Advertisement

சுவிட்சர்லாந்து மர்த்தனியில் ஞானலிங்கேச்சுரர் கோவில் திருவிழா

மர்த்தினி: சுவிட்சர்ர்லாந்து நாட்டில் வலே மாநிலத்தில் 150க்கும் உட்பட்ட தமிழ்க்குடும்பங்கள் கூடிவாழும் மர்த்தினி நகரில் இவ் ஆண்டு இரண்டாவது தடவையாக ஞானலிங்கேஸ்வரர் கோயில் தேர்த் திருவிழா நடைபெற்றது. ஒரு வார காலம் நடைபெற்ற பொற்றடை அழகொப்பனைத் திருவிழாவில் முதற்தடவையாக தேரில், ஞானலிங்கப்பெருமான், ஞானாம்பிகையுடன் உலா வந்தார். மறுநாள் திருமுழுக்கு விழா (தீர்தத்திருவிழா)வும் அதற்கு அடுத்தநாள் திருக்கல்யாணமும் தொடர்நது வைரவர் பெருஞ்சாந்தி விழாவும் நடைபெற்றன.

மர்த்தினி நகரின் ஊராட்சி மன்ற உறுப்பினர்களும், நகரசைபத் தலைவர், உறுப்பினர்களும் வலே மாநில சைவநெறிக்கூடத்தின் அழைப்பினை ஏற்று தேர்த்திருவிழாவிற்கு வந்திருந்தனர். பேர்ன் நகர சைவநெறிக்கூடம், ஞானலிங்கேச்சுரர் கோவில் முரளிதரன், தர்மலிங்கம் சசிக்குமார் ஆகியோருடன் மர்த்தினி ஞானலிங்கேச்சுரர் கோவில் இரத்தினசபாபதி பாலகுமாரன், கனகரத்தினம் பகீரதன், கணேசமூர்த்தி விஜயகுமார் ஆகியோர் விழாக்காலச் சடங்குகளை தமிழில் நடத்தினர். இலங்கையிலிருந்து வந்திருந்த மதுசூதனன் இசைக்குழுவினர் மங்கல இசை வழங்கினர்.

தேரில் இருந்து பெருமான் பச்சை அணிந்து கீழிறங்கி கோவிலுக்குள் நுழைந்ததும் மர்த்தினி வாழ் இளைஞர்கள் இசைவேள்வி நடத்தினர். இராசையா மகேஸின் மாணவர்களின் கலைத்திறன் இதில் வெளிப்பட்டது.

- தினமலர் வாசகர் தில்லையம்பலம் சிவகீர்த்தி

Advertisement
 
Outbrain

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement