Advertisement

NRIஆல்பம்: ஆப்பிரிக்கா

கார்த்திகை மாதம் மூல நட்சத்திரம் கூடிய சுபதினத்தில் 2011ம் ஆண்டு லேகோஸ் ஸ்ரீ சுப்ரமணிய ஸ்வாமி கோவில் கும்பாபிஷேகம் நடைபெற்றது. அதன் பின் ஒவ்வொரு வருடமும் வருஷாபிஷேத்திற்காக ராமேஸ்வரத்தில் இருந்து 108 விசேஷ சங்குகள் வரவழைக்கப்பட்டு முருகனுக்கு அபிஷேகம் செய்வது வழக்கம். இந்த வருடமும் சங்காபிஷேகமும் வருஷாபிஷேகமும் விமர்சையாக நடைபெற்றது.
போட்ஸ்வானா, கபோறோணியில் 20 வருடங்களுக்கு மேலாக செயல் பட்டு வரும் ஸ்ரீ சத்ய சாய் மையத்தில் ஸ்ரீ சத்ய சாய் பாபாவின் பிறந்த நாள் ஒவ்வொரு வருடமும் தவறாது கொண்டாடப்பட்டு வருகிறது. இந்த வருடமும், ஸ்ரீ சத்ய சாய் பாபாவின் 93 வது பிறந்த நாள், ஸ்ரீ சத்ய சாய் மையத்தால் கபோறோணியில் கொண்டாடப்பட்டது.
லேகோஸ் ஸ்ரீ சுப்பிரமணிய ஸ்வாமி கோவிலில் கந்த சஷ்டி கோலாகல விழா, சீர் தட்டுகள் வெற்றிலைபாக்கு, தேங்காய், பழங்கள், இனிப்பு வகைகள், முறுக்கு வகைகள், முந்திரி-பாதாம் போன்றவைகள், உலர்ந்த பழவகைகள் பக்தர்கள் அடுக்கி வைக்க ஊஞ்சல், முகூர்த்தம் என்று முருகன் திருக்கல்யாணம் இனிதே நிறைவுற்றது.
நைரோபி முருகன் கோவில் பிரதிஷ்டை செய்து பாலாலய கும்பாபிஷேகம், தொடர்ந்து மண்டலாபிஷேகம் நடை பெற்றது. ஆறு நாள் கந்த ஷஷ்டி பெரு விழாவும் மிக சிறப்பாக கொண்டாடப் பட்டது. திரளான பக்தர்கள் தினமும் நிகழ்சிகளில் கலந்து கொண்டனர்.
மொரிஷியசில், தமிழ் பேசும் மக்கள் செவ்வாய் அன்றும், வட இந்தியர் பரம்பரையை சேர்ந்தோர் புதன் கிழமை அன்றும், தீபாவளியினை கொண்டாடினர். கதற போன்ஸ் மாநகர கட்டிட வளாகமும் மின் விளக்கினால், தீபாவளி வாழ்த்துக்கள் செய்தியுடன் அலங்காரம் செய்யப்பட்டிருந்தது
போட்ஸ்வானாவில் உள்ள ஸ்ரீ பாலாஜி கோவிலில், நவராத்திரி மிகவும் விமரிசையாக கொண்டாடப்பட்டது. கோவிலில் கொலு வைக்கப்பட்டு ஒன்பது நாட்களும் அம்பாளுக்கு சிறப்பு பூஜைகள் நடத்த பட்டது. சரவண குருக்கள், அம்பாளை ஊஞ்சலில் அமர வைத்து மிகவும் சிறப்பாக அலங்காரம் செய்து இருந்தார்.
காங்கோ கின்ஷாசாவில் விமரிசையாக நவராத்திரி விழா கொண்டாடப்பட்டது. அக்டோபர் 10 ஆம் நாள் தொடங்கி 19 ஆம் நாள் விழா நிறைவுற்றது.
சபரி மலையில் பெண்களை அனுமதிக்கும் இந்திய உச்ச நீதி மன்ற தீர்ப்புக்கு எதிர்ப்பு தெரிவித்து, போட்ஸ்வானாவில் உள்ள கபரோனி பாலாஜி கோவிலில், அய்யப்ப பக்தர்கள் பேரணி நடத்தினார்கள்.
மொரிஷியஸ், அருள்மிகு பராசக்தி காளி கோவிலில் நவராத்திரி வைபவத்தின் ஒரு பகுதியாக கடந்த தம்பதிகள் பங்கேற்ற ஸஹஸ்ரநாம அர்ச்சனை விமரிசையாக நடந்தது. அதன் பின், காளி அம்மன் வைஷ்ணவி தேவி அலங்காரத்தில் எழுந்தருள, சிறப்பு பூஜைகள் செய்யப்பட்டன.
காங்கோ கின்ஷாசா நகரில் காங்கோ ஹிந்து மண்டல் சார்பில் விநாயகர் சதுர்த்தி விழா பத்து நாட்கள் நடைபெற்றது; ஒரு நாள் தமிழ் மொழி பேசும் மக்களுக்கு விழா நடத்த அனுமதிக்கப்பட்டது. நம் மக்கள் மற்ற மொழி மக்களுடன் இணைந்து விழா நடத்தப்பட்டது;
 

Download for free from the Store »

Advertisement