Advertisement

எட்டு வழிச்சாலை செலவு; ரூ.7,120 கோடியாக குறைப்பு

சென்னை - சேலம் எட்டு வழிச்சாலை திட்ட செலவு, 7,120 கோடி ரூபாயாக, தேசிய நெடுஞ்சாலை ஆணையம் குறைத்துள்ளது.


சென்னை - சேலம் இடையே, 'பாரத்மாலா' திட்டத்தின் கீழ், எட்டு வழிச்சாலை அமைக்க, மத்திய அரசு முடிவெடுத்துள்ளது. இதற்காக, 11 ஆயிரம் கோடி ரூபாய் ஒதுக்கப்பட்டுள்ளது. சேலம், தர்மபுரி, கிருஷ்ணகிரி, திருவண்ணாமலை, காஞ்சிபுரம் மாவட்டங்கள் வழியாக, இச்சாலை அமைக்கப்பட உள்ளது.



இச்சாலைக்கு நிலம் கையகப்படுத்த, எதிர்ப்பு கிளம்பியுள்ளது. இதுதொடர்பான வழக்கும், உயர் நீதிமன்றத்தில் நடந்து வருகிறது. இந்த நிலையில், திட்டத்தில் சிறிய மாற்றத்தை, தேசிய நெடுஞ்சாலை ஆணையம் செய்துள்ளது. இதனால், திட்ட மதிப்பீட்டு தொகை, 7,120 கோடி ரூபாயாக குறைக்கப்பட்டு உள்ளது.


இதுகுறித்து, தேசிய நெடுஞ்சாலை ஆணைய அதிகாரி ஒருவர் கூறியதாவது: சேலம், கல்வராயன் மலைப் பகுதியில், 13.29 கி.மீ., துாரத்துக்கு, 90 மீட்டர் அகலத்தில் சாலை அமைக்க, திட்டமிடப்பட்டு இருந்தது. தற்போது, இது, 9 கி.மீட்டரா கவும்; 70 மீட்டர் அகலமாகவும் குறைக்கப்பட்டுள்ளது.


வனப் பகுதியில், 111 ஏக்கர் நிலம் மட்டுமே கையகப்படுத்தப்பட உள்ளது. எதிர்ப்புக்கு பணிந்து, சாலை திட்டத்தில், பெரிய அளவில் மாற்றம் செய்யப்பட்டுள்ளதாக, பிரசாரம்
செய்யப்படுகிறது; இது தவறானது. வனத்துறையின் கோரிக்கையை ஏற்று, வனப் பகுதியில் மட்டுமே, மாற்றம் செய்யப்பட்டு உள்ளது.


இச்சாலை பணியை, ஆறு கட்டங்களாக முடிக்க, இலக்கு நிர்ணயம் செய்யப்பட்டுள்ளது. உயர் நீதிமன்றத் தில், சாதகமாக தீர்ப்பை பெற்று, விரைவில் பணிகள் துவங்கும். இவ்வாறு, அவர் கூறினார்.


- நமது நிருபர் -
Advertisement
 

வாசகர் கருத்து (19)

  • muthu - tirunelveli,இந்தியா

    INSTEAD OF MAKING END TO END ROAD ( TO AND FRO FROM SALEM ) AS THERE IS NO VILLAGES IN BETWEEN TO GET BENEFIT FROM THIS ROAD , , CONSIDER EXTENSION OF EXISTING ROAD FOR BETTER ADVANTAGES FROM THE HISTORY OF ROAD

  • astromaniam - Trichy,இந்தியா

    தேர்தல்களில் நல்லவர்களை தேர்ந்தெடுக்கத்தவறி இருபது ரூபாய் டோக்கனுக்கு விலை போகும் தமிழக வாக்காளர்கள் நல்லவர்களின் ஆட்சியில் கிடைக்கும் சௌகரியங்களை பயன்படுத்தாமல் குறை சொல்கிறார்கள்.

  • ஈரோடுசிவா - erode ,இந்தியா

    சாலை போடப்படும் ... இதில் எதிர்ப்பவனும் பயணம் செய்வான் .... நிலம் தர மறுப்பவனும் பெருத்த லாபமடைவான் ... சாலையோர கிராமங்கள் முன்னேற்றமடையும் .

  • ஆப்பு -

    எது வேணும்னாலும் பண்ணுங்க... ரோடு போடும் கான் ட்ராக்ட மட்டும் தமிழகத்தில் யாருக்கும் குடுத்திறாதீங்க. நங்கநல்லூர் புழுதி வாக்கம் பஸ் நிலையம் உள்ள சாலையை இதுவரை 5 வருஷத்துல நாலுதரம் போட்டுட்டாங்க....போட்ட 3, 4 மாசத்துலேயே சாலை பேந்துக்கிட்டு வந்துருது. இவனுங்கெல்லாம் கல் உடைக்கத்தான் லாயக்கு.... ஆளுங்கட்சிக்கு துட்ட அடிச்சு கான் ட்ராக்ட் வாங்கிடறானுவ.

  • astromaniam - Trichy,இந்தியா

    சென்னை செங்கற்பட்டு செய்யார் செங்கம் என சேலத்தடிற்கு குறுக்கு வழி மிகச்சிறந்த திட்டம்..நிலம் கொடுக்க மறுப்பவர்கள் சாலை போட்டவுடன் அதன் ஓரமாக அவர்கள் விட்ட நிலத்திலேயே வீடு கட்டிகடை வைத்து பிழைக்கப்போகிறார்கள்.

  • ALL INDIAN BJP - singapore,சிங்கப்பூர்

    இந்த சாலை வேண்டாம் என்று போராடும் கூட்டம், இத்தனை ஆண்டுகளாக ஏரி குளம் குட்டை நாசமாக்கியது, மணல் கொள்ளையில் அணையே உடைந்தது, இருந்தாலும் இன்று வரை தொடரும் மணல் கொள்ளை, வரைமுறையில்லா ஆக்கிரமிப்புகள், எந்த கட்டுப்பாடும் இல்லாமல் பூச்சி மருந்து உபயோகத்தில் விவசாயம் நாசமாகி அதனால் பல வியாதிகள் வருவது, எந்த திட்டமும் வேண்டாம், வேலையும் வேண்டாம்,ஆனால் உட்கார்ந்து சாப்பிட இலவசம் மட்டும் வேண்டும் என்பதையெல்லாம் எதிர்த்து போராட வருவார்களா ???

  • AURPUTHAMANI - Accra,கானா

    சார் வேலையை ஆரம்பிச்சு சீக்கிரம் திறப்பு விழாவுக்கு மோடியை கூப்பிடுங்க. எல்லோரும் பலூன் விட்டுட்டு மறந்திருவானுங்க. இதல்லாம் இவர்கள் இயற்கையை மலையிலிருந்து மன்வரை நாசம் செய்ததை மறைக்க இப்போ தூத்துகுடியும் எட்டுவழி சாலையையும் எடுத்து கொண்டு போராடுகிறார்கள். கால்ட்வெல் சொல்லி தமிழன் பண்டிகை கொண்டாடணும் ஒருத்தன் சொல்றன்னா நம்மை எவ்வளவு முட்டாள்கள் என்று நினைத்திருப்பார்கள் ?அதுதான் இதுவும்.

  • POORMAN - ERODE,இந்தியா

    நிலத்தை கொடுக்கும் விவசாயிகளுக்கு இரண்டு பங்கு பணம் கொடுங்கள். மற்றும் டோலில் வரும் வருமானத்தில் (எல்லா வகையிலும் 50%சதவிகிதம் தருவோம்ன்னு சொல்லுங்கள். எல்லாத்தையும் கார்ப்பரேட்டுகாரன் - லய திணிக்கும் போக்கை கை விடனும்.

  • POORMAN - ERODE,இந்தியா

    இருக்கும் சாலைகளை மேம்படுத்தலாம். சாமானியர்களுக்கு இந்த சாலை இல்லை என்பதை யாரும் வெளிப்படையாய் சொல்வதில்லை. பணக்காரர்களுக்காக பணக்காரர்களால், போடப்படும் ரோட்டுக்காக பாமரர்களின் வாழ்வாதாரம் அடித்து பிடுங்கப்படுவதையும் யாரும் வரவேற்கவில்லை. அதிமுக வை பொறுத்தவரை உடனே ஆரம்பித்தால் கான்ட்ராக்ட் அவர்களது ஆட்களுக்கு ஒதுக்கலாம். திமுக வை பொறுத்தவரை இன்னும் கொஞ்ச காலம் கழித்து ஆரம்பித்தால் தங்களது ஆட்களுக்கு காண்ட்ராக்ட் கொடுக்கலாம், டோல் உரிமம் எடுக்கலாம் என அதுக்கு தகுந்த மாதிரி மக்கள் எடுத்து சொல்லி அவர்கள் சம்மதம் பெற்று ஆரம்பிக்கலாம் என்று சொல்கிறார்கள். மைய அரசை பொறுத்தவரை தங்கள் காரப்பரேட் சகாக்கள் பொது மக்களிடம் கொள்ளையடிக்க பொது மக்கள் நிலத்தை பிடுங்கி பொது மக்கள் பணத்துல ரோடு போட்டு, காசை கட்சியும் கார்ப்பரேட்டும் வச்சுப்பாங்க.

  • பாமரன் - நம்மூர்தான்,இந்தியா

    இந்த அனாவசிய திட்டத்தை இனி கொண்டு வர முடியுமாங்கிரது டவுட் தான்... தமிழ்நாட்டில் எந்த சாலை திட்டமும் இவ்வளவு எதிர்ப்பு சந்திக்கலை.. எந்த கம்பெனியும் முதலீடு செய்ய முன் வராது. வேணும்னா கவர்ன்மென்ட் முழுமையாக செலவுகளை பார்த்து கொண்டால் ஃபெயிலியர்க்கு பேர் போன அனில் அம்பானி அவார்ட் செய்ய படலாம்.... பார்ப்போம்..

  • tamil - coonoor,இந்தியா

    இந்த திட்டத்தை ரத்து செய்துவிட்டு, இந்த தொகையை வேறு திட்டங்களுக்கு செலவிடலாம், கரூர் - கோவை சாலை விரிவாக்க பணிகளுக்கு செலவிடலாம், மேற்கு மண்டலத்தில் தான் அதுவும் கோவை பகுதியில் தான் விரிவாக்க பணிகள் எதுவும் நடைபெறவில்லை, தொழில் நகரமாகவும், ஊட்டி போன்ற சுற்றுலா நகரம் அருகாமையில் இருப்பதாலும் கேரளாவுக்கு நுழைவு வாயிலாக இருப்பதாலும் பல புதிய திட்டங்களை ஏற்படுத்தலாம்,

  • ravisankar K - chennai,இந்தியா

    இந்த சாலை வேண்டாம் என்று போராடும் கூட்டம் , இத்தனை ஆண்டுகளாக ஏரி குளம் குட்டை நாசமாக்கியது , மணல் கொள்ளை யில் அணையே உடைந்தது , இருந்தாலும் இன்று வரை தொடரும் மணல் கொள்ளை , வரைமுறையில்லா ஆக்கிரமிப்புகள் , எந்த கட்டுப்பாடும் இல்லாமல் பூச்சி மருந்து உபயோகத்தில் விவசாயம் நாசமாகி அதனால் பல வியாதிகள் வருவது , எந்த திட்டமும் வேண்டாம் , வேலையும் வேண்டாம் ,ஆனால் உட்கார்ந்து சாப்பிட இலவசம் மட்டும் வேண்டும் என்பதையெல்லாம் எதிர்த்து போராட வருவார்களா ???

