Advertisement

தேதி சொல்லும் சேதி

ஜூலை 11, 1989 - உலக மக்கள்தொகை நாள்
மக்கள் தொகை தொடர்பான பிரச்னைகள், அவசரத் தேவைகளுக்குத் தீர்வுகாண ஐ.நா.சபையால் இந்த நாள் அனுசரிக்கப்படுகிறது.

ஜூலை 12, 1854 - ஜார்ஜ் ஈஸ்ட்மேன் பிறந்த நாள்
கோடாக் கம்பெனியின் நிறுவனர். புகைப்படக்கலையை எல்லோரும் பயன்படுத்தக் காரணமான ஒளிப் படச்சுருளைக் கண்டுபிடித்தார். 1900களில் 1 டாலர் விலை கேமராவை அறிமுகம் செய்தார்.

ஜூலை 12, 1904 - பாப்லோ நெருடா பிறந்த நாள்
20ஆம் நூற்றாண்டின் சிறந்த கவிஞர். இவரது படைப்புகள் பல மொழிகளில் மொழி பெயர்க்கப்பட்டன. 'பூமியின் சருமம் உலகெங்கும் ஒன்றுதான்' என்ற இவரது கவிதை பிரபலமானது.

ஜூலை 14, 1945 - ஷிவ் நாடார் பிறந்த நாள்
தகவல் தொழில்நுட்பத் துறை நிறுவனமான ஹெ.சி.எல். (HCL)இன் தலைமைச் செயல் அதிகாரி. 2008இல் இந்திய அரசு இவருக்கு 'பத்ம பூஷண்' விருது அளித்துக் கெளரவித்தது.

ஜூலை 15, 1876 - மறைமலை அடிகள் பிறந்த நாள்
தமிழறிஞர். தமிழ்ப் பற்றால், 'வேதாச்சலம்' என்ற பெயரை 'மறைமலை' என்று மாற்றிக் கொண்டார். இலக்கியம், மருத்துவம், வரலாறு என பல பிரிவுகளில் 50க்கும் மேற்பட்ட நூல்களை எழுதியுள்ளார்.

ஜூலை 15, 1903 - கு.காமராஜர் பிறந்த நாள்
முன்னாள் தமிழக முதல்வர். மாணவ, மாணவியருக்கு, இலவசக் கல்வியை நடைமுறைப்படுத்தினார். இந்திய அரசு இவருக்கு 1976இல் 'பாரத ரத்னா' விருது வழங்கிக் கௌரவித்தது.

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement