெற்று வரும் வர்த்­த­கப் போர், இந்­தி­யா­வின் ஏற்­று­ம­தியை அதி­க­ரிப்­ப­தற்­கான வாய்ப்பை வழங்கி உள்­ள­தாக, மத்­திய வர்த்­த­கத்­துறை அமைச்­ச­கம் தெரி­வித்­துள்­ளது.

இது குறித்து, வர்த்­தக துறை அமைச்­ச­கம், மேலும் தெரி­வித்­துள்­ள­தா­வது: அமெ­ரிக்கா மற்­றும் சீனா ஆகிய நாடு­க­ளுக்கு இடை­யே­யான வர்த்­தக போர், தொடர்ந்து நடை­பெற்று வரு­கிறது. இந்த மோத­லின் விளை­வாக, இந்­தி­யா­வின், 350க்கும் மேற்­பட்ட பொருட்­களை ஏற்­று­மதி செய்­வ­தற்கு நல்ல வாய்ப்பு ஏற்­பட்­டுள்ளதாக, அமைச்­ச­கத்­தின் ஆய்­வின் மூலம் தெரிய­வந்­துள்­ளது.

சந்தர்ப்பம்:
இந்த ஆய்­வின் ஒரு பகுதி­யாக, எந்­தெந்த பொருட்­களை, அமெ­ரிக்கா, சீனா ஆகிய நாடு­க­ளுக்கு அதிகம் ஏற்­று­மதி செய்ய வாய்ப்­பி­ருக்­கிறது என்­பது,அடை­யா­ளம் காணப்­பட்­டது. டீசல், எக்ஸ்ரே டியூப் உள்­ளிட்ட சுமார், 151 உள்­நாட்டு தயா­ரிப்பு பொருட்­க­ளுக்கு, சீனா­வில் வாய்ப்பு அதி­க­ரித்­துள்­ளது. இத்­த­கைய பொருட்­களை, சீனா, அமெ­ரிக்­கா­வி­லி­ருந்து இறக்­கு­மதி செய்து வரு­கிறது. ஆனால், வர்த்­தக மோதல் கார­ண­மாக, இந்த அமெ­ரிக்க பொருட்­கள் மீதான இறக்­கு­மதி வரியை, சீனா அதி­க­ரித்­துள்­ளது.

அதே போல், சீனா­வி­லி­ருந்து அமெ­ரிக்­கா­வுக்கு ஏற்­று­மதி செய்­யப்­பட்டு வந்த ரப்­பர், கிரா­பைட் எலக்ட்­ரோட் உள்­ளிட்­ட வற்­றுக்­கான இறக்­கு­மதிக்கு, அதிக வரியை அமெ­ரிக்கா விதித்­துள்­ளது. சீனா­வின் பொருட்­களுக்­கான வரி அதி­க­ரிக்­கப்­பட்­டுள்­ள­தால், இந்­தி­யா­வி­லி­ருந்து அமெ­ரிக்­கா­வுக்கு ஏற்­று­மதி செய்ய சுமார், 203 பொருட்­க­ளுக்கு நல்ல வாய்ப்பு ஏற்­பட்­டுள்­ளது.

சீனாவை பொறுத்­த­வரை, குறிப்­பிட்ட சில பொருட்­களை உடனே நம்­மால் ஏற்­று­மதி செய்ய இய­லும். இந்த சந்­தர்ப்­பத்­தைப் பயன்­ப­டுத்தி, சீனா­வுக்­கான ஏற்­று­மதி வாய்ப்பை அதி­க­ரித்­துக் கொள்ள வேண்­டும் என, ஆய்வு தெரி­வித்­துள்­ளது. இரு நாடு­க­ளுக்­கி­டை­யே­யான இந்த வர்த்­தக மோதல், உல­க­ள­வி­லான வர்த்­த­கத்­தின் போக்­கில் பெரும் மாறு­தல்­களை ஏற்­ப­டுத்தி வரு­கிறது.

செம்­புத் தாது, ரப்­பர், காகி­தம், காகித அட்டை, குரல் மற்­றும் தர­வு­களை பகிர்­வ­தற்­கான சாத­னங்­கள் ஆகி­ய­வற்­றுக்கு, சீன சந்­தை­யில் வாய்ப்பு ஏற்­பட்­டுள்­ளது. தொழிற்­சாலை வால்­வு­ கள், ரப்­பர், கார்­பன், கிரா­பைட் எலக்ட்­ரோடு உள்­ளிட்ட வேறு சில பொருட்­க­ளுக்கு, அமெ­ரிக்க சந்­தை­யில் வாய்ப்பு உரு­வாகி உள்­ளது.

பற்­றாக்­கு­றை:
எனவே, இந்த வாய்ப்பை பயன்­ப­டுத்தி, ஏற்­று­ம­தியை அதி­க­ரிப்­ப­தன் மூலம், சீனா­வுட­னான, இந்­தி­யா­வின் வர்த்­தக பற்­றாக்­கு­றையை குறைக்­க­லாம். கடந்த நிதி­யாண்­டில், ஏப்­ரல் முதல் பிப்­ர­வரி வரை­யி­லான கால­கட்டத்­தில், சீனா­வு­ட­னான வர்த்­த­கப் பற்­றாக்­குறை, 5,012 கோடி அமெ­ரிக்க டாலர் ஆகும். இவ்­வாறு அமைச்­ச­கம் தெரி­வித்­துள்­ளது.

Download for free from the Store »

Advertisement
 

வாசகர் கருத்து (1)

  • nicolethomson - bengalooru,இந்தியா

    விவசாய சம்பத்தப்பட்ட பொருட்கள் எதுவும் உள்ளனவா?

கருத்தைப் பதிவு செய்ய

Advertisement