Advertisement

திண்ணை!

அரசியல் கட்டுரை எழுத்தாளர், பரந்தாமன் எழுதிய, 'ராஜாஜி நூற்றுக்கு நூறு' நூலிலிருந்து: காங்கிரஸ் கட்சியின் சார்பாக, 1952ல், தமிழக முதல்வராக பதவியேற்றார், ராஜாஜி. அவரால் கொண்டு வரப்பட்ட, 'குலக்கல்வித் திட்டத்தை' எதிர்த்து, தி.மு.க., - தி.க., கட்சியினர் மட்டுமின்றி, காங்கிரஸ் கட்சியினர் கூட, 'ராஜாஜி ஒழிக...' என்று கோஷமிட்டு, அவரை பதவி இறங்கச் செய்தனர்.
காங்கிரஸ்காரர்களுக்கு, இந்த அளவுக்கு, ராஜாஜி மீது ஆத்திரம் வருவதற்கு காரணம், எம்.எல்.ஏ.,க்களும், எம்.எல்.சி., மற்றும் காங்கிரஸ் தலைவர்களும், 'சென்னை, தலைமைச் செயலகத்திற்கு வரவோ, மாவட்டங்களில் கலெக்டர்களை சந்திக்கவோ கூடாது; அத்துடன், போலீஸ் ஸ்டேஷனுக்கு போகவோ, தாசில்தாரை பார்க்கவோ, எந்த சிபாரிசும் கேட்கவோ, எந்தப் பிரச்னைகளிலும் தலையிடவோ கூடாது...' என்று, ராஜாஜி கண்டிஷன் போட்டதே காரணம்.
ஏற்கனவே, காங்கிரஸ் ஆட்சி மூலம், செல்வாக்கு மற்றும் ஆதாயங்களை பெற்று வந்தவர்களுக்கு, அவை திடீரென நின்று போனால், எவ்வளவு கஷ்டமாக இருக்கும்!
அகில இந்திய காங்கிரசின் முடிவுப்படி, சிறை சென்ற காங்கிரஸ் தியாகிகள், தியாகி மானியமாக பெற்றிருந்த, ஐந்து ஏக்கர் நிலத்தை, 'தியாகத்திற்கு கூலி பெற்றது தவறு...' என்று குற்றம் சாட்டி, 'நல்ல காங்கிரஸ்காரர்கள், தியாகி மானியத்தை, திரும்பக் கொடுக்க வேண்டும்...' என்று, அறிக்கையும் விட்டார், ராஜாஜி. அப்படி, தியாகி மானியத்தை திரும்ப தந்தவர்கள் ஒரு சிலரே! பல காங்கிரசார், வேறு சிலரின் பெயரில், தங்கள் செல்வாக்கை பயன்படுத்தி, நில அபகரிப்பும் செய்திருந்தனர்.
அந்நாளில், கழகத்தினர் மற்றும் மாற்று கட்சியினரும், காங்கிரஸ்காரர்களை, 'அஞ்சு ஏக்கர் தியாகிகள், டபுள் பாக்கெட் ஜிப்பா, நாலரை அவுன்சு ரேஷன் அரிசி...' என்ற பட்டப் பெயர்களில் தான், பொதுக்கூட்டங்களில் அழைப்பர்; பத்திரிகைகளில் எழுதுவர்; சுவர்களிலும் எழுதி இருப்பர்.
அதேபோல, ராஜாஜியை இழிவுபடுத்தி பேசும் வார்த்தைகளுக்கு வரம்பே கிடையாது. 'உச்சிக்குடுமி மந்திரி சபை, அக்ரஹார மந்திரி சபை, பூணுால் ஆட்சி, தர்ப்பைப் புல் ஆட்சி மற்றும் குல்லுக பட்டர்....' என்றெல்லாம் சுவர்களில் எழுதியிருப்பர். இப்படி எல்லாரும் அவரை எதிர்க்கின்றனரே என்று, ராஜாஜியை ஆதரித்துவிடவில்லை, பிராமணர்கள். பெரும்பாலோர் அவரை எதிர்க்கவும், எதிர் அணியில் இருக்கவும் தான் செய்தனர்.
காங்கிரசில் இருந்த பிராமணர்களில் பெரும்பாலோர், காமராஜர் அணியில் தான் இருந்தனர். பிராமணர்களில், அய்யங்கார் அல்லாதவர்களில் நூற்றுக்கு எழுபது பேருக்கு அவரை பிடிக்காது என்றால், அய்யங்காரில், நூற்றுக்கு தொண்ணுாறு பேருக்கு, அவரை பிடிக்காது. ஆனால், பிராமணர்கள் அல்லாதவர்களின் ஒருமுகப்பட்ட கருத்தோ, 'ராஜாஜி, பிராமணர்களுக்கு சாதகமானவர்...' என்பதே ஆகும்.
இது, மிகப் பரிதாபகரமான நிலை. இந்த, இரு பக்கக் கொள்ளிகளின் நடுவில், அவர் தன் நிலையில் இருந்து கோணாமல், நிமிர்ந்து நின்றது, மாபெரும் துணிவாகும்.
சில காங்கிரஸ் தலைவர்கள், ராஜாஜியிடமிருந்த காழ்ப்புணர்ச்சி காரணமாக, ராஜாஜிக்கு எதிராக, காங்கிரஸ் எம்.எல்.ஏ.,க்களிடம் கையெழுத்து வேட்டைக்கு,
ஊர் ஊராகச் சென்றனர். இதையெல்லாம் எதிர்த்திருக்க வேண்டிய காமராஜர், எதிர்க்காதது மட்டுமல்ல, பின்னணியில், மாற்றுக் கட்சியினரிடம் கூட, தொடர்பு வைத்துள்ளார் என்பதை புரிந்து கொண்டார், ராஜாஜி.
நேருஜியுடன் தொடர்பு கொண்டு விளக்கினார். அவரோ, 'ஜனநாயகத்தில் இதெல்லாம் தவிர்க்க முடியாதது...' என்று கூறி விட்டார்.
ராஜாஜியோ, போட்டிக்கு ஆள் தேடாமல், பலப்பரீட்சையில் ஈடுபடாமல் ஒதுங்கியவர், 'மீண்டும் ஒருமுறை ராமாயணத்தை படிக்க வேண்டும் என்று அந்தக் காவியத்தை எடுத்து வைத்தேன். பட்டாபிஷேகத்திற்கு தயாராக இருந்த ராமர், வனவாசம் செல்ல நேர்ந்தது போல, நானும், படிக்க முடியாமல் முதலமைச்சர் பதவி ஏற்க நேர்ந்தது. விரித்து வைத்த புத்தகம் அப்படியே இருக்கிறது; அதை, உடனே தொடர இருக்கிறேன்...' என்றார்.
ஒன்றை பற்றும் போது பலமாக பற்றுவதும், விட்டு விடும்போது, சுவடு கூட தெரியாமல் விட்டுவிடுவதும், ஞானிகளின் இயல்பு!

நடுத்தெரு நாராயணன்

Advertisement
 
Outbrain

வாசகர் கருத்து (7)

  • SINGAM - chennai,இந்தியா

    கருமம் பிடிச்ச கழகங்கள், ஊழல் கட்சிகள், நாட்டு பற்று இல்லாத கட்சிகள் ஒழித்தால் தான் இந்தியா உருப்படும்.

  • vasu - Sydney,ஆஸ்திரேலியா

    சில காங்கிரஸ் தலைவர்கள், ராஜாஜியிடமிருந்த காழ்ப்புணர்ச்சி காரணமாக, ராஜாஜிக்கு எதிராக, காங்கிரஸ் எம்.எல்.ஏ.,க்களிடம் கையெழுத்து வேட்டைக்கு, ஊர் ஊராகச் சென்றனர். இதையெல்லாம் எதிர்த்திருக்க வேண்டிய காமராஜர், எதிர்க்காதது மட்டுமல்ல, பின்னணியில், மாற்றுக் கட்சியினரிடம் கூட, தொடர்பு வைத்துள்ளார் என்பதை புரிந்து கொண்டார், ராஜாஜி. நேருஜியுடன் தொடர்பு கொண்டு விளக்கினார். அவரோ, 'ஜனநாயகத்தில் இதெல்லாம் தவிர்க்க முடியாதது...' என்று கூறி விட்டார். ராஜாஜியோ, போட்டிக்கு ஆள் தேடாமல், பலப்பரீட்சையில் ஈடுபடாமல் ஒதுங்கியவர், 'மீண்டும் ஒருமுறை ராமாயணத்தை படிக்க வேண்டும் என்று அந்தக் காவியத்தை எடுத்து வைத்தேன். பட்டாபிஷேகத்திற்கு தயாராக இருந்த ராமர், வனவாசம் செல்ல நேர்ந்தது போல, நானும், படிக்க முடியாமல் முதலமைச்சர் பதவி ஏற்க நேர்ந்தது. விரித்து வைத்த புத்தகம் அப்படியே இருக்கிறது அதை, உடனே தொடர இருக்கிறேன்...' என்றார். ஒன்றை பற்றும் போது பலமாக பற்றுவதும், விட்டு விடும்போது, சுவடு கூட தெரியாமல் விட்டுவிடுவதும், ஞானிகளின் இயல்பு இது அதிமுக தலைவர்களுக்கு ?

  • Arunmozhi - sydney,ஆஸ்திரேலியா

    ஆமா சவரம் செய்யறவன் புள்ள சவரம்தான் செய்யனும்னு நினைக்கிறதுதான ஞானியோட வேலை? அவ்வளவு நல்லவர் ஏன் பள்ளிக்கூடங்களை மூடினார்? நிதிப்பற்றாக்குறை காரணம்னா சமஸ்க்ரித பள்ளிகள் தொடங்கும்போது நிதிப்பற்றாக்குறை இல்லையா? மனிதனை மனிதனாக மதிக்க மற்றும் நடத்தாத சனாதனவாதி தான் இராஜகோபாலாச்சாரி. இதுல இப்போ வந்து சப்பைக்கட்டு கட்டுறிங்க.

    • கதிரழகன், SSLC - சிவகங்கை, TN,இந்தியா

      @Arunmozhi - sydney,ஆஸ்திரேலியா: வெவரம் புரியாத திருட்டு கும்பலோட திரித்த கதையை நம்பி ஏமாந்துடாதீய. 1950 ல, சவரம் செய்யறவன் புள்ளை பள்ளி கூடத்துக்கே வரமாட்டான். தொழில் கத்துக்க போயிடுவான். ஆயினால அவங்களுக்கு "அரைநாளாவது பள்ளிக்கு வரட்டும், பாதி நாள் தொழிலுக்கு போகட்டும், முழு நாளும் பள்ளி வரணனுமின்னா சுத்தம வாரதையே நிறுத்திடுவானுவ." ஒரு திட்டம் உண்டாக்கினாரு. அதை திரிச்சு அரசியல் ஆதாயத்துக்காக அவரை திட்டி, மக்களை ஏமாத்தினாரு அண்ணாதுரை கருணாநிதி எல்லாரும். முழு நாளும் பள்ளிக்கு போகமுடியாத மக்கள் ஏழைகளா இருந்த நம்ம அரசியலுக்கு வசதிதான் ன்னு ஒரு குரூர எண்ணம் கொண்ட அரசியல் கட்சி அது. இம்புட்டு பேசுறீயளே உங்க சொந்தத்துல ஒருத்தராவது சவர தொழிலாளி குடும்பத்துல சம்பந்தம் பேசி இருக்கீயளா? சவர தொழிலாளி தொட்டி மேல இம்புட்டு கரிசனம், சரி. அதுல எத்தனை பேரு உங்க சம்பந்தி?

  • Manian - Chennai,இந்தியா

    அதன் பணபலன் திருடர்கள் கழகத்திற்கு, லஞ்ச பலன் தமிழ் மக்களுக்கு. அதைத் தவிற்கவே, சாணக்கியர், பிராமணர்கள் ஒரு போதும் அரசனாகக் கூடாது. அரசனை ஆட்டுவிக்கும் மந்திரியாக, ராஜ குரு, ஆசிரியர்களாக, பூசாரிகளாக, பரிசாகர்களாக இருந்து நம்மை சார்ந்திருக்க வேண்டும் என்றார். அதனால், தமிழ் நாட்டில் ஒரு பிராமணர் கூட அரசனாக ஆண்டதாக கல்வெட்டுக்கள் இல்லை ராஜாஜி அதை மறந்ததால் அவமானப்பட்டார் ஆனால் தற்போதய பிராமணர்கள் அதைச் செய்யாமல், அமெரிக்க அரசாங்கத்தில் ஆலோசகர்களாக முன்னேறி வருகிறார்கள். அவர்கள் திரும்ப வரமாட்டார்கள். நாம் கல் தோன்றி மண்தோன்றாக் காலத்திய முன் தோன்றிய லஞ்சக் குடிகளாக மஞ்சத்துண்டு அடிமைகளாக, அல்லல் பட்டு ஆற்றாத அழுத கண்ணீரோடு செல்வம் தேய்ந்து சீரழிவோம். சரித்திரத்தை மறந்தவன் தரித்திரமாக சாவான், என்னையும் சேர்த்தே

    • கதிரழகன், SSLC - சிவகங்கை, TN,இந்தியா

      அரசு வியாபாரமும் செய்ய கூடாது. அதை தனியார்தான் செய்ய வேண்டும். அரசின் கடமை வியாபாரி, தொழிலாளியை, பொது மக்களை சுரண்டாமல் பாதுகாக்கும், அந்நிய அரசின் இராணுவத்திடம் காக்க வேண்டும். காவல் மட்டுமே அரசின் கடமை.

  • கதிரழகன், SSLC - சிவகங்கை, TN,இந்தியா

    ராஜாஜியை புரிஞ்சுக்கிற திறமை, அவரை மதிக்கிற அளவு தெளிவு சனங்களுக்கு வந்திருந்தா இந்நேரம் நாம ஜப்பானை மிஞ்சி இருப்போம். சாமி நமக்கு தீர்க்கதரிசியை அனுப்பினாலும் கூத்தாடிய கும்பிட்ட சனம் நம்ம சனம்.

கருத்தைப் பதிவு செய்ய

Advertisement