Advertisement

ரயில்வேயில் 1,050 காலியிடங்கள்

தென்கிழக்கு மத்திய ரயில்வே என்பது இந்திய ரயில்வேயின் அங்கம். இந்த புதிய மண்டலத்தில் பிலாஸ்பூர் கோட்டம் 2003 முதல் செயல்பாட்டுக்கு வந்தது. நாக்பூர், பிலாஸ்பூர், ராய்பூர் என்ற கோட்டங்களை உள்ளடக்கிய தென் கிழக்கு மத்திய ரயில்வேயில் அப்ரென்டிஸ் பிரிவில் காலியாக இருக்கும் 1,050 இடங்களை நிரப்புவதற்கான அறிவிப்பு வெளியிடப்பட்டுள்ளது.

காலியிட விபரம் :
தென் கிழக்கு மத்திய ரயில்வேயின் நாக்பூர் கோட்டத்தில் 298ம், மோடிபாக் ஒர்க் ஷாப்பில் 15ம், ராய்பூர் கோட்டத்தில் 255ம், ராய்பூர் வேகன் ஒர்க் ஷாப்பில் 50ம், பிலாஸ்பூர் கோட்டத்தில் 432ம் என மொத்தம் 1,050 காலியிடங்கள் உள்ளன.

பிரிவுகள்:
பிட்டர், கார்பென்டர், வெல்டர், பாசா, எலக்ட்ரீசியன், செக்ரட்டேரியல் பிராக்டிஸ், பைப் பிட்டர், பெயின்டர், ஒயர்மேன், எலக்ட்ரானிக்ஸ் மெக்கானிக், பவர் மெக்கானிக், மெக்கானிக் மெஷின் மெயின்டனென்ஸ், டீசல் மெக்கானிக், அப் ஹோல்ஸ்டரர்,
பியரர், டர்னர், ஹெல்த் சானிட்டரி இன்ஸ்பெக்டர், ஸ்டெனோகிராபர், மெஷினிஸ்ட், மெக்கானிக் மோட்டர் வெகிக்கிள் என்ற பிரிவுகளில் அப்ரென்டிஸ் காலியிடங்கள் நிரப்பப்பட உள்ளன. விரிவான தகவல்களை இணையதளத்தை பார்த்து அறியவும்.

வயது :
விண்ணப்பதாரர்கள் 14 - 24 வயதுக்குள் இருக்க வேண்டும்.

கல்வித் தகுதி : விண்ணப்பிக்கும் பிரிவினைப் பொறுத்து கல்வித் தகுதி மாறுபடுகிறது. பொதுவாக பத்தாம் வகுப்பில் தேர்ச்சியும், என்.சி.வி.டி., அங்கீகாரம் பெற்ற ஐ.டி.ஐ., படிப்பையும் முடித்திருப்பது தேவைப்படும். விண்ணப்பிக்கும் பிரிவுக்கு ஏற்றபடி சிறப்புத் தகுதிகளைப் பெற்றிருக்க வேண்டும்.

விண்ணப்பிக்கும் முறை : ஆன்லைன் முறையில் விண்ணப்பிக்க வேண்டும்.

கடைசி நாள் : 2017 டிச., 27.

விபரங்களுக்கு : www.secr.indianrailways.gov.in/view_section.jsp?lang=0&id=0,4,382

Advertisement
 
Outbrain

வாசகர் கருத்து (1)

  • Kundalakesi - Coimbatore,இந்தியா

    14 vayasa? Sattam anumathikathe

கருத்தைப் பதிவு செய்ய

Advertisement