Advertisement

உங்­கள் முத­லீடு தொடர்­பான இடர்­களை நிர்­வ­கிப்­பது எப்­படி?

சரியான முதலீட்டை தேர்வு செய்யும் போது, அவை தரும் பலன்களை மட்டும் பார்க்காமல், தொடர்புடைய இடர்களையும் கருத்தில் கொள்ள வேண்டும்.


பெரும்­பா­லான முத­லீட்­டா­ளர்­கள், ‘ரிஸ்க்’ எனப்­படும் இடர்­கள் தொடர்­பாக தெளி­வான புரி­தலை பெற்­றி­ருப்­ப­தில்லை. எல்லா முத­லீட்­டி­லும் ரிஸ்க் உண்டு. முத­லீடு அளிக்­கும் பலன்­க­ளுக்கு ஏற்ப ரிஸ்க் அமை­யும். முத­லீடு செய்­யும் போது, அவை தொடர்­பான இடர்­க­ளை­யும் உணர்ந்து செயல்­பட வேண்­டும்.


பாது­காப்பை பிர­தா­ன­மாக நாடும் முத­லீட்­டா­ளர்­கள், எல்லா முத­லீட்­டி­லும் ரிஸ்க் அம்­சத்தை பார்க்­கின்­ற­னர் என்­றால், தீவிர முத­லீட்­டா­ளர்­கள் தங்­க­ளால் எந்த வகை ரிஸ்­கை­யும் எதிர்­கொள்ள முடி­யும் என, நம்­பு­கின்­ற­னர். இரண்டு போக்­கு­க­ளுமே ஆபத்­தா­னது.முத­லீடு தொடர்­பான ரிஸ்க், முத­லீடு செய்­ப­வ­ரின் ரிஸ்க் தன்­மைக்­கும் பொருத்­த­மாக இருக்க வேண்­டும்.


பொது­வாக இளம் முத­லீட்­டா­ளர்­கள் எனில், அதிக அள­வி­லான ரிஸ்க் எடுக்க கூடி­ய­வர்­க­ளாக கரு­தப்­ப­டு­கின்­ற­னர். அதே நேரத்­தில் ஓய்வு காலத்தை நெருங்­கி­ய­வர்­கள், பாது­காப்­பான முத­லீட்­டையே அதி­கம் நாட வேண்­டும். ஒரு­வர் தன் ரிஸ்க் தன்­மையை புரிந்து கொண்டு, அதற்­கேற்ப முத­லீ­டு­களை தேர்வு செய்­வது, நிதி திட்­ட­மி­ட­லில் முக்­கிய பங்கு வகிக்­கிறது.


இதற்கு முத­லீடு மீது தாக்­கம் செலுத்­தும் பல­வ­கையான, ரிஸ்க் அம்­சங்­களை முத­லில் புரிந்து கொள்ள வேண்­டும். முத­லில் வருவது மார்க்­கெட் ரிஸ்க். சந்­தை­யின் ஏற்ற இறக்­க­மான தன்­மை­யால், முத­லீட்­டின் மீது உண்டா­கக்­கூ­டிய தாக்­கத்தை இது குறிக்­கிறது. மார்க்­கெட் ரிஸ்கை முழு­வ­தும் தவிர்க்க முடி­யாது.


இதை எதிர்­கொள்ள சிறந்த வழி, சம­பங்கு, கடன் சார் முத­லீடு, தங்­கம் என, பல்­வேறு வகை­யான முத­லீட்டு வாய்ப்­பு­களில் பர­வ­லாக முத­லீடு செய்­தி­ருப்­பது தான். இதே போல, வட்டி விகித போக்­கால் ஏற்­படும் தாக்­கம் வட்டி விகித ரிஸ்க் என, கருதப்­ப­டு­கிறது.


பி.பி.எப்., வைப்பு நிதி உள்ளிட்ட கடன்­சார் முத­லீ­டு­களில் இந்த ரிஸ்க் உண்டு. இந்த வகை
முத­லீ­டு­களை சரி­யாக புரிந்து கொண்­டால், வட்டி விகித ரிஸ்கை சிறப்­பாக நிர்­வ­கிக்­க­லாம்.
கிரெ­டிட் ரிஸ்க் என்­பது, குறிப்­பிட்ட நிறு­வ­னத்­தால் வாக்­கு­றுதி அளித்­த­படி பணத்தை திருப்­பித்­தர முடி­யா­மல் போவ­தால் ஏற்­ப­டக்­கூ­டி­யது. தற்­போது மியூச்­சு­வல் பண்ட் துறை­யில் இந்த வகை ரிஸ்க் சார்ந்த பிரச்­னை நில­வு­கிறது.


கிரெ­டிட் ரிஸ்க் கொண்ட முத­லீ­டு­கள் எனில், அவற்­றுக்­கான தரச்­சான்­றி­தழை முக்­கி­ய­மாக
கவ­னிக்க வேண்­டும். மேலும், அதிக ரிஸ்க் எடுக்­கும் திறன் இல்­லாத முத­லீட்­டா­ளர்­கள், இந்த வகை முத­லீட்டை தவிர்ப்­பது நல்­லது. இதே போல, குறிப்­பிட்ட துறை சார்ந்த முத­லீடு எனில் துறை சார்ந்த ரிஸ்க் உண்டு. அந்த துறை எழுச்சி பெற்­றால், முத­லீடு அதிக பலன் தரும். துறை­யில் சரிவு ஏற்­பட்­டால் முத­லீட்­டின் பலனை பாதிக்­கும். இந்த வகை ரிஸ்கை எதிர்­கொள்­ள­வும், முத­லீடு பர­வ­லாக்­கமே சிறந்த வழி.


இவை ­த­விர, வாழ்­வி­யல் ரிஸ்க், பழக்க வழக்க ரிஸ்க் உள்­ளிட்­ட­வை­யும் இருக்­கின்­றன. வாழ்­வி­யல் சார்ந்த தேவை­க­ளுக்­கான செல­வு­கள், பட்­ஜெட்டை மீறி செலவு செய்ய வைக்­கும். இது சேமிப்­பை­யும், முத­லீட்­டை­யும் பாதிக்­கும். மேலும், முத­லீட்­டின் மற்ற
அம்­சங்­களை கருத்­தில் கொள்­ளா­மல், அதன் பலனை மட்­டும் கருத்­தில் கொண்டு முத­லீடு செய்­வது பழக்க வழக்க ரிஸ்­காக அமை­கிறது.


ஒரு­வர் தன் ரிஸ்க் தன்­மையை புரிந்து கொண்டு செயல்­ப­டு­வ­தன் மூலம் இதை சரி செய்­ய­லாம். ரிஸ்கை புரிந்து கொள்­ளும் போது எவ்­வ­ளவு ரிஸ்க் எடுக்­க­லாம் என்­பதை எளி­தாக தீர்­மா­னிக்க முடி­யும்.

Download for free from the Store »

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement