Advertisement

பக்க வாத்தியம்

'கராத்தே' போட்ட பிள்ளையார் சுழி!



பெட்ரோல், டீசல் விலை உயர்வை கண்டித்து, காங்கிரஸ் சார்பில், அனைத்து கட்சியினர் பங்கேற்ற ஆர்ப்பாட்டம், சென்னை, சேப்பாக்கத்தில் நடந்தது. தென் சென்னை மாவட்ட, காங்., தலைவர் கராத்தே தியாகராஜன், 'தி.மு.க., நடத்தும் கூட்டங்கள், போராட்டங்களில், காங்கிரசின் முக்கிய தலைவர்கள் எல்லாம் கலந்து கொள்கின்றனர். காங்கிரஸ் நடத்தும் ஆர்ப்பாட்டத்தில், தி.மு.க.,வின் இரண்டாம் கட்ட தலைவர்களோ அல்லது எம்.பி., - எம்.எல்.ஏ.,க்களோ வருவதில்லை' என்றார்.

அவரது பேச்சிற்கு, தி.மு.க.,வினர் கடும் எதிர்ப்பு தெரிவித்து, அவரை தொடர்ந்து பேச விடாமல் தடுத்தனர். மேடையில் அமர்ந்திருந்தோர், அவரை சமாதானப்படுத்தி, அமர வைத்தனர்.

காங்கிரஸ் மூத்த நிர்வாகி ஒருவர், 'காங்கிரசுக்கும் சூடு, சொரணை இருக்குன்னு, கராத்தே தியாகராஜன், பிள்ளையார் சுழி போட்டுருக்காரு... இனியாவது, காங்கிரசின் மூத்த தலைவர்கள், அவர் பேச்சுக்கு ஆதரவு தந்தால், தமிழக காங்கிரஸ் உருப்படும்' எனக் கூற, மற்றவர்கள், அதை ஆமோதித்து தலையசைத்தனர்.

Download for free from the Store »

Advertisement
 

வாசகர் கருத்து (1)

  • Bhaskaran - Chennai,இந்தியா

    ஆனால் காங்கிரசின் பெருந்தலைகளுக்கு எதுவும் கிடையாது அவர்களுக்குத்தேவை சில ச.ம. உ. ,நா. உ மட்டுமே

கருத்தைப் பதிவு செய்ய

Advertisement