Advertisement

தேதி சொல்லும் தேதி

ஏப்ரல் 16, 1889 - சார்லி சாப்ளின் பிறந்த நாள்
ஹாலிவுட் உலகின் புகழ்பெற்ற கலைஞர். நடிகர், இயக்குநர், இசையமைப்பாளர், தயாரிப்பாளர் என, பல முகங்கள் கொண்டவர். 1985இல் இங்கிலாந்து அரசு, இவரது அஞ்சல் தலையை வெளியிட்டது.

ஏப்ரல் 16, 1867 - வில்பர் ரைட் பிறந்த நாள்
20ஆம் நூற்றாண்டின் சிறந்த கண்டுபிடிப்பாகக் கருதப்படும் விமானத்தை ஆர்வில் ரைட் என்கிற தனது சகோதரருடன் சேர்ந்து உருவாக்கினார். இவர்கள் 'ரைட் சகோதரர்கள்' என்று அறியப்படுகிறார்கள்.

ஏப்ரல் 19, 1977 - அஞ்சு பாபி ஜார்ஜ் பிறந்த நாள்
இந்திய தடகள வீராங்கனை. 2003, பாரிஸ் உலகத் தடகளப் போட்டியில் நீளம் தாண்டுதலில் வெண்கலப் பதக்கம் வென்றார். 2003 - 04ஆம் ஆண்டுக்கான 'ராஜீவ் காந்தி கேல் ரத்னா' விருது பெற்றுள்ளார்.

ஏப்ரல் 20, 1889 - அடால்ஃப் ஹிட்லர் பிறந்த நாள்
சர்வாதிகாரி. நாஜி கட்சியின் தலைவர். 1934இல், ஜெர்மனியின் தலைவர். இரண்டாம் உலகப் போரில், கதாநாயகனாகவும் வில்லனாகவும் இருந்தார். இவரின், மெயின் காம்ஃப் என்கிற சுயசரிதை புகழ்பெற்றது.

ஏப்ரல் 22, 1870 - விளாடிமிர் லெனின் பிறந்த நாள்
ரஷ்யப் புரட்சியாளர், சோவியத் ஒன்றியத்தின் முதல் அதிபர். 'லெனினியம்' என்கிற கோட்பாட்டு நிறுவனர். 'ஏகாதிபத்தியம் முதலாளித்துவத்தின் உச்ச கட்டம்' என்ற நூலை எழுதி இருக்கிறார்.

ஏப்ரல் 22, 1970 - உலகப் புவி நாள்
கேலார்டு நெல்சன் என்கிற அமெரிக்கர், பூமிக்கு ஏற்பட்டுள்ள பிரச்னைகளை உலக மக்கள் உணர, மாணவர்களைக் கொண்டு பேரணி நடத்தினார். இதுவே உலக புவி நாளாகக் கொண்டாடப்படுகிறது.

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement