Advertisement

பொறியாளர் தேர்வு நடத்துவதில் இழுபறி

மின் வாரியத்தில், 350 உதவி பொறியாளர்களை தேர்வு செய்வதற்கான எழுத்து தேர்வை, யார் நடத்துவது என்பதில், இழுபறி ஏற்பட்டுள்ளது.
மின் வாரியத்தில், காலி பணியிடங்கள் அதிகம் உள்ளதால், பணிபுரியும் ஊழியர்களுக்கு, கூடுதல் பணிச்சுமை ஏற்பட்டுள்ளது. இதையடுத்து, எழுத்து தேர்வு வாயிலாக, எலக்ட்ரிக்கல் பிரிவில், 300; சிவில் பிரிவில், 25 என, மொத்தம், 325 உதவி பொறியாளர்களை தேர்வு செய்வதற்கான அறிவிப்பை, மின் வாரியம், பிப்ரவரி, 14ல் வெளியிட்டது.இதற்கு விண்ணப்பிக்க, மார்ச், 6 வரை அவகாசம் வழங்கப்பட்டது.
தேர்வுக்கு, 80 ஆயிரத்திற்கும் மேற்பட்ட, இன்ஜினியரிங் பட்டதாரிகள் விண்ணப்பித்தனர். பல மாதங்கள் ஆகியும், இதுவரை, எழுத்து தேர்வு நடக்கவில்லை.இதுகுறித்து, தேர்வுக்கு விண்ணப்பித்த பட்டதாரிகள் கூறியதாவது:உதவி பொறியாளர் எழுத்து தேர்வை, அண்ணா பல்கலை வாயிலாக நடத்த திட்டமிடப்பட்டது. அந்த பல்கலையில், விடைத்தாள் மறுமதிப்பீட்டில் நடந்த முறைகேடுகள் குறித்து, விசாரணை நடப்பதால், தற்போதைக்கு, தேர்வை நடத்த வாய்ப்பில்லை என, பல்கலை தரப்பில் கூறப்படுகிறது.
விரைவில், 20 சட்டசபை தொகுதிகளில், இடைத்தேர்தல் நடக்க உள்ளது. தேர்தல் அறிவிப்பு வந்தால், நடத்தை விதிகள் அமலுக்கு வரும். அதனால், எழுத்து தேர்வை நடத்த, மேலும் தாமதமாகலாம். எனவே, தமிழ்நாடு அரசு பணியாளர் தேர்வாணையம் வாயிலாக, விரைவில் தேர்வை நடத்தி, உதவி பொறியாளர்களை நியமிக்க, அதிகாரிகள் நடவடிக்கை எடுக்க வேண்டும்.இவ்வாறு, அவர்கள் கூறினர்.

- நமது நிருபர் -

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement