Advertisement

'வாட்ஸ் ஆப்'ல் மூழ்கிய மணமகள்; திருமணத்தை நிறுத்தினார் மணமகன்

லக்னோ : உத்தரப்பிரதேசத்தில் 'வாட்ஸ் ஆப்'பே கதி என்று கிடந்த மணமகளை திருமணம் செய்ய மணமகன் மறுத்ததால் திருமணம் நிறுத்தப்பட்டது.


உத்தரப்பிரதேச மாநிலம் நவுகாகான் சதத் கிராமத்தைச் சேர்ந்த பெண்ணுக்கு திருமணம் நிச்சயிக்கப்பட்டிருந்தது. தன் குடும்பத்தினர் மற்றும் சுற்றத்தினருடன் திருமணம் நடக்கும் இடத்தில் மணப்பெண் காத்திருந்தார். ஆனால் மணமகன் வீட்டார் வரவில்லை.


பெண்ணின் தந்தை மணமகன் வீட்டாரை அலைபேசியில் தொடர்பு கொண்டார். அப்போது மணமகன் வீட்டார் 'உங்கள் மகள் வாட்ஸ் அப்பில் அதிக நேரத்தை செலவிடுவது எங்களுக்குப் பிடிக்கவில்லை. அவரை திருமணம் செய்ய மணமகன் மறுத்துவிட்டார். அதனால் திருமணத்தை நிறுத்தி விட்டோம்,' என தெரிவித்தனர்.


அதிர்ந்து போன மணமகளின் தந்தை மணமகன் வீட்டார் மீது போலீசில் புகார் அளித்தார். அதில் மணப்பெண் வாட்ஸ் அப்பில் அதிக நேரம் செலவளிக்கிறார் என்பதெல்லாம் சும்மா! மணமகன் வீட்டார் அதிகப்படியாகக் கேட்ட 65 லட்ச ரூபாய் வரதட்சணையை தரவில்லை என்பதே திருமணம் நிறுத்தப்பட்டதின் உண்மையான காரணம் என்று தெரிவித்திருந்தார்.


பகீபுராவைச் சேர்ந்த மணமகனின் தந்தை ஹுமார் ஹைதர், ''ஆம் நாங்கள் தான் திருமணத்தைத் தடுத்து நிறுத்தினோம். மணப்பெண் எந்நேரமும் வாட்ஸ் ஆப்பில் மூழ்கியிருக்கிறார். திருமணம் நெருங்கும் வேளையில் கூட அவர் மணமகனின் பெற்றோரான எங்களுக்கு வாட்ஸ் அப் செய்திகளை அனுப்பும் அளவுக்கு அதில் அடிமையாகிக் கிடக்கிறார். இந்தப் பழக்கம் எங்கள் குடும்பத்துக்கு ஒத்துவராது. எனவே அந்த மணப்பெண் வேண்டாம்,'' என போலீசாரிடம் தெரிவித்தார்.


திருமணம் தடுத்து நிறுத்தப்பட்டதன் உண்மையான காரணம் குறித்து போலீசார் விசாரணை நடத்தி வருகின்றனர்.

Advertisement
 

வாசகர் கருத்து (5)

  • Gnanasekaran Vedachalam - chennai,இந்தியா

    வர தட்சணை போதை மது மாது பழக்கங்கள் கையூட்டு பழக்கம் அநாகரிக பழக்க வழக்கம் உணவு உடை நடை முறைகள் மிக மட்டமான ஆளுமை தகுதி ரசனை இன்மை நம்பிக்கை யற்ற தன்மை நிலையற்ற வருமானம் மற்றும் வேலை பொருந்தாத தன்மை அடக்கி ாலும் தன்மை இன்னும் பல விழியங்கள் குடும்ப அமைப்பு ஆகியவை கூட திருமணத்தை நிறுத்தி விடும்

  • மலரின் மகள் - EDINBURGH,யுனைடெட் கிங்டம்

    புகாரை வாட்ஸ் ஆப்பில் பதிவு செய்ய வசதி உள்ளது. வரதட்சிணை குறைவாக இருக்கிறதாம் அதனால் பெண் வேண்டாமாம். திருமண நாள் நெருங்குவதற்கு முன்பே தெரிவித்திருக்க வேண்டும் இவர்கள். திருமணத்தன்று மணமகன் வரவில்லை அதை பற்றிய தகவலும் இல்லை. பேசாமல் மணமகனை காண வில்லை என்றோ மணமகனின் பெற்றோர் அவர்களை சிறை பிடித்து வைத்திருக்கின்றனர் என்றோ போலீசில் புகார் செய்து உள்ளே தள்ளி இருக்கவேண்டும். இனி இது போன்று கடைசி நிமிடத்தில் திருமணத்தை நிறுத்துவோர் மீது நஷ்ட ஈடு வழங்குவதற்கு சட்டத்தில் புதிய அம்சங்களை சேர்க்கவேண்டும். அந்த பெண்ணிற்கு அறுபத்தைந்து லட்சம் ரூபாய் நஷ்ட ஈடாக மணமகன் வீட்டார் தர வேண்டும்.

  • sudharshana - Aukland ,நியூ சிலாந்து

    இதில் என்னமோ சரியாக இல்லை

  • Arasu - Ballary,இந்தியா

    வரதட்சிணைக்கு மதம் வித்தியாசமில்லை போலும்.

  • ருத்ரா -

    உண்மை எது பொய் எது ன்னு ஒண்ணும் புரியல.மொபைலால் சாதகமா, பாதகமா பட்டி மன்றம் வேண்டுமானால் நடத்தலாம் அவ்வளவுதான்.

கருத்தைப் பதிவு செய்ய

Advertisement