Advertisement

தேதி சொல்லும் சேதி

அக்டோபர் 8, 1932 - இந்தியா - விமானப் படை நாள்
முப்படைகளுள் ஒன்று. விமானப்படை வீரர்கள் போரில் ஈடுபடுவதோடு, பாதிக்கப்பட்டவர்களைக் காப்பாற்றுவதிலும் ஈடுபடுகின்றனர். அவர்களின் தியாகங்களை நினைவுகூர இந்த நாள் கடைப்பிடிக்கப்படுகிறது.

அக்டோபர் 8, 1935 - மில்கா சிங் பிறந்த நாள்
இந்திய தடகள விளையாட்டு வீரர். 'பறக்கும் சீக்கியர்' என அழைக்கப்பட்டார். 1958 காமன்வெல்த் போட்டியில் 400 மீட்டர் ஓட்டப் பந்தயத்தில் 46.16 வினாடிகளில் கடந்து தங்கப் பதக்கம் வென்றார்.

அக்டோபர் 10, 1906 - ஆர்.கே.நாராயண் பிறந்த நாள்
படைப்புகள் வழியாக இந்திய இலக்கியத்துக்கு உலகப்புகழ் தேடித் தந்தார். தன் நாவல்களில் இந்தியக் கலாசாரம், பழக்க வழக்கங்கள், சமுதாயத்தின் நிலை என அனைத்தையும் பதிவு செய்தார்.

அக்டோபர் 11, 2011 - சர்வதேசப் பெண் குழந்தைகள் நாள்
குழந்தைத் திருமணம், வன்கொடுமை போன்றவற்றால் பெண் குழந்தைகள் அதிகம் பாதிக்கப்படுகின்றனர். பெண் குழந்தைகளுக்கு சமத்துவத்தையும் விழிப்புணர்வையும் ஏற்படுத்த ஐ.நா. சபை இந்த நாளை அறிவித்தது.

அக்டோபர் 12, 1911 - நெ.து.சுந்தரவடிவேலு பிறந்த நாள்
பொதுக்கல்வி இயக்குநராக அப்போதைய முதல்வர் காமராஜருடன் இணைந்து கல்வி வளர்ச்சிக்குத் துணை நின்றார். சென்னைப் பல்கலைக்கழகத்தின் துணைவேந்தராகவும் பொறுப்பு வகித்தார்.

அக்டோபர் 14, 1970 - உலகத் தர நிர்ணய நாள்
உற்பத்தி செய்யும் பொருட்களின் தரத்தை நிர்ணயிக்க சர்வதேச தர அமைப்பு (ISO) உருவாக்கப்பட்டது. நுகர்வோருக்குத் தரமான பொருட்கள் வழங்குவதை வலியுறுத்தி இந்த நாள் கடைப்பிடிக்கப்படுகிறது.

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement