Advertisement

தென் தமிழகத்தில் மித மழை பெய்ய வாய்ப்பு

சென்னை: சென்னை வானிலை மைய இயக்குனர் புவியரசன் நிருபர்களிடம் கூறியதாவது: தாய்லாந்து வளைகுடா அதனை ஒட்டி நிலவிய காற்றழுத்த தாழ்வு பகுதி , மத்தியவங்க கடலில் நிலவி வருகிறது. இது 3 நாட்களில் அந்தமான் பகுதியில் மேற்கு, வட மேற்காக நகர்ந்து புயலாக மாற வாய்ப்புள்ளது. இதன் காரணமாக வரும் 10 , 11, 12, 13 ம் தேதிகளில் மீனவர்கள் அந்தமான், ஒட்டிய கடல் பகுதிக்கு செல்ல வேண்டாம் என கேட்டு கொள்ளப்படுகிறார்கள்.

வளிமண்டல மேலடுக்கு சுழற்சி குமரிக்கடல், இலங்கை அருகே நிலவி வருகிறது. இதன் காரணமாக தென் தமிழகத்தில் லேசானது முதல் மிதமான மழை பெய்யும். நெல்லை , தூத்துக்குடி மாவட்டங்களில் கன மழை பெய்யக்கூடும். சென்னைக்கு மழை வாய்ப்பு இல்லை. சமீபத்திய பருவமழை இயல்பை விட குறைவு தான். கடந்த 24 மணி நேரத்தில் அதிகப்பட்சமாக சீர்காழியில் 7 செ.மீ. மழை, நன்னிலம் 6 செ.மீ., மழை பெய்துள்ளது. இவ்வாறு அவர் கூறினார்.
Advertisement
 

வாசகர் கருத்து (2)

  • Bhaskaran - Chennai,இந்தியா

    வருணபகவான் சென்னையின் மீதும் கொஞ்சம் கருணைகாட்ட வேண்டும்

  • B Srinivasan - trichy,இந்தியா

    மழை எப்போ தாங்க பெய்யும்?

கருத்தைப் பதிவு செய்ய

Advertisement