Advertisement

இது உங்கள் இடம்

வரியே இல்லாத நாடு செல்ல கமலுக்கு வாழ்த்து!



ப.மணிசங்கர், வீடு மற்றும் அடுக்குமாடி கட்டுவோர் சங்கங்களின் கூட்டமைப்பின் மாநில தலைவர், சென்னையிலிருந்து எழுதுகிறார்: சினிமா துறையில், பல்வேறு வகைகளில் கறுப்பு பணம் புழங்குகிறது. செல்லாத ரூபாய் நோட்டு என, மத்திய அரசு கொண்டு வந்த திட்டத்தால், மிகவும் பாதிக்கப்பட்டது, அத்துறை தான்.நடிகர்கள், தங்கள் சம்பளமாக, பல கோடி ரூபாய்களை, கணக்கில் வராமல், வரி ஏய்ப்பு செய்து, வருமான வரித் துறையினரிடம் மாட்டிக் கொள்வதும் நடக்கிறது. 'சினிமா துறைக்கு விதிக்கப்பட்ட,
௨௮ சதவீத ஜி.எஸ்.டி., வரிகளை எதிர்த்து, தான் இனிமேல் சினிமா படங்களில் நடிக்க போவதில்லை' என, நடிகர் கமல் ஹாசன் கூறினார்.பல்வேறு ஆலோசனைகளை நடத்தி ஒவ்வொரு துறையின், சாதக, பாதகங்களை ஆராய்ந்து, விதிக்கப்பட்ட வரியை, உடனடியாக குறைக்க வேண்டும் என, ஒரு நடிகர் கூறுவதில் தவறில்லை.ஆனால், வரி விகிதத்தை குறைக்கா விட்டால், தான் நடிக்க போவதில்லை என்று கூறுவதால், தமிழகத்திற்கோ, இந்தியாவிற்கோ எவ்வித பாதிப்பும் ஏற்படுத்த போவதில்லை. ஜி.எஸ்.டி., வரி விகிதத்தை குறைக்காவிட்டால், நடிக்க போவதில்லை என, கமலை போல் தென்னிந்திய நடிகர்கள் யாரும் கூச்சலிடவில்லையே!வரி என்பது மக்களின் நலன் மேம்பாட்டிற்காக, அரசால் விதிக்கப்படுவது. 'நாங்கள் வரி கட்டமாட்டோம், நடிக்க மாட்டோம்' என நடிகர் கூறுவதில், நாட்டில் எந்த பிரளயமும் ஏற்பட போவதில்லை. இதுவரை, கறுப்பு பணமே, தான் வாங்கியதில்லை என, கமல் சத்தியம் செய்ய முடியுமா... அப்படியே அவர் செய்தாலும் யாரும் நம்ப போவதில்லை!
சினிமா துறையினர் கறுப்பு பணம் நடவடிக்கைக்கு, ஜி.எஸ்.டி., வரி விகிதம் சரியான நடவடிக்கை. எனவே, நடிகர் கமல் ஏற்கனவே அவர் நடித்த ஒரு படம் வெளியிட தாமதமான போது, இந்தியாவை விட்டு சென்று விடுவதாக கூறியிருந்தார். அப்படி செல்வதாக இருந்தால், நடிகர் கமல் ஹாசன் அவர்களே, வரியே இல்லாத நாட்டிற்கு சென்று,
தங்கள் கலை பயணத்தை தொடர வாழ்த்துகள்!

தனியார் மயம்;தற்கொலைக்குசமம் அய்யா!