  • A.Robet - chennai,இந்தியா

    திரு சுப்பிரமணி அவர்கள் தமிழகத்தின் கட்டமைப்பு வசதிகள் மோசம் என்று சொன்னால் பிற மாநில வசதிகளை என்ன சொல்வாரோ தற்போது சென்னையிலிருந்து சேலத்திற்கு நான்கு வழிகள் உள்ளன மூன்று வழிகளில் அதிக போக்குவரத்து உள்ளது நான்காவது சென்னை காஞசிபுரம் திருவண்ணாமைலை வழியாக சேலம் செல்வது போக்குவரத்து குறைச்சலானது இந்த சாலையில் சில மாற்றங்கள் செய்து எட்டுவழிச்சாலை அமைக்க உள்ளார்கள்

  • Srinivasan Kannaiya - muscat ,ஓமன்

    வனப் பகுதியில், 111 ஏக்கர் நிலம் மட்டுமே கையகப்படுத்தப்பட உள்ளது. எவ்வளவு காட்டு விலங்குகள் கெடும்.. எவ்வளவு மழை கெடும்... எவ்வளவு பிராணவாய்வு இழப்பு... எவ்வளவு கார்பன்டை ஆக்சைட் கிரகிக்கபடாமல் இருக்கும்

  • ravisankar K - chennai,இந்தியா

    தமிழ் நாட்டு மக்கள், டாஸ்மாக் மாக்களாக இருக்கும் வரை எந்த திட்டமும், உருப்படியாக வராது. அந்த காலத்திலே , கப்பலோட்டிய தமிழனையே ஏமாற்றி , வெள்ளையர்கள் விடும் கப்பலுக்கு ஆதரவாக செயல்பட்டது நம் வீர தன் மான தமிழ் கூட்டம் . இன்றைக்கு ஓசி டாஸ்மாக் பிரியாணி இருந்தால் போதும், எதை வேண்டுமானாலும் விற்று விடும் கூட்டம் .

  • தங்கை ராஜா - tcmtnland,இந்தியா

    யாருக்காக இது யாருக்காக..... இருப்பதை விட்டு பறக்க ஆசைப் படுவது யாருக்காக.

  • சுப்ரமணியன் - ?????? ??? ,இந்தியா

    மீண்டும் மீண்டும் சொல்கிறேன்... மிகமோசமான அடிப்படை கட்டமைப்பு கொண்ட நாடு நமது. மக்கள்தொகை பெருக்கத்துக்கு ஏற்ற எந்த வசதிகளும் கடந்த ஐம்பது ஆண்டுகளாக செய்யப்படவில்லை. இதே நிலை நீடிக்குமாயின் இது மக்களின் வாழ்க்கைத்தரத்திற்கு பெரும் நெருக்கடியை கொடுக்கும். இதுபோன்ற வளர்ச்சித்திட்டங்கள் மக்களின் பெரும் வரவேற்புடன் செயல்படுத்தி இருக்க வேண்டியவை, கையாலாகாத, தகுதியில்லாதவர்களால் அது கையிலெடுக்கப்பட்டு, செயல்படுத்தப்பட்டு எதோ இந்த திட்டம் தேவையற்றது என்ற எண்ணம் மக்களை சென்றடைய வைத்துவிட்டது. எட்டு வழிச்சாலை இனி ஒத்தயடிப்பாதையாக உருமாற்றம் பெற்றாலும் ஆச்சர்யமில்லை...

  • Kasimani Baskaran - Singapore,சிங்கப்பூர்

    கயவர்களுக்கு பயந்தால் நாட்டை முன்னேற்ற முடியாது... கொடிப்பிடிக்கும் தேசவிரோதிகளை ஒழித்துக்கட்டவேண்டும்...

  • கும்புடுறேன் சாமி - பன்னிமடை கோவை,இந்தியா

    சாலை பணியாளர்கள் எல்லோரையும் வேலையைவிட்டு நீக்கிட்டு சாலை போடுது இந்த அரசு

கருத்தைப் பதிவு செய்ய

Advertisement