Advertisement

டீ கடை பெஞ்ச்

வாடகை குறைவால் புலம்பும் போக்குவரத்து ஊழியர்கள்!
''ஸ்டாலின் கூடவே, 30 வருஷமா வலம் வந்தவரை திடீர்னு அனுப்பிட்டாங்க பா...'' என, முதல் ஆளாக, விஷயத்தை ஆரம்பித்தார் அன்வர்பாய்.''யார்னு விளக்கமா சொல்லுங்க...'' என்றார் அந்தோணிசாமி.''ஸ்டாலின் எங்க போனாலும், தொண்டரணியைச் சேர்ந்த செல்வம்னு ஒருத்தர், பாதுகாவலர் மாதிரி கூடவே போவார்... இவரை மீறி, யாரும் ஸ்டாலினை நெருங்க முடியாது பா...''செல்வம், 30 வருஷத்துக்கும் மேலா, ஸ்டாலின் கூடவே வலம் வந்தார்... ஸ்டாலினுக்கு, கட்சியினர் தர்ற சால்வை, பரிசு பொருட்களை, பத்திரமா வீட்டுக்கு கொண்டு வந்து குடுத்துடுவாரு பா...''சமீபத்துல, ஸ்டாலின், திருவாரூர் போயிருந்தப்ப, அங்கே கட்சியினர் தந்த பரிசு பொருட்கள் எதுவும் முறையா வீடு வந்து சேரலையாம்... ''அதுக்கப்புறம், செல்வத்தால், ஸ்டாலினை பார்க்க முடியலை... அவரை இனிமே வர வேண்டாம்னு ஸ்டாலின் வீட்டுல சொல்லிட்டாங்களாம் பா...'' என்றார் அன்வர்பாய்.''நம்ம ஊர் கோவில்களுக்கு தொடர்ந்து வருவார்னு சொல்றா ஓய்...'' என, அடுத்த தகவலுக்குள் நுழைந்த குப்பண்ணாவே தொடர்ந்தார்...''கர்நாடகா முதல்வரா பதவியேற்கறதுக்கு முன்னாடியே, திருச்சி, ஸ்ரீரங்கத்துக்கு வந்து, குமாரசாமி, சுவாமி தரிசனம் பண்ணிட்டு போனாரோல்லியோ...''முதல்வர் ஆனதும், தனி விமானத்துல மதுரைக்கு வந்தார்... கூடவே, குடும்ப ஜோதிடரும் வந்தார்... மீனாட்சி அம்மன் கோவில்ல, அவருக்காக, சிறப்பு அர்ச்சனையும் செஞ்சா... கிட்டத்தட்ட, ஒன்றரை மணி நேரம், கோவில்ல பயபக்தியோட சுவாமி கும்பிட்டுட்டு போனார் ஓய்...''கர்நாடகாவுல, ஆட்சி எந்த பிரச்னையும் இல்லாம போகணும்னா, மதுரை மீனாட்சி அருள் அவசியம்னு ஜோதிடர் சொல்லியிருக்காராம்... அதனால, இனிமே குமாரசாமி, அடிக்கடி மதுரைக்கு வருவார்னு சொல்றா ஓய்...'' என்றார் குப்பண்ணா.''ஒரே வேலை பார்க்குறவங்களுக்கு, ரெண்டு விதமா வாடகைப்படி குடுக்குறாங்க...'' என்றார் அந்தோணிசாமி.''எந்த துறையில பா...'' என்றார் அன்வர்பாய்.''தமிழக அரசு போக்குவரத்து கழகத்துல, சேலம், விழுப்புரம் மண்டலங்களுக்கு சொந்தமான பணிமனைகள், வேலுார் மாவட்டம், திருப்பத்துார்ல இருக்குங்க... இங்க வேலை பார்க்குற தொழில்நுட்ப பணியாளர்களுக்கு வீட்டு வாடகைப்படி தர்றதுல, குளறுபடி இருக்காம்...''அதாவது, சேலம் பணிமனை தொழில்நுட்ப பணியாளர்களுக்கு, 'டி கிரேடு' அடிப்படையில, அதிக வாடகைப்படி குடுக்குறாங்க... ஆனா, விழுப்புரம் மண்டலத்துக்கு சொந்தமான பணிமனையில, 'சி கிரேடு' அடிப்படையில, குறைவான வீட்டு வாடகைப்படி தான் குடுக்குறாங்க...''இதனால, தொழில்நுட்ப பணியாளர்கள் விரக்தியில இருக்காங்க... 'எல்லாருக்கும் சமமா வாடகைப்படியை குடுக்கணும்'னு கேட்குறாங்க...'' என்றார் அந்தோணிசாமி.அன்றைய அரட்டை முடிவுக்கு வந்தது.

Download for free from the Store »

Advertisement
 

வாசகர் கருத்து (1)

  • D.Ambujavalli - Bengaluru,இந்தியா

    'எனக்கு சால்வை, பரிசுகள் வேண்டாம் புத்தகங்களைக் கொடுங்கள்' என்றாரே ஸ்டாலின். அதெல்லாம் காற்றோடு போயிற்றா ? 'வீட்டில்' இந்தப் பைத்தியக்காரத்தனத்தையெல்லாம் விட்டுத் தொலைச்சு , நாலு விலையுயர்ந்த பரிசுகளா வாங்கிவாங்க' என்றிருப்பாங்களோ ?

கருத்தைப் பதிவு செய்ய

Advertisement