டி.நாச்சிமுத்து, தமிழ்நாடு அரசு போக்குவரத்துக் கழகம் (பணி நிறைவு), போடிபட்டி, திருப்பூர் மாவட்டத்திலிருந்து எழுதுகிறார்: 'அரசு பஸ்களை, தனியார் மயமாக்குவது தான் சரியான வழி' என, இதே பகுதியில், வாசகர் ஒருவர் கருத்து தெரிவித்து இருந்தார்; அது, தவறானது.கடந்த, 1972ல், அன்றைய முதல்வர் கருணாநிதியால் உருவாக்கப்பட்ட சேரன், சோழன், பாண்டியன், பல்லவன் போக்குவரத்துக் கழகங்களில், தன்னலமற்ற பணியாளர்கள், சிறந்த அதிகாரிகளின் வழிகாட்டுதலால், ஆண்டுதோறும், 30 - 40 லட்சம் ரூபாய் என, லாபக் கணக்கு காட்டப்பட்டது.அன்று, போக்குவரத்துக் கழகங்கள் போட்டி போட்டு லாபத்தை அறிவித்து, தம்பட்டம் அடித்தன.நான், 1974ல் போக்குவரத்துக் கழக பணியில் சேர்ந்து, 2011ல் பணி ஓய்வு பெற்றேன். 1977ல், உ.பி., மாநில ஐகோர்ட் நீதிபதி, ஆர்.சி.சின்காவால், 'உலகிலேயே சிறந்து போக்குவரத்துக் கழகம், சேரன் போக்குவரத்துக் கழகம் தான்' என, கூறினார்; அதை வாசகருக்கு நினைவூட்ட விரும்புகிறேன்...
கடந்த, 1975ல், 32.5 சதவீதம் போனஸ் வழங்கி சிறப்புப் பெற்றதும், சேரன் போக்குவரத்துக் கழகம் தான். நான் ஓய்வு பெற்று, ஆறு ஆண்டுகள் முடிந்த பின், எனக்கு இன்னும், 2.5 லட்சம் ரூபாய் பணப் பலன் நிலுவையில் உள்ளது.மதுரை உயர் நீதிமன்ற கிளையில் வழக்கு போட்டு, நீதிமன்ற உத்தரவை, ஜன., 3ல் அனுப்பி வைத்தும், 22 ஆயிரம் ரூபாய் மட்டும் கிடைக்கப் பெற்றுள்ளேன். அரசு பணப் பலன்களை வழங்காத காரணத்தால் தான், 2017, மே 15ல் வேலை நிறுத்தம் நடைபெற்றது.போக்குவரத்து ஊழியர்கள் போராட்டத்தால், இரு நாட்கள் அரசு பஸ்கள் இயங்கவில்லை; அதை பயன்படுத்தி, தனியார் பஸ்கள் கட்டணக் கொள்ளை அடித்ததை, ஊடகங்கள் ஒளிபரப்பின; அந்த வாக்குமூலத்தை, வாசகர் காணவில்லை போலும்!அரசு போக்குவரத்துக் கழகம், முழுமையாக தனியார் மயமானால், மக்களிடம் கட்டணக் கொள்ளையில் ஈடுபடுவர். அரசு போக்குவரத்துக் கழக பஸ்களால், ஏழை, எளிய மக்கள் பயன் அடைகின்றனர்; அதை, வாசகர் புரிந்து கொள்ள வேண்டும்.உடம்பில் நோய் ஏற்பட்டால், டாக்டரை பார்த்து, சரி செய்ய வேண்டுமேயன்றி, தற்கொலை செய்து கொள்ளக் கூடாது!



பெண் பிறப்புவிகிதத்தைதடுக்கக் கூடாது!

சொ.செல்வராஜ், கோ - ஆப்டெக்ஸ் மண்டல மேலாளர் (பணி நிறைவு), சென்னையிலிருந்து எழுதுகிறார்: பெண் குழந்தைகளை பாதுகாக்கும் நோக்கில், தொட்டில் குழந்தை திட்டத்தை அறிவித்தார், முன்னாள் முதல்வர் ஜெயலலிதா.இத்திட்டத்தின்படி, வறுமை உள்ளிட்ட சில காரணங்களால், பெற்றெடுக்கப்பட்ட குழந்தைகளை வளர்க்க இயலாதோர், காப்பகத்தில் சேர்க்கலாம். இதன் மூலம், பெண் சிசுக் கொலை, கருக்கலைப்பு போன்றவை வெகுவாக குறைந்தது.'தொட்டில் குழந்தை திட்டத்தின் கீழ், 5,200 குழந்தைகள் பராமரிக்கப்படுகின்றன; பெண் குழந்தைகளின் பிறப்பு விகிதம், 100 ஆண்களுக்கு, 90 என்ற நிலையிலிருந்து, 96 என அதிகரித்துள்ளது' என, தமிழக அரசும் கூறியது.ஆனால், சில நாட்களுக்கு முன், கன்னியாகுமரி மாவட்டம், ஈத்தாமொழி எனும் ஊருக்கு அருகில், சிறிய கிராமத்தில், ஒரு பெண்ணுக்கு, ஏற்கனவே இரண்டு வயது பெண் குழந்தை இருந்தது. மீண்டும் கர்ப்பமடைந்து, இரட்டைப் பெண் குழந்தைகளை பெற்றெடுத்தாள்.
'ஆண் வாரிசு வேண்டும்' என்ற ஆர்வத்திலிருந்த அப்பெண்ணும், குடும்பத்தினரும் ஏமாற்றம் அடைந்தனர். மன உளைச்சலுக்குள்ளான தாய், இரட்டைப் பெண் குழந்தைகளை மார்போடு அணைத்து, அழுத்தி, மூச்சு திணற வைத்து சாகடித்தாள்; இச்செய்தி, தமிழகத்தை உலுக்கியது.மேலும், தொட்டில் குழந்தை திட்டத்தின் மூலம், அரசு அறிவித்த புள்ளி விபரங்கள் மீதும் சந்தேகம் எழுந்தது.'தொட்டில் குழந்தை திட்டம்' பற்றிய விழிப்புணர்வு இருந்திருந்தால், ஒருவேளை தான் பெற்ற இரட்டைப் பெண் குழந்தைகளை குழந்தைகள் காப்பகத்திற்கு, அந்த தாய் அனுப்பியிருக்கலாம்.எனவே, தமிழக அரசும், சம்பந்தப்பட்ட துறை அதிகாரிகளும், 'தொட்டில் குழந்தை திட்டம்' பற்றிய விபரங்களை, மக்கள் உண்மையிலேயே அறிந்து கொள்ள ஏதுவாக, மாநகரம் முதல், குக்கிராமங்கள் வரை, விழிப்புணர்வு முகாம்களை நடத்த வேண்டும்; இதன் மூலம் பெண் குழந்தைகளின் இறப்பு விகிதத்தைக் குறைக்க முடியும்!

Advertisement
 
Outbrain

வாசகர் கருத்து (5)

  • Marimuthu Govindaraj - chennai,இந்தியா

    Most of the Self-finance Schools, Arts and Science colleges in Tamil Nadu credit Salary only Rs. 5000 to 10000 for working Asst.Professors,Teachers.Govt not properly monitor and take action against those violate rules by institutions. KALVI POTHIKKUM AASIRIYARGALAI VANJIKKUM NAADU URUPUDATHU- Ezhuthu arivithavan Iraivan aavan

  • Sundar - Madurai,ஐக்கிய அரபு நாடுகள்

    Law Clarification One promoter in Anna Nagar, Madurai constructed flats in ground with eight floor apartment wherein ground floor is a car parking area. The Supreme Court has given order to give service connections only for ground and flats in 4 floors. But, TNEB gave power supply for flats in 8 floors. Thus, unauthorized Power supply was given illegally for four floors and liable for Contempt of Court. In this respect an objection letter was forwarded to Superintending Engineer, TNEB in 2015 and there is no response. It is also presumed that promoter had obtained CMD approval only for ground and four floors. It is apprehended any disaster of men and material in Chennai silks in May 2017 and in disaster in Moulivakkam Chennai in 2015 due to violation of planning approval and furthermore the unauthorized power supply to flats in four floors. Also Madurai corporation has given water and sewerage connections. What legal action is to be initiated?

  • Sundar - Madurai,ஐக்கிய அரபு நாடுகள்

    There is great opportunity to join for course in Law College for those who missed and those who has above age limit only in this academic year. I have great interest to get admission. I am running 72 years. I have completed then PUC in Madras University. and there is only grade tem and no mark tem. I graduated in Electrical Engineering under Madras University with only grade tem. In those days only two Universities, Madras University and Annamalai University. In the application form for the admission in Law college, there are columns for marks for +2 and graduate. Unfortunately I do not have either. I approached the Manager, Law College, Madurai and was informed to fill the application with covering letter that my inability to convert grade tem into mark tem. My ion in this point locked since the ors for my admission may reject according to the present policy and guidelines and it is possible they may not accept my application through legal angle. It is requested Dinamalar shall approach the related departments to facilitate me and other such candidates like me who have the ambition in life time opportunity The closing date of accepting application is 17th July, 2017.

  • g.s,rajan - chennai ,இந்தியா

    சினிமாத் துறையினரிடம் ஏகப்பட்ட கறுப்புப் பணம் உள்ளது ,சினிமா தயாரிக்க அவர்களுக்கு யார் பணம் கொடுக்கின்றனர் ,எப்படி அவர்களுக்கு அந்தப் பணம் வந்தது, சினிமாவில் நடிப்பவர்கள் யார் யார் எவ்வளவு சம்பளம் வாங்குகின்றனர் .கறுப்பில் எவ்வளவு ???வெள்ளையில் எவ்வளவு ??கணக்கில் காட்டப்படாத பணத்தை எங்கு முதலீடு செய்து உள்ளனர் ???வருமான வரித்துறை என்ன செய்யுது ??ஒன்றுமே புரியவில்லை .

  • Sekar - Maraimalai Nagar

    நாச்சிமுத்து சார் 70-80 காலகட்டத்தில் தன்னலமற்ற அதிகாரிகளும் பணியாளர்களும் இருந்திருக்கலாம். ஆனால் இன்று ஊழல்வாதிகள்தான் அதிகம் உள்ளனர். அமைச்சர்களும் அவர்கள் பங்கிற்கு ஊழலுக்கு ரைட் கொடுக்கின்றனர். போதாக்குறைக்கு இலவச pass கொடுத்து ஓட்டுப் பொறுக்கும் அரசியல்வாதிகள். பெரும்பாலான நடத்துனர்கள் பயணிகளைக் கிள்ளுக்கீரையாகவே மதிக்கின்றனர். Peak hoursல் ஓட்டுனர்கள் நிறுத்தத்தை விட்டு தள்ளி நிறுத்திப் பயணிகளை ஓட விடுகினறனர். LSS, Express, point to point, deluxe என்று மறைமுகக் கட்டண உயர்வு தனியார் மயமாக்கி கட்டணத்தை அரசு கண்காணிக்கட்டும் கட்சியினர் சம்பாதிக்க அன்று கருணாநிதி அரசுடைமையாக்கினார். அதுதான் இன்று நடக்கிறது. இது அவரது தீர்க்க தரிசனத்திற்கு சாட்சி.

கருத்தைப் பதிவு செய்ய

Advertisement